Tui Tien si Trần Du Lịch piah ngak hu yau akaok mbram brei mek hu 2 angka sok di luac masa atah, Ban raya Ho Chi Minh njauk salih khang brei ka bruk patagok.

Ralo thun blaoh, tăng trưởng patagok di Ban raya Ho Chi Minh ralo di nyu pandie paet tame phun jien buh tame dang song urang ngak. Tapi min, masa meng anak njauk salih tapa patagok mek tui nang suat, salih barau bruk ngak dah krah dan song ilamu ngak kong. Tui di nan, dom gah ngak kong song bruk mayit meng halei mai daok khik tanut patagok karo kajap, dalam nan dom janih ngak barau yau ye ngak kong pakat glaong, kinh te so, jien padai tài chính dunya dan song salih barau glao akaok njauk chul pakhang padrah jang. Tui Tien si Trần Du Lịch, mayah ban raya Ho Chi Minh khik mek tagok 10% dalam masa dui atah, bruk ngak mbang kinh tế di ban raya Ho Chi Minh tagok biak samar: 

"Asar gok gang brei ka pasalih bruk patagok oh bih dom jien phun buh tabiak blaoh nyu khin jalan dhuan brei ka the che, moi truong buh tame. Brei ka bruk padang the che, karja ban raya Ho Chi Minh hu ralo sarak brei tabiak, pagap ye hu Sarak 260 brei padang bruk ngak di Khu thương mại tự do Ban raya Ho Chi Minh. Min ban raya Ho Chi Minh njauk padang sarak karja, jalan ngak iek hu glang maong, sangka brei ka yaok bruk ngak, yaok gah"

Brei ka bruk lang yah ka gah nang luong, urang ilamu gah kinh te, Tien si Trần Hoàng Ngân brei thau lac, taong yaom meng bruk mblung mabuk nang luong di dom mbang dalau, njauk hu cara brei sarak karja gah jien ndo Pakaro minyek karak, pakaro an sinh xa hoi jeng ye ieik glang siam blei salih minyek oh hu harak brei adat tapa jalan nagar. Dalam nan pacang caga, pacang bruk dau co, patagok yom kom ndap nda. Ban raya Ho Chi Minh brei pachreih urang pandar radaih lamo gam ralo urang. Ini lac hu lagaih yau ye metro, radaih buyt ndien jeng ye jak ba caik hatai pandar tui Sarak 98 brei ka cơ chế karei brei daong ka bruk salih nang luong.  

"Khol drei njauk peih huan jeng ye buh đầu tư công, patom prein tame dom danak asar. Mayah oh peih huan hu dom danak dak ini tuk jalan thuan peih blaoh mada pakuran hu jien logistics, ndom mayai brei ka urang ngak mbang blei salih. Dom danak dak asar di Ban raya Ho Chi Minh daok patom, khol drei daok chul khang padang majam luoi metro, bien halei hu halam mang luoi ini mada rah ra tame pandar ralo, oh daok dak gauk cang blei minyek xang, dalam masa daok sarau dau gah nang luong"

Ong Trần Việt Anh, Tong Yam ndok Kongti Nam Thái Sơn, Phaok Akaok Kapul Urang ngak mbang blei salih di ban raya Ho Chi Minh ndom mayai lac, tagok dua angka số di kinh te njauk tagok meng dua angka so di yaok urang ngak mbang palei salih. Tapi min urak ini, urang ngak mbang blei salih oh sa janih kan di yaom blei minyek karak tagok, kapal tagok yaom blaoh jien yaom blei dom janih ndap nda ngak mbang karei jeng tagok. Yau ye, yaom katak gah ngak kasu, cao su tagok glaong, min tapi urang ngak mbang blei salih oh blei tame hu.

"Tong gilang nagar di dom jabat gilang dalam nagar jeng ye gilang padang ndap nda njauk brei hu ganap dua angka ini. Mayah oh ngak hu khol drei njak mapeik dan saong gam pambak ralo tame urang. Urak ini ralo bruk ngak ralo gam pambak tame pandap tamo di bhum Trung Dong. Dalam nan hu gah ngak ndap nda meng katak daok ngak ka FDI meng ngak kong daong ngak dom chip ndien tu, pambuak tame dom urang ngak mbang blei salih praong"

Akaok UB Bhap bini Ban raya Ho Chi Minh Nguyễn Văn Được brei thau, mayah khin tagok drah karo dan hu prein bom dom janih sốc gah langiu, dalam nan an ninh năng lượng ieu lac asar raok darah di gah ngak mbang blei salih. Ban raya Ho Chi Minh padang bruk brei ka caga gah pabak ndien, minyek karak, gam dom jabat so, nganh tame ngak danak dak brei abih di nyu ka gah tagok 2 angka so, gam saong bruk ngak ka hu patagok./.