Jam tuk 8 page, ong Trần Toàn, umo 67 thun mai pasang iek ruak tui tukvak di Sang iek ruak Lê Văn Thịnh. Ong hu pacang khik daong ngak di angaok majam kios pasang iek ruak. Ini lac majam pandar dom bruk ngak cambaih laih bahrau yau ye CCCD pagam chip, ma ngak tantu angan VneID, ma so BHYT saong ilamo ngak kong brei cambaih laih mbaok metapiah dui katut bruk tut angan pasang iek ruak. Oh caong maong biak suai ong hu tame pasang iek ruak: “Dahlak hulin nao pasang iek ruak urak ini hu takik paje min nao labaih tuk 7 ye jeng rilo lo. Pasang iek ruak yaok bilan, yaok bilan mai sa mbang nan dahlak thau, tame pasang iek mboh biak samar. Drei mboh nao pasang iek ruak jeng sahnang, samar”.

BS. CKII Trần Văn Khanh, Yam ndok Sang iek ruak Lê Văn Thịnh brei thau, yaok harei sang iek ruak taduan labaih 3.500 urang mai pấng iek ruak, rilo meng lac pasnag iek ruak BHYT. Meng akaok thun, sang iek ruak peih harak ruak hakik ndien tu (EMR) piah pasang iek du lieu pasang iek ruak, daong pasang iek dalam gauk saong ngak tantu bao hiem y te. Kong nghe khau tin hu pandar khang haong tut angan pasang iek ruak tui online, kakei harei pasang iek ruak tapa app, ta-eng tut angan mek lek taka danak di sang iek ruak. Jalan ngak lac pamaong tal bruk “sang iek ruak oh harak gar”. Min, tui bac si Khanh piah taong abih luac jalan pasang iek ruakhu ngak samar, brei hu pambuak du lieu samu gauk di dom majam, rilo meng lac harak ruak hakik online: “Urak ini brei ngak yaok yam yaok pakat di nyu. Dom sang iek ruak oh ka pambuak haong gauk saong brei ka hu dom du lieu ini jeng brei hu ngak kandauk lac biak glaong, du lieu pambuak tal urang ruak. Dahlak hulin mboh gah y te, so y te Ban raya jeng hu caik hatai dom asal kadha ini. Min meyah di angaok bruk peih sang iek ruak online, ngak bruk salih lek taka so blaoh paje bo oh pambuak du lieu piah jeng du lieu praong di ban raya ye oh mek hu yau tui jalan kuhria”.

Di Sang iek ruak Ung Buou Ban raya Ho Chi Minh, harak ruak hakik daok hu peih ngak di tukvak 1 haong bruk dui panak katut, pataom dom bieu mau tui sarak Thong tu 32 di Mentri Y te. TS.BS Diệp Bảo Tuấn, Yam ndok sang iek ruak brei thau, yaom lac bahrau di tukvak akaok, majam hu daok lagaih ka rilo bruk duah patabiak số liệu, pasang iek ruak taong ruak lagaih jang. Tukvak 2 brei hu peih haong dom biểu mẫu karei di gah taong ruak ung buou, pamaong tal ngak taong abih jang.

Tui So Y te Ban raya Ho Chi Minh, urak ini hu 153/164 sang iek ruak dalam bhum hu peih harak ruak hakik ndien tu (mek hu labaih 93%). Di gah langiu pakat negar, hu 80/90 sang iek ruak pandar harak ruak hakik online.

 PGS. TS Tăng Chí Thượng, Yam ndok So Y te Ban raya Ho Chi Minh brei thau, ini lac sa bruk hu makna di jalan salih lek taka dalam gah y te, daong patakik bruk karja saong paglaong asar siam pasang iek ruak, taong ruak ka rahra. Urak ini gah y te hu padang harak ruak hakik online pandar haong gauk, daong sang iek ruak patakik ka urang ngak. Meng nan bo taong abih sang iek ruak hu peih harak ruak hakik online. Daok ka suai atah, So Y te Ban raya Ho Chi Minh ba tagok panuac brei hu cơ chế tani tanat jien padai piah khik tani tanat saong patagok ha tang ilamo kong nghe khau tin, jeng yau padang kapul urang ngak bruk hu ilamo: “Jalan ngak anak meta lac pambuak harak ruak hakik di dom sang iek ruak. Bruk ini hu makna biak praong hu bruk ngak tal bruk kinh te xa hoi. Tuk nan, bruk pambuak xet nghiem, pasang iek meng thaik thaot atau toa jru brei hu ngak biak, daong patakik jien buh tabiak, patakik bruk ngak veik yau gauk, oh njauk ngak veik yau dahlau diah, ba mai kein lagaih ka rahra”.

Tui dom urang hu ilamo, salih lek taka so brei caik dahlau paglaong ba drei tame duh ka rahra. Salih lek taka so jak jeng saong patagok jak jeng tuk mek rahra ngak pasak, lac menuac urang lac hu makna abih dalam yaok bruk halei./.