Urak ini, padai bilan ndong xuan di bhum taneran kraong Cuu Long daok yuak kuak. Kayua yau nan ye oh cang caong biak rilo khak piah brei ka bruk pala drak. Min, meyah bruk mesuh di Trung Dong dui atah, bruk ngak nong meda dang anak mata dom kan kandah kayua lac yaom khak meda daok tagok dalam bilan padai he thu anak tal.

Ong Nguyễn Văn Đời, daok di xa Bình Thành, tinh Dong Thap brei thau, meyah bruk masuh matak dui atah ye bruk ngak mbang pala drak meda gaok kan. Kayua lac labik Trung Ndong urak ini daok khik labik pasak pablei khak urê ralo abih di dunya.

"Urak ini jeng oh ka thau dahlau hagait. Yaom ndap nda glaong tal halei ye urang ngak nong jeng njauk ngak, min yaom ndap nda ngak tabiak nan ka meng prong. Yaom dom janih ndap nda brei ngak nong tal urak ini kayua lac oh ka tame bilan ngak padai he thu nan ye dahlak oh ka sangka rilo. Meyah bruk metuh gauk di Trung Ndong katut panak ye oh hu habar, daok nyu dui atah nan biak huac kanda."

Dalam tuk nan, yava mahit meng dom labik tadai pablei salih khak, janih ndap nda ngak nong di dom puk palei di bhum taneran kraong Cuu Long ye brei mboh yaom khak brak hu dom sang mac ramik veik tagok biak khang. Kayua yau nan ye, tuk ndap nda mai tal urang ngak nong meda tagok glaong tui. Sa ndik li khak brak, ndap nda ngak nong di Can Tho brei thau:

"Urak ini yaom tagok gam gam. Kayua yau nan, labik kandai pablei tabiak yau khaol dahlak jeng oh blei tame ndap nda rilo bo urang blei pandar caong khin tal halei ye khaol dahlak meng duah yaom saong jao chip."

Yaom jien buh tabiak ngak daok pambak tame padai brah mek tame hu, min tapa di bilan ndong xuan thun 2025-2026 ini takik abih jeng lac jaik 4 ribau ndong sa kg padai. Daok bilan he thu, takik abih jeng jaik 5 ribau 500 ndong sa kg yaom jien buh tabiak ngak. Kayua yau nan ye, dom pambak tagok halau ndap ndap akaok tame meda ngak tabiak rilo kan kandah jang ka bruk ngak tabiak, dalam tuk nan, oh thei thau yaom padai meda yau habar dalam vuk bilan anak tal.

Ta-eng brei ka phun padai, mblang taneh trun pajaih vuk bilan he thu 2026 di bhum taneran kraong Cuu Long tui kuhria dahlau jaik 1 trieu 300 ribau ha. Yau nan ye, ngan haong hatai caong khin pandar jaik 700kg/ha, taong abih khak piah pandar jaik 910.000 tan, samu labaih 18 trieu mbao janih 50kg. Anak meta ngan haong yaom khak tagok jaik 50.000 ndong sa mbao 50kg, ye jien buh tame ngak ta-eng phun padai nyu ndua tagok labaih jang 900 ty ndong.

Ong Vũ Duy Hải, Akaok HĐQT gam ngak Akaok kapul nyaom Vinacam brei thau, bruk mesuh matak di Trung Ndong daok ngak ka ndap nda nao tapa jalan tasik Hormuz trun ralo, dalam nan hu janih pandap khak brak. Tui ong, yaom khak ndam blei tame meng negar langiu bahrau mai Viet Nam urak ini tagok jaik 15 trieu ndong sa tan, dalam tuk nan dahlau di Tet tok jaik 12-12,5 trieu ndong sa tan. Ong Hải kuhria dahlau meda daok tagok jang.

Băng 3: Vũ Duy Hải

Dom sang mac ngak tabiak khak brak prong di Trung Ndong kareik pabah mbang, dalam nan, labik brei khak Ure prong di Iran jeng oh ba tabiak hu, ngak ka yaom ure dalam tok sa adit tapa tagok labaih 100 ndo la USA sa tan. Yaom blei tame bahrau mai tal Viet Nam tagok jaik 15 trieu sa tan. Khak brak, gaz saong xang menyek jeng njauk pambak triak tame.

Bruk ngak nong jang yau padai brah di bhum taneran kraong Cuu Long pandar khak brak biak prong. Urak ini yaom khak blei tame meng negar langiu daok glaong jang yaom dalam negar nan ye dom jabat blei tame meng negar langiu thei jeng huac kanda kayua huac khat lahik. Dalam tuk nan, vuk bilan padei he thu jaik mai tal, bruk pabak brei takik jang bruk khin pandar, yaom nyu tagok njauk.

Yaom khak tagok glaong daok ngak jeng pren kateik prong tal jien ndo buh tabiak ngak di urang ngak nong bhum taneran kraong Cuu Long dalam vuk bilan padai he thu anak tal./.