Tuk vak anak tal ban raya hu jhul pakhang bruk pasang iek dom doanh nghiệp gaok kan kandah 

Di Nyaom roya Pakacah gauk anit ranam pakat negar mbang ka 10, page ini 9/12, Thủ tướng Rajaei Nguyễn Xuân Phúc ba kaok kapol urang ngak praong di Đảng, Karja tame pok bingu, cuh gilau hadar dhar phol dom Anh hùng liệt sĩ di Đài pahadar dom Anh hùng liệt sĩ di jalan Bắc Son, Hà Nội saong tame rivang Kalan Chủ tịch Hồ Chí Minh. Gam tame rivang kalan Chủ tịch Hồ Chí Minh hu dom urang ngak praong di Đảng, Karja, dom urang cách mạng dahlau diah umo taha, urang ngak praong di dom mban, mentri, dom gah, kapol nyaom palat negar saong thun 2020 urang lambaok vakil di Nyaom roya pakacah gauk anit ranam taneh ia kapat negar mbang 10.

Mintri jalan mbak pajeng ba (GTVT) bahrau likau Thủ tướng brei adat oh peih bruk thu phí điện tử oh padeih di 7 danak dak BOT di jalan roya 51, jalan roya 3, jalan roya 91 song di Cà Mau. Mintri jalan mbak pajeng ba, bruk thu phí điện tử oh padeih tuk vak ka 1 peih ngak di 44 bilai thu phí, tuk vak ka 2 hu 33 bilai thu phí kayua mintri jalan mbak pajeng ba khik ramik. Langui di nan, dok hu dom bilai thu phí kayua tỉnh ban lac jabat karja hu thẩm quyền peih ngak.Thủ tướng batabiak suai di abih tal harei 31-12-2020 brei salih tapa thu phí ETC. Taeng dom bilai kayua Tổng công ty Đầu tư patagok jalan cao tốc Việt Nam (VEC) khik ramik, bruk ngak salah bloh kayua mintri jalan mbak pajeng ba song Ủy ban khik ramik phun jien pasang iek, langyah ka nyu lagaih song phun jien di danak dak.

Akaok UBND TP.HCM Nguyễn Thành Phong brei thau tuk vak anak tal ban raya hu jhul pakhang bruk pasang iek dom doanh nghiệp gaok kan kandah abih di nyu nan lac doanh nghiệp mbiah song sit, peih ngak samar dom jalan dong ka doanh nghiệp, urang kathaot, urang kan kandah kayua jit ruak COVID-19. Tui ong Phong, tuk vak tapa, ban raya hu dong pok jien ka sa ka dom doanh nghiệp kan kandah. Dalam nan hu dong 100% dom doanh nghiệp song yaom jien 611 tỉ đồng, dui atah tuk vak 8.800 tỉ đồng jien kak je ka doanh nghiệp; 218 tỉ đồng dui atah jien je, jien duah hu di urang, jien pah taneh ka dom boh sang pablei salih.

Ong Vũ Hồng Thuấn, Phó Akaok UB bhap bini sit Ban Vũng Tàu, tỉnh Bà Rịa - Vũng Tàu brei thau, meng harei ini 9/12, karja meda chap mek brei yah klak 74 danak dak padang ngak suan hukum di xã kaoh pulao Long Sơn. Dahlau di tuk chap mek, karja palei brei ngak njauk ginup dom bruk tui adat yau taong phạt, ba tabiak bruk brei yah klak saong jak ba brei yah eng. Yau nan min, jeng daok jaik 74 po danak dak oh khin yah klaak. Dom danak dak oh hu harak gal njauk hukum nan ralo meng daok di labik vil val danak dak ngak menyek Long Sơn.

Melam 8/12, Công an thành phố Thủ Dầu Một brei thau bruk chap mek chip kareik chip Lê Tấn Thành umo 29 thun, di Bình Dương piah dauh thau bruk ngak suan hukum ba tal laka hadei tuk radaih gunuk tame gauk angaok jalan mbak. Di jabat công an, Thành taduan lac, hadei tuk radaih gunuk gauk, kayua pandiak hatai yau nan ye ngak dom bruk yau dalam clip. Thành khan lac hu menyum alak mbia dahlau di nan yau nan ye oh thau drei ngak suan. Jeng tui jabat ini, Thành bhian hu dius taong paoh urang saong blah mek drap ar.

Bra-xin khan lac hu labaih 51 ribau urang njom Covid-19 song 842 urang metai dalam 24 tuk tapa. Ni lac urang metai glong di abih kayua Covid-19 di Bra-xin meng di harei 14/11.Urak ni, negar Nam Mỹ hu 6 triệu 675 ribau urang njom Covid-19 meng di tuk jit prong rah tabiak di negar ni, dalam tuk nanurang metai hu tagok labaih 178 ribau urang. Bra-xin hu dom urang njom Covid-19 glong ka 3 song urang metai glong ka 2 di dunya.

Harei kabroi, 6 urang lahik hadei sruh kapal haok trực thăng pajeng dom urang nan laik trun di talei ceik Alps di Pháp glaong 1.800 mét.Tui karja pak nan, sruh kapal haok gaok bala hu 2 urang phi công, 2 urang ngak bruk di kapal haok saong 2 urang daong duah. Klau sruh kapal haok trực thăng hu ba mai tal labik haok laik min oh tame taom hu kayua langik ia kakuan me-om pacang kapal dalam tuk nan dom kapol urang daong dauh karei jeng daok kham merat duah jalan tame. Jabat ngak bruk bal di kapal haok di Prang brei thau, daok brei sa kapol urang mai labik bala piah duah thau cambaic laic.

Dom giải Nô-ben 2020 dalam 6 kadha Hóa học, Vật lý, Y học, Văn học song Hòa bình hu khan di bilan 10 meng bloh. Dom mbang jao giải Nô-ben meng kan bhian hu peih ngak di Thụy Điển song Na Uy dalam harei 10/12 yaok thun piah hadar harei lahik di urang padang tabiak giải thưởng, triệu phú Thụy Điển song lac urang ngak tabiak jru patuk Alfred Nobel. Min, thun ni lac mbang camereip meng di thun 1956, var mbang menyum meng kan bilan 12 di Quỹ Nô-ben brei yah klaak. Kayua jit prong Covid-19, dom urang mek hu giải Nô-ben thun ni oh nao tal Thụy Điển song Na Uy piah taduan chứng chỉ song huy chương bo hu taduan giải thưởng pak di palei pala./.

Urang lang: Hani Pha – Ái Nghiêm – 09/12 10:37:52