Sóc Trăng lac labik hu rilo bhap bini bangsa Khmer daok ralo abih di bhum taneran kraong Cuu Long

Thủ tướng Rajaei Phạm Minh Chính hu mbaoh tangin tame sarak ka 605 piah pasalah bruk pok ngak Phaok akaok Ban Thường trực mban tacei jalan pakat negar danak dak bruk ngak negar patagok kinh tế-xã hội bhum bangsa takik song bhum ceik vaktu 2021-2030 ka ong Hầu A Lềnh, Bộ trưởng, Chủ nhiệm Ủy ban bangsa. Mban tacei jalan Trung ương hu rilo bruk, dalam nan, bruk praong lac dong Thủ tướng rajaei roh duah, tacei pato, pambuak gauk langyah dom bruk hu pagam tal bruk khik ramik song peih ngak dom jalan piah mek hu bruk ba tabiak di danak dak bruk ngak negar patagok kinh tế-xã hội bhum bangsa takik song bhum ceik vaktu 2021-2030.

Sóc Trăng lac labik hu rilo bhap bini bangsa Khmer daok ralo abih di bhum taneran kraong Cuu Long ngan saong 400.000 urang. Tui Ủy ban MTTQ tỉnh Sóc Trăng, bhap bini Khmer peih ngak adat cambat di baha, kayua yau nan ye urak ini dom baha jeng hu kuhria caga bruk pacang caga jit ruak njom mbak. Abih di nyu lac patagok bruk pathau khan tal dom urang dalam agama piah pacang caga jit, ngak njauk tui panuac kakei di gah y tế saong karja palei, ngak tui 5 paka di Mintri Y tế.

Mesup ni (5/5), Mban tacei jalan pakat negar pacang caga jit Covid-19 brei thau, dalam 12 tuk tapa, dalam negar oh hu urang halei njom bahrau. Kuhria tal mesup ni, urang njom Covid-19 di Việt Nam lac 2.996 urang, dalam nan hu 1.608 urang kayua njom mbak dalam negar. Di Hà Nội, hadei di tuk hu sa urang bác sĩ di sang iek ruak Bệnh Nhiệt đới Trung ương dương tính SARS-CoV-2, gah chức năng quận Ba Đình hu pacang veik labik dok di bác sĩ ni, samar duah dom urang taom gaok. Tỉnh Vĩnh Phúc melam blaoh brei veik di di abih lac 14 harei ngan saong palei Tiền Phong (xã Tân Phong, huyện Bình Xuyên) piah pacang caga jit njom mbak. 

Page harei ini 5/5, Pasak Pasang iek ruak kik tỉnh Đồng Nai hu ginum biai chip saong Mban tacei jalan pacang caga jit ruak Ban Long Khánh pambuak tal sa urang tapa dut iek mbang1 dương tính SARS-CoV-2. Nan lac sa urang kumei daok di phường Xuân Thanh, ngak bruk di kuan bar di Đà Nẵng, mai veik Đồng Nai harei 3/5. Pasak Pasang iek ruak kik tỉnh Đồng Nai ba tabiak bruk brei pacang jalan Ngô Quyền; padeih ngak bruk di Sang bac Trung học Lê Văn Tám mbiah tal abih adit; brei daok karei di sang 14 harei ngan saong anek saih saong gru pato tal bac hu urang F1; pasang iek veik urang F2 brei daok labik karei. Urak ini, duah mboh hu 13 urang lac F1.

Gah chức năng TPHCM duah mboh 2 likei dam quốc tịch Trung Quốc nduac tabiak truh labik brei dok karei di huyện Củ Chi. Ni lac 2 urang tame VN suan hukum njauk jabat công an chap hu dahlau di nan. 2 urang nan nduac tabiak truh labik brei dok karei pak melam 2/5, njauk chap khik hu di huyện Đức Hòa, tỉnh Long An. Công an huyện Củ Chi hu ba 2 urang nan nao dok karei tui adat hukum.

Di dunya hu labaih 154 triệu 940 ribau urang njom nCoV saong labaih 3 triệu 239 ribau urang metai kayua Covid-19. Di Mỹ - bhum jit praong abih di dunya, Tổng thống Mỹ Joe Biden harei 4/5 ba jalan tabiak dalam danak dak klauk jru vaccine Covid-19, dalam nan 70% bhap bini hu klauk takik abih lac sa mbang dahlau di harei negar Mỹ 4/7. Gam tui di nan brei thau lac negar ni meda peih bruk klauk vaccine ka ranaih umo 12-15 thun dak aval dak siam. Daok di Ấn Độ, bhum jit praong ka dua, bruk kurang vaccine daok pacang jalan kham marat klauk jru.

Mbang camereip di Ấn Độ, virus SARS CoV-2 hu duah mboh angaok anek athur glai tuk mboh di 8 drei sư tử di bein athur ban Hyderabad, gah merong negar ni njom Covid-19. Ni lac mbang ka 2 di dunya sư tử njom Covid-19. Di bilan 4 thun bloh, di bein athur Bronx di Niu Yoóc, Mỹ, 3 drei sư tử tapa dut iek mboh dương tính song virus SARS CoV-2.

Tổng thống Mỹ dahlau dieh ong Donald Trump harei 4/5 hu brei tabiak mbaoh sa blah brei thau tapak tal dom urang pachreih tui drei. Blah ni brei ka ong Trump ba tagok dom panuac bình luận, thaot binguk saong video jang yau brei ka dom urang tui iek blah di ong hu parabha dom kadha vak di Tổng thống Mỹ dahlau deih tagok Twitter saong Facebook. Dahlau di nan, tài khoản di ông Trump njauk Twitter saong Facebook pakauk vĩnh viễn.

Urang lang: Hani Pha – Ái Nghiêm – 05/05 10:48:24