Akaok thun 2026, So Pato megru Ban raya Ho Chi Minh hu padang danak dak brei ngak iek bruk ba glo akaok anek manuac (AI) tame pato di labaih 170 sang bac dalam ban raya. Ini lac jalan nao piah ngak jeng biak Sarak ka 57 di Mentri Chinh tri ka bruk cakrok patagok ilamo khoa hoc, ngak kong, salih bahrau hadah krah saong salih laik taka so pakat negar di dalam Ban raya Ho Chi Minh.

Sang bac Tieu hoc Nguyễn Thái Học (phuong Ben Thanh, Quan 1 klak) hu peih ngak dalau di abih brei pato saong bac megru AI meng jalan ngak “sang bac lek taka so” saong rahra lek taka so meng rilo thun blaoh. Dalam sa jam tiet bac Khoa hoc duh ka anek saih bac tal 5 ngan haong asal kadha (Bruk ngak di manuac pambuak tal alam langik”, kadha pato hu cei gru pato angan Trần Tấn Kha ngak tabiak taong abih meng tapuk pato ndien tu. Crei gru Trần Tấn Kha brei thau, meng dom kaya AI, gru pato meda ngak jeng kadha pato, phling ragam tui jalan bruk pato. Min, oh njauk kadha halei jeng pandar tui jalan glo akaok anek manuac AI:

“Bruk brei mboh lagaih lac yaok harei dom anek saih jeng chreih takre jang saong bruk pato ini. Tuk eng drei ngak tabiak rilo jalan pato karei biak lagaih, dom adei brei mboh biak chreih takre. Karei si cara bac magru dahlau, gru pato oh sa janih lang yah blaoh daok dang pat obo gru pato daok caik ka anek saih hu ndem mayai nao mai, ta-eng pandar dom ndap nda kaya lek taka hu dahlau. Meng nan, dom adei caga dahlau jang jang saong bac mek hu ilamo jeng lagaih jang”.

Bruk salih bahrau hadah krah ini oh lac sa janih brei padeih di bruk ngak brei bhian randap gam thau saong ilamo ngak kong, blaoh nyu daok lac brei thau kadha tah katih brei ka bruk pandar ilamo tame bruk lagaih, dalam nan hu lac di dom pasak pato megru bhian.

Danak dak “Ilamo Khoa hoc dalam kadha me-in bhap bini Viet Nam tapa kreih camin tui glo akaok anek manuac AI” di pasak Pato megru bhian Chu Văn An hu ngak ka dom kadha bac thu lagu ka moment động lượng atau xác suất jeng ye dom video katut panak chreih gheih mekre, dui pachreih anek saih di klau tal bac hu mbaok tame. Thau ka bruk chreih takre maong iek video di urang sit thun umo urak ini, anai gru Phan Thanh Nguyên, gru pato Vat ly, hu pambuak haong dom urang gru pato karei peih danak dak hadah krah asal kadha lek taka so meng glao akaok anek manuac AI ka mo vat ly saong ilamo xac suat di mon Katih jeng hu pagam piah langyah dom adat bhap bini.

Adei Lâm Thiên Nhi, anek saih bac tal 11A2 (Pasak Pato megru bhian Chu Văn An, Quan 5 klak) brei thau, tui bruk caong khin ini, dom kapul meda brei pandar AI piah roh duah khau tin hu pambuak, hadei di nan ngak bruk haong kapul piah ngak salah asal kadha. Yaok video lahik labaih 3-4 harei ngak bruk, hu dom var bac dui atah labaih 2 tuk.

“Tuk pandar AI, anai gru meda brei sa banah roh duah thau ka kadha bac magru piah khol adei peih praong ilamo. Meyah tok bac dom ilamo dalam tal bac saong pang anai gru pato ye gaok tuk mai khol adei kan si thau, min hu AI daong ye bruk bac nyu mbuan lagaih jang.”

Njauk caik hatai lac, dang anak bruk rilo anek saih pandar glo akaok anek manuac AI piah ngak kadha bac min tapi gilac tabiak bruk ngak hu oh njauk, anai Gru Nguyên hu tacei ba dom adei ta-eng ngak chatbot piah daong bruk bac megru. Bruk ba glo akaok anek manuac AI tame yaok jam tiet bac oh lac sa janih daong brei ka anek saih ngak randap bhian tui saong ilamo patabiak panuac pandar, blaoh hu makna jang lac pasram ilamo thau tani tanat ka khau tin – thau halei njauk halei chung dalam jaman lek taka so:

“Dahlak caong khin meng bruk pandar glo akaok anek manuac AI tapa yaok jam tiet bac, dom adei hu ngak randap haong tui glo akaok anek manuac AI meng aval. Piah tuk tamat bac, tame ngak di labik ngak mbang pablei salih hu ngak bruk pambuak tal pandar AI, dom adei meda thau drei daok ngak hagait saong oh njauk mboh oh krein.”

Meda mboh lac, bruk ba glao akaok anek manuac AI tame tal bac di Ban raya Ho Chi Minh oh tok padeih di bruk salih bahrau bruk pato megru, bo daok dak harei dak hu ngak jeng ilamo kong nghe, prein ta-eng bac saong ilamo thau tanat ka baoh kadha khau tin.

Ini lac bruk hu makna piah rai ranaih umo kajap takai lagaih haong labik bac magru saong ngak bruk dalam jaman bahrau lek taka so./.