Sang iek ruak Bệnh Nhiệt đới Trung ương birau brei kapol urang jakar y te tame daong ka Ban raya Hồ Chí Minh 

Anak bruk jit ruak rah tabiak ngak sraw kadau, virus Delta njom mbak samar jang, trak jang, mbuan metai jang saong hu rilo salih karei oh ka bhian mboh, Thủ tướng Rajaei Phạm Minh Chính iew taong abih bhap bini patagok bruk jum pataom bangsa, abih di nyu lac dalam tuk kan kandah, daong klak rabha ka gauk, pachreih tui pakat uy, karja dom pakat ngak brei ngak tui dom bruk ba tabiak dalam pacang caga jit. Thủ tướng iew dom tỉnh, ban brei pambuak bruk khang kajap, siam lagaih; klah rabha bruk ngak saong brei thau anit ka Ban raya HCM. Thủ tướng jeng hu brei bruk ka Mentri Y te dang tabiak pambuak bruk, parabha dahlau vaccine hu dalam bilan 7 ka Ban raya HCM, saong tacei pato bruk klauk jru vaccine ka samar drah, siam mekre, salamat.

Urang dang akaok UBND TPHCM hu ngak bruk haong 7 tỉnh dalam bhum Đông Nam bộ saong njauk gauk ka dom jalan pasang iek menuac haong pandap nao mai tapa dom tỉnh, piah plaih ngak kan kandah tal bruk pajeng ba kaya pandap. Tui nan, urang peih radaih haong menuac angaok radaih brei hu harak dut iek mboh âm tính haong Covid-19 ye hu brei tapa bilai khik iek. Min bruk pajeng ba pandap panda daok hu sa jalan caga ngak lac, meyah urang peih radaih oh hu harak dut iek, meda brei salih menuac peih radaih pak di bilai khik iek labik tapa 2 tỉnh, ban. Lingiu di nan, piah ba mbuan lagaih ka bruk pajeng ba kaya pandap, Sở Jalan mbak Pajeng ba TPHCM jeng hu panuac caong dom gah chức năng samar pambuak gauk gah dữ liệu dut iek dalam negar, hadei di tuk dut iek blaoh, brei hu mã QR saong daok pak halei jeng quét QR hu, duah thau hu.

Sang iek ruak Bệnh Nhiệt đới Trung ương birau brei kapol urang jakar y te, dalam nan hu 10 bac si saong 20 điều dưỡng di dom chuyen khoa Hồi sức cấp cứu, Truyền nhiễm, Nội khoa...tame Ban raya Hồ Chí Minh daong ka ban praong abih di negar ini pacang jit. Ini lac dom urang jakar hu ilamu dalam bruk iek ruak Covid-19, hu klauk  1 mbang jru vaccine saong dut iek mboh am tinh saong Covid-19.

Mesup ini, huyện An Phú, tỉnh An Giang brei padang bilai pacang caga jit Covid-19 di rilo labik piah pacang cakak bruk njaom mbak di jit ruak. Akaok UBND huyện An Phú brei thau: Tukvak pacang veik dom labik nan meda dui atah jang meyah hu menuac ruak bahrau. Huyện hu brei bruk ka dom gah pambuak tal, padang ngak chip dom bilai pasang iek luac harei melam di dom labik pacang veik nan saong brei pa-atah di gauk njauk tui hukum ba tabiak. Ban sit Long Bình, huyện An Phú lac labik camereip abih dalam tỉnh An Giang hu menuac njom ruak dalam palei, saong lac labik hu menuac ruak rilo abih dalam tỉnh, lac 47 urang.

Harei 7/7, Bộ Tư lệnh Ban raya Hồ Chí Minh haong dom kapol nyaom ban raya, karja quận peih bruk brei radaih pajeng labaih 500 paok pandap mbang, njam patam, baoh kayau brei saoh ka mikva kan kathaot, bhap bini kan kandah daok dalam dom labik njauk pacang veik, labik brei daok pa-atah di gauk di darak Sơn Kỳ, quận Tân Phú. Ini lac sa dalam 10 mbang radaih saong gian hàng pandap mbang kayua Gah bol pan phao karong Ban raya HCM pambuak saong dom jabat dom gah, kapol nyaom saong dom doanh nghiep pak ini peih ngak di dom quận, huyen gaok kan kandah kayua jit Covid-19 yau: Tân Phú, Hóc Môn, Bình Chánh, Nhà Bè, Quận 12 …

Harei 7/7, di mbang họp báo, Yam ndok danak dak y tế samar drah di Gah Y tế dunya, ong Michael Ryan hu panuac ieu dom taneh ia daok kuhria ngak atau daok peih ngak bruk klauk jru pacang  Covid-19 ka uraniah umo meng 12 tal 15 thun, njauk pasang iek veik danak dak ini. Salih tame nan, dom taneh ia nan meda brei dom vaccine daok hu nan ka danak dak COVAX piah klauk ka urang taha saong urang ngak bruk y tế di dom taneh ia hu jien mek tame takik. Panuac ieu nan hu ba tabiak dalam harei bo dom menuac metai di dunya kayua Covid-19 tagok glaong, tui yaok pataom di Gah Y tế dunya, lac labaih 4 triệu urang.

Page ini, rajaei Nhật Bản biai saong dom urang ilamu ka bruk ba tabiak gilac veik bruk ngak samar chip ngan saong Covid-19 di Tokyo saong dui atah ngan saong tỉnh Okinawa mbiah tal harei 22 bilan 8. Hadei di tuk langyah anak Quoc hoi biar harei ini, Thu tuong Suga Yoshihide meda brei thau bruk ngak ini anak dom urang vak mbao di melam ini. Dom urang birau njom ruak di Tokyo dalam harei kabroi lac 920 urang, glaong jang 260 urang dut saong adit dahlau, saong glaong jang 470 mbang dut saong tukvak klaak bruk brei ngak samar chip birau ni harei 21/6. Yau nan, Thế vận hội Tokyo peih tabiak meng harei 23/7 mbiah tal harei 8/8 hu rah tabiak gam haong bruk brei pacang caga chip ka jit ruak Covid-19 di  Tokyo.

Akaok Mintri Y tế Brazil Marcolo Queiroga  bahrau ini brei panuac lac mboh biak haduh hatai anak bruk labaih 3,5 triệu menuac di taneh ia ini oh nao tal dom labik klauk jru tui harei sanya piah hu klauk mbang ka 2 vaccine pacang Covid-19, lac bruk ini meda pacang veik bruk oh njom mbak dalam bhap bini. Tui yaok pataom, 37% menuac sia Brazil hu klauk 1 mbang vaccine pacang Covid- 19 camereip, min bahrau hu 13% nao klauk mbang ka 2./.

Urang lang: M. Phương – Ái Nghiêm – 08/07 14:26:35