Di sang ilamo palei An Ndat, xa Thuan Mbak, tinh Khanh Hoa, dom urang dalam to palih ruah daok rami ramik labik buh harak pilih ruah, dom garaong pati harak pilih ruah jeng hu sap gap tame labik, dom janih ndap nda kaya daong ka labik buh harak yauye: kik daok, kadik anghin… jeng hu buh sagait.

Urang palih ruah angan Patâu Xah Liêm, bangsa Raglai daok di palei An Ndat,  xa Thuan Mbak brei thau, dom urang lambaok hu bhap bani yaih angan saong cang mong meda ba mai rilo salih bahrau ka puk palei.

"Dahlak sa urang bol jeng hu harak urang palih ruah piah tame palih ruah di harei 15/3. Dahlak mboh mikva thei jeng chreih bui. Dahlak jeng hu nao jak ba dom mikva njauk mai tal ini piah mong iek duah thau ka angan je dom urang lambaok piah thau, piah drei palih ruah dom urang hu ilamu, hu jalan diuk rai siam gheih piah hu kein gheih brei ka mikva harei hadei."

Xa Thuan Bac, tinh Khanh Hoa hu ba tabiak talei angan 1.080 urang tame palih ruah dalam thon meng avan. Bruk pathau khan jeng hu caik hatai. Langiu di urang jakar, daok jak ba urang taha akaok palei, akaok bản, urang hu angan je dalam bhap bani ba mbaok tame bruk pathau khan, kayua dom urang ini thau cambaih adat cambat tanarakun di bhap bani.

Dom harei ini, di dom palei Cam daok di xa Ninh Phuoc, tinh Khanh Hoa, thei thei jeng caik hatai caga tame karei palih ruah jeng mboh chreih chai bui sambai oh kurang. Meng dom van nyaom biai di thon, ginum biai dalam bhap bani tal dom mbang radaih nduac nao mai, thong tin brei ka harei palih ruah hu pathau khan tabiak prong tal yaok baoh sang. Ong Đàng Ngọc Đêm, urang Cam daok di palei Hamu Craok, xa Ninh Phuoc, tinh Khanh Hoa brei thau:

Ong Đàng Chí Quyết, Bi thu chi mbo palei Hamu Craok, xa Ninh Phuoc brei thau, piah grap tanat rup palih ruah di bhap bani urang bangsa takik, tukvak tapa xa hu jhul khang rilo jalan ngak pathau khan, daong ka urang ngak nong thau cambaih laih jang makna di mbang palih ruah, hu mbaok tame ginup abih saong njauk adat hukum. Dom urang daok dalam to palih ruah hu tacei pathram ginup abih ka jalan ngak, bruk ngak pambuak tal. Dom jalan ngak pacang caga ka dom bruk meda hu rah tabiak jeng hu ba tabiak. Dalam thon hu 2.640 urang palih ruah, mboh rilo lac urang bangsa Cam. 

Langiu di bruk kuhria caga biak tani tanat di karja puk palei gam haong bruk pachreih ba abih hatai di mikva dom xa hu rilo bhap bani bangsa takik gah meraong tinh Khanh Hoa daok ba hatai cang tame ka harei palih ruah raya. Di ini, yaok hala harak meda ngak brei pakajap hatai jia di bhap bani dom bangsa brei ka Ndang, Karja taong abih dom pakat dalam taneh ia nagar./.