Ngan saong dom manuac halei hu pandar ứng dụng Bluezone, hệ thông meda salih tapa (PC-Covid) 

Ứng dụng pacang caga jit Covid-19 pakat negar ( PC-Covid) hu tabiak mbaok angaok Apple Store saong Google Play, kayua Cục Tin học hóa (di Mentri Thông tin Truyền thông) peih ngak. Ngan saong dom manuac halei hu pandar ứng dụng Bluezone, hệ thông meda salih tapa (PC-Covid). Ini lac bruk hu peih ngak tui tacei patao di Thủ tướng Rajaei, piah padang ngak hasa ứng dụng pandar pacang cagar jit dalam negar. Hu mboh harei 30/9, urang tame PC-Covid tagok gam gam. Dom mentri: Thông tin Truyền thông, Y tế, Công an hu padang jalan langyah dom tavak taviay, brei thau drah samar tuk pandar PC-COVID. 

Meng harei ini (1/10), di ban raya HCM, dom bilai pasang iek dalam ban hu yah klaak, oh pandar harak gar nao jalan. Min, 12 bilai praong saong 39 bilai sit jaik taphia dom tỉnh jeng daok hu khik. Piah pasang iek bruk nao mai, Công an ban raya patagok bruk pasang iek di jalan. Ban raya HCM daok pambuak haong dom tỉnh, ban taduan raok bhap bini. Peih veik dom darak meng kan tui taong yaom di dom phường, xã, ban sit, quận, huyện. Ban raya jeng daok pakauk bruk ngak di dom darak tamuh eng, pablei salih hàng rong.

UB bhap bini tỉnh Long An hu harak payua 16 puk palei di 1.247 menuac daok gar veik di jalan raya N2, huyện Đức Hòa daok hu tỉnh ini daong sangka brei, pambuak bruk taduan raok bhap bini nao palei meng  harei ini tal harei 15/10. Dahlau di nan, labaih ribau manuac peih radaih patuh angaok jalan N2 piah mai palei min oh tapa hu labik pasang iek jit ruak di xã Hựu Thạnh, huyện Đức Hòa. Hadei di tuk urang ngak praong di tỉnh Long An langyah, rilo urang pang tui daok veik Long An, hu brei daok sang trọ oh abih jien dalam bilan anak tal, daong pandap mbang saong duah bruk ngak brei di dom doanh nghiep dalam tỉnh.

UBND tỉnh Bình Thuận hu harak samar drah ieu Akaok UBND ban Phan Thiết kiểm điểm bruk ngak di dom kapul nyaom, manuac urang hu pambuak tal bruk dut iek di phường Phú Tài, ba tal bruk tamuh tabiak rilo F0 dalam rahra. Tui nan, dalam 1 baoh sang hu 11 urang njom COVID-19 di pak ini, hu 1 urang mek mau dut iek tal 3 mbang, 1 urang hu mek mau dut iek 1 mbang. Langiu di nan, meng harei 29/9, sa binah phường Phú Tài peih bruk paatah di gauk tui Sarak 16, min bhap bini ka oh ngak catang.

Công an tỉnh Đồng Nai brei thau, hu duah mboh jalan pablei salih, pajeng ba matuy suan hukum tapa negar. Kapol urang nan biak jhak, hu rilo dhar kapol nyaom di rilo tỉnh, ban. Tui hồ sơ, harei 5/2, Công an Đồng Nai chap hu 8 urang pajeng  20kg matúy patau tame tỉnh ini pablei. Patui nan peih praong bruk duah thau, công an hu thau dalam tuk tỉnh Đồng Nai daok peih bruk pa-atah di gauk piah pacang caga jit ruak, dom urang nan pambak tame radaih mbat ba-ar jalan hijao piah pajeng ba matuy mai meng dom tỉnh bhum kreh negar tame Đồng Nai, ba tame pablei di Ban raya HCM saong dom tỉnh Tây Nam bộ. Công an tỉnh chap mek jaik 50kg matúy đá gam saong phao ndao, pandap panda pambuak tal. Ini lac dom matúy cap mek hu praong abih meng dahlau mai di tỉnh Đồng Nai.

Dom urang ngak praong gah quốc phòng Mỹ brei thau lac pametai hu sa urang par akaok pakat glaong di Al Qaeda lac Salim Abu-Ahmad dalam sa mbang taong meng kapal ahaoh oh hu manuac peih di Syria. Urang ni lac menuac tabiak bruk, daong jien saong brei ngak dom mbang taong di Al Qaeda di rilo taneh ia dalam bhum. Kanja Mỹ brei thau oh mboh bhap bini metai dalam bruk taong ini. Dahlau daih, urang par akaok pakat glaong di kol IS metai dalam sa mbang taong di dom kapul đặc biệt di Mỹ.

Sa roh duah di Anh harei kabroi brei thau, menuac sia meda klauk vaccine COVID-19 haong klauk caga cúm sa mbang haong gauk, oh ngak kandah hagait tal bruk miễn dịch hu tamuh tabiak meng 1 dlam 2 janih vaccine. Anh haong dom taneh ia Bắc bán cầu karei daok caga ka 1 bilan barak kan kandah, meda tagok rilo dom menuac ruak cúm. rajaei Anh sanya hu danak dak klauk caga cúm praong abih kuhria meng dahlau mai dalam thun ini.

Taneh ia Nga hu ndam lakhah saiy salai patao camereip abih hadei di labaih 1 abap. Đại công tước George Mikhailovich Romanov – saiy salai patao Nga ngak ndam lakhah di medil St. Petersburg di Nga harei ini (1/10). Ndam ini lac 1 bruk praong ngan saong yaok ratuh tuai da-a meng negar lingiu mai hu mbaok. Đại công tước George Mikhailovich lac anek likei di amuk Công tước Maria Vladimirovna, tabiak panuac lac drei ini sai salai patao Nga. Saman patao Romanov di taneh ia Nga dui atah dalam 300 thun dahlau di tuk Sa hoàng Nicholas II luai ngak patao di thun 1917./.

Urang lang: Thu Thao – Ai Nghiem – 01/10 10:16:05 AM