Pahadar 79 thun Harei Thuong binh - Liet si (27-7-1947 - 27-7-2026), Mban thuong truc Hoi dong Tri su Giao hoi Phat giao Viet Nam ba tabiak sarak caong khin Mban Trị sự Giao hoi Phat giao Viet Nam dom tinh, ban raya  khan tal dom baha, labik kakuk dalam negar taong klau sap chuong, hagar bat nhã mon 5 tuk harei 27/7 piah hadar veik, thau dhar phol dom anh hùng liet si var klak rup drei ka doc lap, bebat di Taneh ia. Ini lac ilamo siam gheih meng kan di bhap bini Viet Nam, lac hukum di agama Phat pahadar dhar phol.

Meng ini tal puac thun, tinh Vĩnh Long brei buh jien tame 735 ti dong ka 114 danak dak, daong 7 xã daok veik brei ngak salah dom asar kadha palei pala birau. Ini lac bruk hu makna praong daong dom bhum palei padang ngak palei pala birau dalam thun ini. Urak ini, bruk ngak blaoh dom tanut palei pala birau di 7 xã daok biak biar. Dalam nan, xã Bảo Thạnh saong Ba Tri ngak hu 5 dalam 10 kadha; xã An Bình ngak hu 3 dalam 10 kadha; xã Long Hồ saong Tân Thủy ngak hu 2 dalam 10 kadha; xã Trà Côn ngak hu 1 dalam 10 kadha; daok xã An Hiệp oh ka ngak hu kadha halei.

Tỉnh Khánh Hòa mbaoh harak Danak dak Khik iek, caga saong patagok ilamo drap ar vaktu meng thun 2025 -2030 dalam nan hu bruk ngak lan am Cam Bau Truc. Tui nan, bruk ngak hu kajap karo di palei Hamu Craok oh njauk ngak tabiak ralo kaya lan, bo khik tamo jalan ngak hu meng kan mai saong patagok bruk yulit di palei ngak. Bruk ngak yulit bhap bini brei mboh labik dang  yau sa “gilang diuk”  njauk makna. Tuai damuai mai Bàu Trúc oh lac blei lan bo piah hu rivang iek dom ilamo karei…

So Pato megru Cà Mau khan lac, meda atah klak tut pakacah di anek saih T.T.Q.,  Sang bac THPT Hồ Thị Kỷ, gam kaoh tui hukum dom kapol nyaom, urang pambuak tal bruk anek hu ngak bleih.  Bruk ba tabiak hadei jabat  chuc nang thau khaw tin ba angaok mang xa hoi ka sa anek saih pakacah mon Toán hu pandar ndien thoai dalam bilik pakacah. Tapa ngak bruk tapak  haong jabat chuc nang,  anek saih T.T.Q taduan taong abih bruk  ngak suan hukum pakacah tamat THPT birau ini.

Enam bilan akaok thun, TPHCM hu 5  urang metai kayua ruak meruai. Njauk caik hatai, taong abih dom urang nan oh hu klauk jru vaccine saong huyet thanh pacang ruak hadei tuk asaw meyao ruak kaik, klak tapa bruk pacang ruak. Khaw tin nan hu Pasak Pasang iek ruak kik TPHCM brei thau harei kabroi 20/7. Tui Pasak Pasang iek ruak kik TPHCM, ruak meruai tamuh tabiak ye oh diuk hu, min pacang hu meyah ngak njauk ngak samar hadei tuk athur ruak kaik.

Han Quoc birau khan brei thau, Kuhria taong abih kaya ngak tabiak dalam negar kuria tui yaok akaok manuac di taneh ia ini hu labaih 39.000 USD, tagok 7,6% dut saong thun 2025 lac tagok glong abih dalam 5 thun jiak ini. Seoul kham merat ba tabiak bruk ngak 6 bilan puac  thun hu angan “Pamong tal 3.4.5”, patagok bruk lagaih 3%, dang dhi 4 angaok dunya ka bruk pablei kaya kan tabiak negar langiu saong jien mek tame tui kuhria yaok akaok manuac sumu 50.000 USD.

Dalam tuk Cuba  daok gaok rilo kan kandah ka nang luong saong raidiuk bhap bini, dom bruk  daong ngak pahala saong dom bruk gah langiu tamuh gam gam dom harei jaik ini. Tapa nan brei mboh, langiu bruk daong tapak, dom bruk ngak pahala saong pambuak gah langiu hu jeng yau tatua pambuak bruk ngak mbang haong dom negar langiu piah klak rabha dom kan kandah haong Cuba.

Rajaei Indonesia daok caga dom bruk salih pambak praong ka hukum AI, dalam nan hu bruk brei ban quyen ka dom urang pandar tri tue nhan tao piah ngak asar kadha. Meyah  hu brei tapa, Indonesia hu jeng taneh ia akaok meti di Dong Nam A gam AI tame hukum. Tui harak, dom kadha AI daong, dalam nan hu kadha ma-in dien tu, thaot binguk, danak dak mac tinh, harak mbao saong flim thaik binguk, khik hu bản quyền meyah ngak hu abih dom asar kadha ka anek manuac.