Harei Roya Jum pataom bangsa (18/11) saong Harei Ilimo Viet Nam 24/11 di palei Đa Lộc, xã Châu Thành, tỉnh Vĩnh Long page ini, Tong Bi thu, Po negar ong Tô Lâm caong khin karja, Mat tran Negar Viet Nam tỉnh Vĩnh Long gam haong dom kapol nyaom saong bhap bini sangka caik hatai brei pambuak bhap bini, dak padang bruk hadah mbaok meta saong bruk ngak daong bhum palei hadei tuk pagam tame. Njauk brei sangka daong nghe nhan pato, ba mbuan lagaih ka dam dara bac megru saong ngak tui; pambuak baoh sang, sang bac, ilimo saong bhap bini dalam bruk pato drap ar. Ngan haong  ilimo Khmer, njauk brei sangka tal  sap ndem, akhar cih vak, seni nghe thuat, bruk ngak meng tangin saong dom labik nyaom pataom.

Mbang pakacah taong yaom prein bac di Dai hoc Quoc gia Ban raya Ho Chi Minh thun 2027 kuhria hu peih ngak dalam harei 28/3 saong 23/5. Tui kuhria mboh dahlau, Mbang taong yaom pakacah prein bac hu peih ngak di 15 tinh, ban, khik tamo kadha pakacah yau dahlau mai. Thun 2027,  Dai hoc Quoc gia TPHCM tacei pato palih ruah pataom tame hasa yau gauk dalam gah pato megru, dalam nan tanut pakacah taong yaom prein pakacah meblah ralo abih.

Xã Bắc Bình, tỉnh Lâm Đồng (di Bắc Bình, Bình Thuận ) birau peih tal pato bac ilimo oh mboh di meta ka labaih 100 anek saih lac urang Cam. Dom urang bac hu bac bruk taong Gi-nang, yuh saranai; ngak lan am Cam; pato tamia bhap bini Cam. Ong Cửu Đặng Long An, urang pato taong Gi-nang saong tamia dom kadha bhap bini Cam khan brei thau:

TPHCM parabha 168 don vi hanh chinh pakat xã  jeng 4 nyaom tui bhap bini, patagok do thi saong lagaih tui, piah kuhria urang ngak bruk, bien che vaktu meng 2027 -2031. UBND TPHCM brei thau ka bruk parabha nyaom lac taong yaom bruk ngak, kaya kan saong bruk ngak di karja pakat xa, duh ka bruk pasang iek bruk ngak saong langyah  bruk khin hu urang ngak bruk.

Yaom ikan pra tinh Dong Thap tagok glong, yaom blei di hlung danao raong hu yaom meng 37.000 -37.500 dong sa kilo. Ini lac yaom glong abih dalam 3 thun tapa. Ngan haong yaom ini, urang raong hu laba labaih 10.000 dong sa kilo ikan. Tui urang raong ikan, yaom ikan pra tagok glong kayua kurang ikan, bo bruk khin ngak ikan pablei tabiak negar langiu. Tuk vak jaik ini, taneh hlung raong ikan pra daok trun, hlau ikan kurang ka dom sang mac  piah ngak tabiak kaya.

Dalam bilan 10 meng blaoh, khaw tin mbuan mblo tabiak kayua dom mbang taong tame mạng di dom doanh nghiep saong kapol nyaom di Nhat Ban tagok tal labaih 185 trieu mbang. Bruk ini daok tagok 3,7 mbang dut saong thun 2025. Langiu  bruk nan, ndem ka khaw tin yau mat khau saong ID tame..., kuhria hu labaih 161 trieu mbang khaw tin mblo tabiak gah langiu. Rajaei  Nhat Ban jeng brei taduan bruk kan kandah trak urak ini.

Gah Y te Dunya (WHO) kakei peih praong sa bruk ngak iek vắc xin Ebola di Congo, pabak veik dua janih vaccine ngak iek hu peih pambak praong piah pacang zcaga virut Bundibugyo, virut urak ini oh ka hu vaccine atau jalan taong ruak halei brei mbaoh harak. Kuhria meng bilan 5 tal ini, Congo taduan hu labaih 10.000 urang ruak saong 5.000 urang metai, jit ruak Ebola tamuh  ngak metai ralo urang abih di negar ini.

Bruk uan raok Giáng sinh tame grauk labik Rio de Janeiro di Brazil meng bilan ini tuk hu 55  urang bac meng Sang bac Ong taha Noel Brazil tadaun harak bac tamat hadei sa bilan pasram saong ngak bruk di dom bruk saong labik pablei salih dalam Giang sinh thun ini. Tal bac hu padang ngak di thun 1993, salah oh abih jien ka urang likei meng 50 umo tagok saong hu bilau cang, bilau biu saong mbuk patih. Mbiah tal ini, labaih 1.000 ong taha Noel tamat sang bac ini./.