Bi thu Ban uy Ban raya Ho Chi Minh brei thau, Ban raya hu pandar dom labik taneh saong jabat daok labaih piah brei ka bruk patagok pato megru saong y te. Ong Trần Lưu Quang jeng taduan dom bruk hadah krah saong panuac ndom  meng dom sang bac ka dom jalan kinh te - xa hoi di Ban raya Ho Chi Minh, dalam nan salih Hacih hijao ka Ban raya Ho Chi Minh pataom tame Can Gio saong Con Dao saong dom hadah krah pambuak dunya ka y te, piah jhul tagok samar chip dalam dom gah brei caik dahlau…

Labaih 600 urang dang di tinh Dong Thap hu alin Huy hieu Dang di bingun pahadar 108 thun Cach mang Tháng Mười Nga (7/11). Bruk alin Huy hieu Dang hu makna biak praong dalam, piah meyaom dom bruk rik daong, ba abih hatai di urang ndang umo taha ngak bruk cach mang di Dang saong taneh ia. Tapa nan, pachreih dom urang dang umo taha patagok jalan diukrai cach mang, sahaneng nao dahlau dalam bruk ngak piah dak padang Dang, dak padang karja di bhum palei.

Ong Phan Minh Chí, Phaok Yam ndok So Ngak nong - Moi truong Ca Mau, brei thau tinh hu taneh raong hadang hu labaih 416.000ha, ngan haong rilo bruk, dalam nan bruk raong buh jien tabiak sengka rilo ngan haong labaih 34.000ha, hadang hu labaih 45% dalam negar. gah hadang Ca Mau daok rik daong hu makna, ba yaom kaom pablei tabiak kaya dalam ia di tinh hu labaih 2,6 ty USD yaok thun. Min, Ca Mau jeng daok gaok kan kandah praong yau langik salih karei, ia tagok saong njom ia mbak, ngak kan kandah tal bruk pala drak saong bruk daok dang diukrai.

Anak dom bruk khat lahik kayua ribuk ka 13, dalam dua harei tapa, dom don vi di Bol lin Bien phong tinh Dak Lak pambuak haong dom kapol, urang ngak pahala peih ngak rilo bruk daong kaya kan ndap nda ka bhap bini gaok kan kandah. Balai Bien phong Xuan Dai hu jao brei 20 paok pandap ka dom baoh sang bhap bini raidiuk kan kandah gaok khat lahik kayua ribuk ka 13. Yaok paok yaom 500.000 dong, dalam nan hu kaya mbang; “Ging tahaneh mbang zero jien”  taneh mbang saong khat brei 1.000 paok lisei huak yaok harei ka mikva bhap bini. Balai Bien phong Xuan Hoa alin 20 paok pandap kuhria tui jien 40 trieu dong, daong ka dom baoh sang khat lahik trak…

Bo Tu lenh Bhum Canh sat tasik 4 pambuak haong UB Bhap bini dac khu Phu Quoc, tinh An Giang peih bruk pathau khan hukum ka pacang caga taong mek IUU ka labaih 150 urang jakar, po gilai, urang peih nduac gilac, urang nao tasik dalam bhum. Bingun ini, BTL Bhum Canh sat tasik 4 alin brei 10 paok kaya, hu yaom 10 trieu dong ka urang nao tasik baoh sang kan kandah; alin hala dok Taneh ia negar; thaik Wa Ho; kadung jru y te ka dom po gilai, urang peih nduac gilai dalam bhum…

Dom Thuong nghi sỹ Mỹ ginum biai njauk gauk tui nan brei mbaoh harak jien padai ka rajaei tal harei 30/01/2026. Harak jien padai daok cang Hạ viện brei tapa saong meda lahik rilo harei. Urak ini, oh ka thau cambaic laic harak nan njauk hatai dom nghi si Dan chu di Ha vien atau oh. Thuong vien My hu peih bruk ginum biai tapa 14 mbang buh phieu piah kham merat brei rajaei ngak bruk veik min oh jeng kayua oh ginup 60 hala phieu njauk hatai.\

Dalam pathau khan bahrau, Mentri Pablei salih Trung Quoc brei thau anak meta brei padeih dom jalan pasang iek pablei tabiak ngan haong dom khoang san hu makna tapa My. Hu thau lac, gali saong germani lac kaya biak khang, hu pandar dalam janih ban dan. Germani daok pandar ka ilamo kong nghe hong ngoai, cap quang saong pin ia harei. My lac darak pasar praong di 2 janih khoang san ini. Pathau khan ini di Trung Quoc hu ba tabik hadei tuk Washington ba tabiak dom bruk ngak suai ka gah chip trung Quoc.

Ribuk Fung wong tuh tame tinh Aurora, Philippines melam kabroi, ngak takik abih 2 urang metai saong pacang cakak dom ban sit. Jabat kuhria dut iek langik tathik di negar  Philippines brei thau, ribuk urak ini daok tame tathik Bien Dong saong dut mboh dahlau ralo dalam negar Philippines hu hajan praong saong hangin khang di labik tapen tathik ngak labaih 400 mbang ahaok par brei padeih. Ini lac ribuk ka 21 tuh tame Philippines dalam thun ini saong tal harei ribuk Kalmaegi, ngak 224 urang metai./.