Brei tapa Sarak daong ka 5 nyaom urang gaok kan kandah kayua COVID-19 mbang 3

Biar harei 22/9, UBTVQH brei adat ba 14 rabau 620 tỷ meng pok jien patak pataom pandar cai di kadung jien pakat negar thun 2021 tame pok jien caga di kadung jien pakat negar piah pandar ka bruk pacang caga jit ruak. Rajaei hu quyền tabiak bruk parabha brei, ba pandar pok jien ini saong pathau khan Quốc hội bruk ngak ini dalam mbang nyaom jaik di abih. Tui Akaok Mintri Jien padai Hồ Đức Phớc, pok jien caga di kadung jien pakat negar thun 2021 hu pandar blaoh 14 rabau 620 tỷ đồng, dalam nan buh ka bruk pacang caga jit Covid-19 lac 10 rabau 700 tỷ đồng.

Thường trực HĐND TP.HCM di mbang nyaom harei 22/9 hu brei tapa Sarak daong ka 5 nyaom urang gaok kan kandah kayua COVID-19 mbang 3, hu gam menuac hu sang daok di ban raya saong menuac meng labik karei mai gam daok, tui yaom daong 1 triệu đồng sa urang. Ban raya oh daong ka urang daok mbang jien lương hưu; urang daok mbang jien daong lahik prein ngak bruk; urang ngak daok hu bảo hiểm xã hội; urang ngak hu doanh nghiệp biyar jien bilan di bilan 8/2021.

Mesup 22/9, Bộ Tư lệnh Quân khu 9 hu peih bruk brei pabak 1.000 urang jakar, y bác sĩ daong ka TP.HCM mek mẫu dut iek pacang caga jit COVID-19. Dom urang jakar, urang lin, y bác sĩ ini hu parabha jeng 250 kapul (yaok kapul hu 4 uarng) di 7 quận dalam TP.HCM. Trung tướng Nguyễn Xuân Dắt - tư lệnh Quân khu 9 brei thau, ngak tui tacei pato di Akaok Mintri Quốc phòng, dom gah dalam bol bala caga menuac saong pandap daong ka bhap bini TP.HCM haong dom tỉnh gah meraong pacang cakak, jhul kadun likuk jit COVID-19. 

Biar harei kabroi, tỉnh Ninh Thuận ngak salah blaoh mbang camereip, taduan raok jaik 200 rahra di drei meng TP.HCM mai palei hu siam mekre salamat. Dalam mbang ini, tỉnh Ninh Thuận brei taduan raok dahlau dom urang kumei metian jaik tal harei ndih tapui, urang kumei daok raong anek sit mala 3 thun saong urang nao iek ruak gar veik di TP.HCM hu mai veik palei, dalam nan hu 66 uraaih mala 3 thun. Dom menuac hu mai palei takik jang duk haong kuhria mboh tuk camereip lac 236 urang, kayua hu dom urang daok caga klauk vaccine atau daok gar dalam labik pacang veik. Taong abih dom rahra ini mai veik palei Ninh Thuận hu rami ramik brei daok karei pataom gauk di labik praong.

UBND tỉnh Lâm Đồng kuhria alin hadiah TP.HCM 5.000 tấn kaya nong. Min kayua jit ruak srau kadau, tỉnh brei alin hadiah rilo jang 1.000 tấn piah daong ka bruk an sinh di TP. Bruk paik mek, pajeng ba meng Đà Lạt tal TP.HCM rah tabiak dalam 1 bilan (meng harei 22/8 tal harei 22/9). Dalam nan, labaih 2.000 tấn njam hijao VietGAP hu pajeng brei saoh meng dom radaih khghaiy ndih, radaih buýt jamriak la-an di Cty Phương Trang.

Gah Y tế dunya (WHO) brei thau, nerak không khí lac sa dalam dom bruk ba tal jhak khang prein yava di anek menuac, ngak brei 7 triệu menuac metai yaok thun. WHO brei thau, njauk ngak samar drah piah patrun bruk nerak  không khí, njauk maong naong trak ruak kik kayua nerak không khí samu njuk pakao haong mbang huak oh siam.

Danak dak klauk vắc xin mbang klauk ka 3 di Thái Lan tui kuhria hu peih tabiak meng harei 24/9 saong dui atah tapa thun 2022, brei ka dom urang klauk blaoh 2 mbang vắc xin Sinovac di Trung Quốc. Dom urang nan hu klauk pabak 1 mbang di AstraZeneca. Kuhria rah tapa yaok harei, Thái Lan brei klauk 700 tal 800 rabau mbang vắc xin. Dalam tuk nan, Thái Lan meda peih bruk klauk vắc xin brei ka jaik 5 triệu anek saih umo meng 12 thun tagok. Cục Khik ramik pandap mbang haong Jru tavao Thái Lan hu pasang iek, brei pandar vắc-xin Pfizer ka uranaih umo meng 12 thun tagok.

Thủ tướng Scott Morrison brei thau, Australia daok kuhria peih pabah mbang dunya tuk 80% rahra ginup 16 thun di taneh ia ini hu klauk 2 mbang vaccine caga ruak Covid-19. Thủ tướng Morrison jeng brei thau, Australia caong hu raok dom tuai dunya hu klauk vaccine blaoh, dalam nan hu sinh viên haong urang ngak hu ilamu glaong di puac thun ini. Dahlau di nan, dalam panuac khan di harei 22/9, Akaok Mintri Thương mại, Du lịch saong Đầu tư Dan Tehan ndom lac, tuk Noel tal Australia meda peih pabah mbang dunya ka dom tuai hu klauk blaoh vaccine./.

Urang lang: M. Phuong – 23/09 4:10:21 PM