Ban raya Ho Chi Minh, Binh Duong dan saong Ba Ria – Vung Tau pagam jeng sa baoh ban raya praong oh lac sa janih brei ka gah taneh riya bo blaoh nyu daok peih tabiak sa kein lagaih jalan ngak biak hu angan je makna. Yaok bhum palei jeng hu kein lagaih karei ngan haong Ban raya Ho Chi Minh lac dang akaok gah ngak mbang kinh te, Binh Duong lac pasak ngak mbang, daok Ba Ria – Vung Tau hu pabah lamnge tasik hu yaom kaom praong pakat dunya. Labik bahrau ini daok lac bruk hu makna dalam mon majam yaom kaom logistics di gah Meraong negar.

 Bruk pagam 3 bhum palei brei peih tabiak sa mon majam pambuak sa talei, meng bruk ngak tabiak tal pablei tabiak, peih tabiak kein lagaih dui pachreih FDI bahrau saong cakrok khang dalam harei hadei.

Tui ong Phạm Anh Tuấn, Taong yam ndok Kongti CP Ndom meyai thiet ke lamnge – ky thuat tasik, ha tang pambuak daok lac labik tavak ba tal bruk kan kandah di sa labik ini. Dom jalan peih samar, jalan vang vil vanh dai, abih di nyu nan lac Vanh dai jalan vang 3, 4 brei hu peih ngak samar drah. Gam tui di nan, pabah lamnge Cát Lái urak ini daok peih ngak tapa truh prein cong suat, ngak gar tavak dalam chuoi majam pabak, dalam tuk pabah lamnge Cái Mép – Thị Vải ngak patagok labaih abih kein lagaih kayua kurang ha tang pabuak gauk di nyu.

" Dom kein lagaih ka ha tang pambuak ye khol drei hu thau, urak ini dom quy hoach hu ngak saong daok ngak jaik salah blaoh. Dahlak hulin je lac, dalam dom thun anak mai tal dom jalan vang 3-4 jeng brei salah blaoh, majam jalan kraong ia dalam negar pambuak atau pajeng ba tapen tasik jeng brei hu tani tanat. Yau nan ye ha tang brei khik kajap ka bruk patagok ka pabah lamnge tasik tagok."

Daok tui ong Nguyễn Xuân Kỳ, Tong thu ky Kapul pabah lamnge tasik Asia Tenggara Đông Nam Á, dom danak dak ha tang hu ngak saong daok ngak dalam meng 2 – 3 thun anak mai tal brei daong salih mbaok meta jalan mbak di labik Meraong negar. Cambaih laih lac, dom jalan peih samar yau ye Bến Lức – Long Thành, Ban raya Ho Chi Minh – Long Thành – Dầu Giây saong Vanh dai jalan vang 3-4 Ban raya Ho Chi Minh ba tame ngak brei daong ndap nda pablei tabiak blei tame tapa tui pabah lamnge brei nao tapa ka abih bhum gah Pur, gah Pei di Kawasan Meraong negar: " Tuk khol dahlak peih dom jalan hu makna ye lac dom kapul ilamo ngak kong, kapul praong brei duah jien buh tame. Dom urang nan meda caik di labik di ini saong ba ndap nda pablei tabiak nagar Amirik."

Tui dom Urang ngak mbang pablei salih di pabah lamnge tasik, jalan pagam Binh Duong, Ba Ria – Vung Tau dan saong tame Ban raya Ho Chi Minh jeng hasa ieu lac bruk pagam prein khang taong abih, brei daong prein patagok bhum, abih di nyu hu dalam bruk lac pasak kinh te tasik, jien padai, ilamo ngak kong nghe di dalam negar. Piah patui bruk patagok kein lagaih di yaok labik rilo gah ngak mbang pablei salih ndom lac, rajaei samar drah buh jien tame patagok pabah lamnge Cái Mép – Thị Vải jeng pabah lamnge pajeng ba praong pakat dunya. Gam haong nan padang talei pambuak Cần Giờ - Vung Tau, jalan pasei peih samar Ban raya Ho Chi Minh – Ba Ria – Binh Duong (klak), piah patagok kein lagaih pambuak jalan mbak duh ka bruk pablei tabiak blei tame saong jeng ye tui logistic.

Tui ong Nguyễn Văn Hải, Gah ngak mbang pablei salih pajeng ba - Logictics labik pabah lamnge Cái Mép, piah ngak siam meta maong ka sa ban medin praong tasik, Ban raya Ho Chi Minh brei quy hoach taong abih pambuak dom pasak ngak mbang, pablei saong pabah lamnge pablei tabiak. Jalan ngak jeng Labik pablei salih tu do di pabah lamnge cái Mép Hạ lac sa bruk salih samar dalam labik bahrau. Piah samar drah ngak jeng biak, Rajaei brei hu sarak salih bahrau samar ka pabah lamnge tasik, jeng yau labik mau dich tu do piah ka gah ngak mbang pablei salih patagok saong uak drei tagok: " Lac labik ngak bruk dalam gah pajeng ba, logictics labik pabah lamnge Cái Mép, bahrau blaoh tuk hu jalan patagok labik pablei salih bebas tu do Cái Mép Hạ ye biak chreih chrai saong daong ka jalan ngak ini. Khol dahlak hulin caong khin Rajaei brei kein lagaih piah samar drah ngak jeng, daong gah ngak mbang pablei salih patagok, meda hu rik daong rilo jang taem kadung jien".

Dalam danak dak meraik gauk di angaok darak pasar di pabah lamnge tasik, njauk ndom mayai abih di nyu nan lac kadha kuhria piah patagok karo kajap, Ban raya Ho Chi Minh brei hu dom jalan patagok bahrau saong pataom tame piah pabah lamnge tasik di ban raya Ho Chi Minh njauk lac sa yau gu chriaok ciim akaok kapul khang kajap di dalam negar, srap gap uak drei tagok di darak pasar pakat dunya./.