Jalan ngak patagok gah ngak glai Viet Nam tukvak 2021-2030, pamaong tal thun 2050 ba tabiak bruk kuhria biak rilo caong takre; hu 1 trieu ha glai hu brei harak angan “Pasang iek glai karo kajap” tui tanut chuan dunya dalam thun 2030. Urak ini dalam taneh ia hu labaih 2 trieu ha glai di po glai lac kapul hu mbaoh tangin ka bruk pasang iek glai karo kajap, pabak labaih 3 trieu met khoi kayau hu harak angan ka bruk ngak jeng pandap kaya saong pablei tabiak. Piah ngak hu bruk kuhria ba tabiak, gah ngak glai Viet Nam patui veik pacang khik saong patagok phun glai, khik tani tanat bruk me-om 42-43%.

Jabat Canh sat Jalan mbak Kong an Ban raya HCM taong yaom, Sarak 168 ka bruk taong phat hanh chinh ka bruk khik brei salamat jalan mbak ngak salih jalan sahaneng di bhap bini, paglong jalan sahaneng ngak njauk tui hukum jalan mbak jang. Mbiah tal tukvak ini, bhap bini hu ngak njauk tui dom hukum ka bruk salamar jalan mbak. Abih di nyu, lac dom bruk yau ye peih radaih oh tui gom jalan mbak, peih radaih cagar jalan, peih radaih di jalan tauk trak via he…mboh trun cambaic laic. Bhap bini thau sahaneng  lagaih, abih di nyu lac ilamo “oh peih radaih hadei menyum alak, mbia” dak harei dak mboh siam.  

Dom harei akaok thun bahrau, bruk bui sambai di mbang yuak padai hu rah tabiak di grauk mblang hamu padai di huyen tapen negar Bù Đốp, tinh Binh Phuoc. Dalam huyen Bù Đốp hu labaih 1.800 ha pala padai ia. Padai Đông Xuân ini, rahra tam padai labaih 1.000 ha. Yaok sao hamu yuak hu labaih 1-1,5 tan padai. Hu yaom pablei labaih 8-9 ribau ndong/kg, mbang padai ini hu ba mai jien mek tame ka rahra. Tui rahra, meng hu 7 danak dak, kraong ribaong bahrau hu buh jien tame, daong ka rahra tagok pala  drak 2, atau 3 mbang sa thun.

Kayua langik tasik oh lagaih yau nan ye di bhum taneh Gò Công di tỉnh Tiền Giang, bilan Đông Xuân thun ini yuak oh hu padai, yaom pablei lap. Urak ini, yaom padai mbang ini trun 1.000 dong sa kilo, trun jaik 2.000 dong sa kilo dut saong bilan dahlau. Oh lac yuak tok takik padai saong yaom lap, bo bruk yauk kuak di urang ngak nong pak labik hamu dhaong gaok kan kandah kayua  ia dalam ribong pabak gam gam, ia tagok glong tame hamu. Urang ngak hamu pak ini caong khin dom gah chuc nang, ndon vi  khik iek dom binek ribong ia brei caik hatai kuhria tui iek.

Ong Thạch Cơne, Urang Khmer hu angan je di tinh Tra Vinh, hu rilo bruk ngak hadah krah piah paglaong ilimo hukum ka mikva. Ong gam haong kalup kapul pacang caga urang duas sang baha Trà Sất bhian pathau khan, brei thau ilimo hukum, ilimo pacang caga jit ruak meng sap Khmer, daong ka mikva mbuan thau. Langiu di nan, ong Cơne daok kaoh taneh ngak jalan, jak ba mikva khik ramik hacih sa-at labik daok, daong padang palei pala dak harei dak siam gheih ginup meda.

Thái Lan brei dar ala taneh  labaih 64 tan durian Trung Quoc bayar mai kayua njom jru nyaom kanjiak katam, gam brei padeih 26 doanh nghiep pablei tabiak negar langiu  saong brei ngak tui jalan pasang iek  tani tanat jang piah pacang caga dom bruk  dreih yau nan anak tal. Jabat chuc nang brei dut iek dom baoh durian hu bayar mai veik  saong mboh hu jru nyaom hu pandar  piah ngak tagok sambo bar ka baoh durian, abih di nyu lac piah pablei tabiak negar langiu.

Rajaei Australia hu mbaoh tangin ka hukum pacang catang urang duas mebai janek, dalam nan hu dom tanut taong bhat takik abih ngan haong duas khủng bố saong bruk brei mboh mebai janek. Hukum ini brei ngak tui tanut daok guk takik abih meng 12 bilan ngan haong dom duas mebai janek takik ngak kanjah jhak, yau ye salam dreih yau phat xit di labik rahra saong 6 thun ka urang njauk kaoh duas khung bo. Thu tuong Anthony Albanese ndom lac, dom urang hu mbaok tame dom bruk mebai janek, dalam nan hu bruk mebai janek Do Thái, njauk kaoh duas saong kareik daok guk.

Nha Trang urak ini daok pachreih urang bhap bini Mỹ brei panuac ka sarak kayua karja Tổng thống Donald Trump piah  Mỹ  nao dahlau dang akaok dunya dalam gah ngak kong nghe tri tue nhan tao AI. Urang jakar Nha Trang brei thau lac bruk ngak do AI duah thau bruk ngak sarak halei njauk ngak dahlau piah palong labik dang di negar Mỹ  gah AI jeng yau plaik njiak dom bruk oh khin hu dalam bruk cak rok patagok di urang gah langiu karja./.