Tỉnh Bà Rịa-Vũng Tàu khan lac brei pacang veik 2 tổ dân cư kayua hu sa urang taong ikan dương tính haong SARS-CoV-2

Page ini 29/6, Mentri Y tế brei thau hu 95 urang birau njom Covid-19, Ban raya HCM rilo abih tal 58 mbang urang ruak. Njauk caik hatai,  di dom tỉnh ban hu urang ruak, hu 6 urang daok khan brei thau y te piah duah njom mbak meng halei mai. Dalam nan 89 urang dalam labik daok karei saong labik pacang caga. Kuhria tal 6tuk harei 29/6, Viet Nam hu a bih tih 14.358 dalam negar saong 1.778 urang mai meng negar langiu. Urang birau njom ruak dalam negar kuhria meng harei 27/4 mbiah tal lac 12.788 mbang, dalam nan hu 3.745 urang ruak hu taong dhit ruak.

Dalam tuk jit mbang ka 4 di ban raya HCM jeng daok rah tabiak srau kadau, Thường trực Thành ủy ban raya hu ba Phó bí thư thường trực Phan Văn Mãi, Akaok mBan Dân vận Nguyễn Hữu Hiệp, Akaok mBan Tuyên giáo Phan Nguyễn Như Khuê haong dom Phaok chủ tịch HĐ bhap bini tame mBan tacei pato pacang caga jit Covid-19 ban raya HCM.  Urak ini ban raya daok ngak khang tui sarak ka 10 di UB bhap bini ban raya, brei ngak catang saong patagok dom jalan pacang caga jit Covid-19 dalam ban raya HCM. Kuhria meng mon 6 mesup tal mon 6 biar harei 28/6, Mintri Y tế brei thau lac hu 156 urang njaom bahrau di TP.HCM.

Harei 29/6, Sở Y tế Đồng Nai brei thau hu  2 urang F1 brei daok karei  njom SARS-CoV-2. Yau nan, Đồng Nai hu abih tih 15 urang njom Covid-19 pambuak tal darak praong Hoc Mon(TP.HCM), dalam nan, 11 urang hu Mentri Y tế brei thau. Tui bruk ba tabiak, harei ini 29/6, Pasak Y tế huyện Thống Nhất brei mek mau dut iek samar ka dom urang pablei di darak, urang peih radaih di xã Gia Tân 3 saong xã Gia Kiệm. UB bhap bini TP Biên Hòa brei thau daok pok panuac tagok UB bhap bini tỉnh brei padeih dom darak sit, darak tamuh eng di labik ini hadei hu sa urang pablei pandap di darak njom Covid-19 meng darak Hoc Mon.

Harei 29/6, Pasak pasang iek ruak kik tỉnh Bà Rịa-Vũng Tàu khan lac brei pacang veik 2 tổ dân cư kayua hu sa urang taong ikan dương tính haong SARS-CoV-2. Hu thau, sa-ai N.V.T , umo 29 thun, daok di xã Phước Tỉnh, huyện Long Điền, lac urang taong ikan di kreh bhum tasik Việt Nam haong Indonesia. Jaik 10 harei dahlau, sa-ai T. tui kapal ikan haong rilo urang taong ikan karei tame thu. Tal biar harei 28/6, sa-ai mboh dalam rup pandiak, patuk, blaoh nao iek ruak di Phòng khám đa khoa Medic Bei Gon 3 haong Sang iek ruak Bà Rịa, dut iek PCR brei mboh lac dương tính haong SAR-CoV-2. 

Piah pakhang dom jalan pacang caga jit Covid-19, Công an tỉnh Bình Thuận brei thau labik padeih ka dom radaih oto pajeng tuai dom tỉnh tapen jalan raya 1. Yau ye, 4 balai  nan lac: Balai xăng menyek ka 4 (ban sit Liên Hương, huyện Tuy Phong); Balai xăng menyek Thắng Lợi (xã Chí Công, huyện Tuy Phong); Labik padeih takai Hưng Thịnh (xã Hàm Mỹ, huyện Hàm Thuận Nam) saong Balai xăng menyek Hàm Tân (thị trấn Tân Nghĩa, huyện Hàm Tân). Nan lac dom labik padeih ka dom radaih pajeng tuai tapa tỉnh, piah daong ka dom gah chức năng mbuan thau, langyah dom radaih pajeng tuai, taduan raok tuai oh njauk labik ba tabiak saong njauk bruk pacang caga jit ruak.

Di negar Đức, dalam dom urang njom Covid-19, urang njom kayua anek ruak bahrau Delta tagok jang dua mbang dalam 1 adit. Jabat roh duah y tế cộng đồng di Đức tui langyah gien brei thau, anek ruak bahrau Đen-ta hu tal 36% dom urang ruak dalam adit meng harei 14 tal harei 20/6, tagok 15% duk haong adit dahlau di nan. Tal urak ini, jaik 54% menuac sia Đức hu klauk 1 mbang vắcxin saong 35% hu klauk ginup 2 mbang. Gah y tế taneh ia ini ndom lac, bruk njaom mbak di jit ruak meda suai veik, dom menuac njom, tame saong iek ruak saong metai meda trun meyah hu rilo rahra hu klauk jru pacang caga.

Harei 28/6, Mátxcơva saong St.Petersburg-Nga hu urang metai ralo abih kuhria meng tuk birau tamuh  jit ruak praong, urang metai kayua jit nan dalm taneh ia ni dak harei dak rilo. Ta-eng ban ine  Matxcơva, dalam adit tapa urang tame sang iek ruak glaong abih, urang hu brei iek ruak đặc biệt, jeng yau urang metai kayua Covid-19. Yau nan ye, rilo bruk ba tabiak piah patakik njom mbak hu khan tapa, nan lac klauk jru caga ruak ka urang dich vụ, jeng yau brei tame dom kuan mbang saong kuan café  ngan saong dom urang hu klauk jru blaoh atau taong dhit ruak saong dut iek PCR am tinh.

3 harei hadei di bruk jaleih sang glaong 12 tal di Florida, Mỹ, urang jakar khan lac hu 9 urang metai saong daok hu labaih 150 urang daok lahik. Sang glaong 12 tal hu padang tagok meng thun 1981, nyu jaleih tuk mon 1 meteh di melam 24/6 (tui mon pak nan) dalam tuk rilo menuac daok ndih. Bruk sa baoh sang, daok hu menuac daok jaleih trun lac bruk biak takik mboh di Mỹ. Dom urang duah thau daok pataom tame pasang iek dom takai gheng di labik caluai ia saong labik hầm caik radaih. Tapa dom clip brei mboh lac, sang glut jaleih meng dom tal gah ala. Bruk samar duah mboh makna lac bruk njauk ngak kayua  di Nam Florida hu rilo sang praong, glaong hu meng yaok pluh thun blaoh./.

Urang lang: Mousaphuong -Ái Nghiêm -29/6 11:02:01