Tui adat dak, bruk kuhria ieik harak pilih ruah njauk brei ngak di pilik buh harak pilih ruah hadei di bruk buh harak pilih ruah tamat blaoh.

Hội đồng Pilih ruah raya Nagar blaoh brei thau adat dak dalam bruk kuria yaok taong yaom harak pilih ruah, dom urang halei hu adat brei dang ieik bruk yaok taong yom harak pilih ruah.

Tui di nan, bruk kuria yaok taong yaom harak pilih ruah njauk brei yaok chip hadei di bruk buh harak pilih ruah tamat blaoh.

Adat dak njauk dom urang Tổ pilih ruah meng brei dang yaok taong yaom harak pilih ruah. Tổ pilih ruah njauk yaok taong yaom harak pilih ruah dalam 24 tuk jam hadei di bruk buh harak pilih ruah tamat blaoh di labik buh harak pilih ruah.

Danak dak brei ka bruk yaok taong yaom harak pilih ruah hu brei ieik ngak tapa dom yam tanitanat. Tantu di nyu lac, dalau si brei peih garong harak pilih ruah, Tổ pilih ruah njauk brei yaok taong abih nyu, mbat taok harak pilih ruah halei oh ka pandar atau harak pilih ruah kayua urang buh harak pilih ruah khut chung (mayah hu), brei padang harak biên bản taong yaom abih brei ka bruk pandar harak pilih ruah urang wakil Quốc hội mbang ka XVI dan song urang wakil kapul Hội đồng bhap bini dom pakat masa waktu 2026 – 2031.

Tong abih harak pilih ruah ka oh pandar, harak harak pilih ruah khut chung hadei di mbat taok sir brei payua ka UBND pakat xã pal nyu.

Akaok Tổ pilih ruah peih garaong harak pilih ruah gok asar dan song garong harak pilih ruah hala dhan karei (mayah hu) brei ka bruk yaok taong yaom harak pilih ruah. Dalau si peih garaong harak pilih ruah, Akaok Tổ pilih ruah daa 2 urang buh pilih ruah thau huruh akhar, urang hu mbaok mata hu angan di palei ieu lac urang oh daok dalam harak brei ka urang pilih ruah tame urang ĐBQH, urang HĐND dom pakat di labik buh harak pilih ruah dang ieik bruk peih garaong harak pilih ruah.

Urang dang ứng cử, urang wakil dom jabat, karja, labik pok yaih angan urang tabiak ứng cử atau urang brei dang angan hu adat brei dang ieik bruk bruk yaok taong yaom harak pilih ruah dan song mariak khiếu nại brei ka bruk yaok harak pilih ruah.

Dom urang phóng viên harak gal hu brei adat dang ieik bruk yaok harak pilih ruah di Tổ pilih ruah.

Akaok Tổ pilih ruah parabha bruk brei ka dom urang dalam Tổ pilih ruah jeng dom dhan kapul piah ieik bruk yaok harak pilih ruah. Piah brei ka bruk kuria yaok phiếu njauk tanitanat tantu, yaok kapul brei ganap hu 3 urang.

Tổ pilih ruah ngak bruk brei parabha harak pilih ruah tui njauk sambo màu tui harak pilih ruah ĐBQH, sambo màu tui harak pilih ruah HĐND pakat tỉnh dan song sambo màu tui harak pilih ruah HĐND pakat xã; gam tui di nan kuhria yaok taong abih harak sambo màu tui harak pilih ruah dalam garaong harak piah brei ka njauk tantu harak buh pilih ruah dan song jao brei abih dom janih harak pilih ruah brei ka kapul hu jao bruk di Tổ pilih ruah piah brei ka bruk yaok harak pilih ruah.

Tổ pilih ruah brei ieik kuhria tong abih harak pilih ruah mek hu dut samu ha oh tui abih urang cử tri buh harak pilih ruah. Mayah tong abih harak pilih ruah mek hu do atau tukik jang yom abih urang buh harak pilih ruah meng hu brei yaok harak pilih ruah.

Daok mayah taong abih harak pilih ruah mek hu ralo jang taong abih urang mai buh pilih ruah ye Tổ pilih ruah njauk ieik taong yaom yaok sa mbang tra; mayah ieik yaom blaoh jeng daok mboh taong abih harak pilih ruah mek tame ralo jang urang cử tri mai buh harai pilih ruah ye njauk buh abih harak pilih ruah blaoh tame garaong harak pilih ruah, blaoh mbat sir niêm phong garaong harak pilih ruah dan song khan brei thau ka padrah samar tal Ban bầu cử piah brei lang yah.

Langiu bruk brei ngak tui rup Ban pilih ruah ye Ban pilih ruah njauk brei tahu chip samar tal Ủy ban pilih ruah tui pakat di drei piah ieik glang lang yah, brei adat. Tui bruk tui palei blaoh Ủy ban pilih ruah pakat tỉnh lang yah tui jalan hu brei thau dalam adat dak brei ka ieik glang kiểm phiếu ka lagaih njauk./.