Jien pablei pandap tabiak, saong blei tame meng negar gah ngak glai, kaya ikan dalam negar jaik 82, 67 tỷ dola Mỹ

Tui Mentri Ngak nong saong patagok palei pala, yaom lac jit Covid-19 daok rah tabiak sraw kadau, min meng bruk kham merat glong abih, dalam thun tapa gah ngak nong mek hu dom tanut hu makna biak praong, dalam nan hu bruk pablei kaya nong, rik daong patagok di di gah ngak nong dalam thun ini. Dalam 11 bilan tapa, kuhria abih tih jien pablei pandap tabiak, saong blei tame meng negar gah ngak glai, kaya ikan dalam negar jaik 82, 67 tỷ dola Mỹ. Tui Thứ trưởng Mentri Ngak nong saong patagok palei pala Phùng Đức Tiến, meng bruk ngak hu nan, ye bruk pablei tabiak negar langiu dom kaya nong, kaya glai, kaya ikan di gah ngak nong ba tabiak lac 44 tỷ đôla Mỹ dalam thun ini, lac meda mek hu.

Bruk ngak palei dam dara “2 saoh, 2 hu” hu kapul Liên hiệp dam dara Việt Nam tỉnh Gia Lai peih ngak, piah pamaong tal bruk “2 saoh”: Oh hu dam dara dok saoh; oh caik rah tabiak trọng án, tội phạm song tệ nạn xã hội dalam dam dara. “2 hu”: Hu kapul, nyaom, dam dara khik ramik song patagok ilamu bangsa; Hu jalan ngak ka dam dara patagok kinh tế. Urak ni hu 82 palei tabiak mbaok Palei dam dara “2 saoh, 2 hu”. Urak ni, taong abih dom palei dam dara ni jengv daok khik bruk salih pren ngak, piah dong ka dam dara patagok kinh tế song padang kadung jien ka bruk ngak di kapul nyaom. Abih di nyu nan lac, dom palei hu padang tabiak saong khik bruk ngak di dom kapul nyaom dam dara khik ramik song patagok ilamu bangsa.

Meng harei 10/12 anak tal, Ban raya HCM brei klauk jru vaccine Covid-19 pabak ka urang mbuan njom ruak glong saong klauk veik ka urang hu klauk ginup vaccine mbang 2. Dalam nan, jru klauk pabak ka urang umo 18 thun tagok trun prein caga ruak atau hu pandar jru pacang ruak dalam 6 bilan…saong urang umo meng 50 thun tagok. Jru klauk pabak veik brei klauk ka urang umo 18 thun tagok, brei klauk dahlau ka urang hu ruak dahlau dalm rup; urang iek ruak suai lavik di labik y tế; urang umo 50 thun tagok; urang ngak bruk xét nghiệm, iek glang, taong ruak ka urang Covid-19; urang jakar y tế; ngak bruk pacang caga ruak. Ban raya kham tal puac thun 2022 meda ginup jru klauk pabak ka taong abih urang umo 18 thun daok di Ban raya.

Dalam rilo harei tapa, tỉnh Đắk Nông song Đắk Lắk hu dom sruh jit ruak COVID-19 bahrau dalam bhum mik va bangsa takik. Tui panuac khan di jabat chuyên môn, makna lac kayua bhap bini iek lap oh ngak tui 5paka di mintri y tế song bhian pataom gauk ndom nyai dalam bhap bini. Rilo sruh jit oh ka thau meng halei mai kan si pasang iek nan ye bruk duah urang F0 gaok biak rilo kan kandah. Piah patrun patakik jit ruak dalam bhum mik va bangsa takik , palei hu pataom tame bruk jak ba piah ka bhap bini pacang caga jit Covid-19; abih di nyu nan lac hu panuac ieu bruk hu mbaok di urang hu angan je ,halau janeng, taha palei, akaok palei piah ka bhap bini pachreih tui saong ngak catang tui bruk pacang caga jit Covid-19.

Ong Nguyễn Hoài Trung, Pho Yam ndoc Sở Jalan mbak pajeng ba tỉnh Long An brei thau, jalan tỉnh 823D, atah 14 km, akok jalan pambuak Ban raya HCM, puac jalan labik jalan N2, vòng xoay ban sit Hậu Nghĩa, huyện Đức Hòa hu Mentri Jalan mbak pajeng ba buh jien tame ngak. Danak dak nan peih ngak dalam bilan ini, kuhria abih tih jien buh tame 1.400 tỷ đồng. Jalan nan pambuak dom jalan vành đai 3, vành đai 4 di TP HCM tame jalan vành đai 3, vành đai 4 di TP HCM tame jalan Hồ Chí Minh (labik Chơn Thành - Đức Hòa). Langiu di nan, hu 6 jalan pambuak saong Ban raya HCM saong Long An, phun jien abih tih labaih 17.500 tỷ đồng, hu pok panuac likau brei ngak meng ini tal thun 2025 piah jhuk pakhang bruk cak rok patagok kinh tế, xa hoi di tỉnh.

Dom urang ilamu hu duah tabiak sa phiên bản “tàng hình” di biến thể Omicron, kan si neh tabiak hu hong dom biến thể karei di SARS-CoV-2 tapa dom dut iek PCR samar. Blah Guardian brei thau phiên bản Omicron njauk huac kanda ni hu rilo đột biến song chủng Omicron tamo, min nyu kurang sa janih salih di truyền prong piah dom dut iek PCR duah mboh virus hu siam lagaih. Tong abih dom bruk dut iek karei jeng mboh nyu lac virus SARS-CoV-2. Min, dom bruk dut iek PCR hu thau samar oh mboh hu phiên bản “tàng hình” kayua kurang labik gien “S”. Dom urang roh duah brei thau, dok biak avar piah ndom lac phiên bản Omicron bahrau hu njom mbak tui jalan dreih yau Omicron tamo halei oh.

Mentri Ngoại giao Palestine birau tabiak panuac pok meyaom dom taneh ia dunya cagar veik bruk Israel padang ngak 9.000 baoh sang di dom labik daok di Do Thái labik Đông Jerusalem, gam iew dunya jhul patagok bruk salamat hòa bình Trung Đông. Panuac nan ndom lac jalan ngak di dom taneh angaok dunya “lac jalan nao njauk, lagaih”, saong lac “brei hu rilo jang dom jalan ngak piah padeih bruk padang ngak labik daok di Israel.” Gam haong nan, jeng hu panuac iew dom taneh ia dunya “kham merat jang piah jhul patagok bruk ngak brei salamat hòa bình biak bai di Trung Đông tui dom tacei pato hòa bình dunya saong dom sarak di LHQ.”

Sa mbang khuah khang rah tabiak di sang guk daok di ban ine Gitega di Burundi, ngak takik di abih 38 urang guk metai song 69 urang njauk rambuac. Pasang iek camereip di mintri Nội vụ negar ni brei thau, pui khuah rah tabiak di mon 4 mesup 7/12, makna lac kayua chập điện. Dom urang mong mboh brei thau, pui khuahpraong song pambak khang dalam tuk rilo urang guk dok ndik. Pui khuah mbang ralai rilo labik dalam mblang bein sang guk. Sang guk hu umo 100 thun ni hu mong lac labik mek kreik prong ka 3 di Burundi song dok tapa prein di nyu./

Urang lang: Hani Pha – Bhumi – 08/12