Uan raok harei Sen Dolta thun ini, mikva urang bangsa Khmer mboh cambaic laic dom janih salih bahrau praong siam di dalam nagar. Thun 2025 hu iek lac sa thun praong angan kayua di dalam nagar brei rami ramik jabat karja dua pakat, jabat siam gheih, paglaong bruk ngak siam. Jalan praong ini hu taong abih bhap bini dalam nagar chreih ngak tui, dalam nan hu urang bangsa Khmer, sa hatai gam ngak tui.

Tui ong Thạch Sros, urang bhap bini di xa Đôn Châu, tinh Vinh Long, mboh harei raya Sen Dolta thun ini biak chreih. Kayua nyu lac oh njauk sa janih hu harei pataom gauk dalam sang, harei pahadar tal mukkei, blaoh nyu gam daok hu jeng harei chreih bui sambai dalam nagar daok pasalih bahrau khang catang.

“Uan raok Sen Dolta thun ini, mikva urang bangsa Khmer khl hulin biak chreih. Kayua hu Ndang pan akaok, hu Karja nagar caik hatai maong iek yaok janih kadha brei ka rahra bhap bini, dalam nan hu urang bangsa Khmer, dak harei dak mboh dah krah. Bhum palei phum soc chreih chrai sambai bui dalam harei mukkei Sen Dolta thun ini.”

Dom harei ini, di dom baoh baha Khmer daok di ban Can Tho, Ca Mau, An Giang, Vinh Long…, harei raya Sen Dolta gam bui gam sambai gam chreih chrai ottanot. Mikva nao baha kakuh yang, pok lasei ka acar, truac tapang den dar tal mukkei amaik ame truh lahik, blaoh gam gauk adaoh take tamia chait, ma-in ma-eic gam saong gauk… Hu dom janih kadha yau nan, nyu jeng ieu lac sa janih urang Khmer khik ramik jeng ye jao brei ka urang harei hadei ilamo bangsa. Dalam dom baoh kadha sambai bui chreih yau nan Ong bac đại đức Danh Đô La daok di baha Đồng Tranh, xa Vĩnh Bình, tinh An Giang brei thau lac:

“Tui anek urang bangsa Khmer, Sen Dolta oh lac sa janih mai kakuh Yang, blaoh nyu daok jeng harei brei ka bhap bini rahra urang bangsa yak yum jum pataom gauk. Thun ini, bui sambai ganap sampurana kayua taneh daok salih bahrau khang catang. Đảng dan saong Karja tuk halei jeng caik hatai saneng kuhria brei ka bhap bini rahra, pachreih daong khik caga ilamo bangsa; bhian nao mai rivang jirah baha, pachreih urang phik urang acar gam ngak man gam bac magru ilamu, ngak manuac urang hu kein laba brei ka rahra palei nagar. Mai meng hu hatai sangka ngak ka mikva urang Khmer paralo hatai jie, kham marat khik caga dan saong patagok ilamo bangsa dalam jaman tame dunya.”

Ong Vi Ti Va Lay, gam akaok Chi bo, gam akaok palei Phù Ly 1, phuong Đông Thành, tinh Vinh Long brei thau, karja palei tuk halei jeng caik hatai kuhria ka rai diuk ilamo brei ka mikva bangsa: daong baoh sang urang kathaot, alin hadiah baoh kaya brei ka urang di dalam sarak karja, pachreih dam dara ma-in khik ilamu – pahat padhih. Bruk ini daong brei khik kajap hatai jie di urang bangsa Khmer brei ka urang pan akaok meng di Ndang dan saong Karja.

“Yaok thun, tuk tame harei raya Sen Dolta, karja palei tuk halei jeng caik hatai tal urang bangsa Khmer tui iek glang sua tangi rivang jirah, alin hadiah kaya ka baha, po acar, sang hu buh prein ka katmang dan saong urang jakar, urang ngak bruk nagar urang bangsa Khmer. Thun ini gam tui bruk praong di Ndang, dalam nan hu bruk ramik jabat karja dua pakat, rah ra bhap bini hu brei kuhria bruk hit drah samar jang. Kayua hu yaau nan, mikva urang bangsa Khmer thei thei jeng bui baiy chrei sambai ba hatai tui sa jalan”

Tui muk Sơn Thị Si Nết, dalau pan akaok Jabat danak sap Khmer – Rayo Papar binguk Viet Nam di ban Can Tho, thun 2025 ieu lac thun camareip, taneh ia hu brei ramik jabat karja ka lagaih tui dua pakat, mikva urang bangsa Khmer brei mboh cambaic hatai jien tame urang pan akaok di Ndang. Nyu yau kali patau praong khang bruk yak yum jum patom di taong abih bangsa, daong taneh ia nagar pataok karo dalam jaman bahrau.

“Dalam harei raya Sen Dolta, mikva gam gauk tame baha, kaku po Bhat, pok lasei kapo acar, pang bac gal, dakvah ugama. Mada daok di ban raya min adat cambat jeng daok khik yau ye daok di palei. Sen Dolta oh lac sa janih ieu adat cambat blaoh nyu daok jeng lac ralo darah oh kurang hu di yaok urang bangsa Khmer. Gam tui di nan, mikva daok gam tangin saong gauk, kham marat buh prein daong tame ka taneh ia nagar.”

Harei raya Sen Dolta thun ini peih tabiak di tukvak taneh ia pasalih bahrau abih janih, taong inum sa thun jarah gam tui ralo janih salih barau brei ka jabat karja. Dalam bui sambai harei pataom mbaok dalam gel yaok baoh sang, dalam sap ragam ragu ngũ âm sameng di dalam yaok baoh sang baha, hu hatai jai anit ranam jum pataom sa hatai jie caong khin uak drei tagok di urang bangsa Khmer.

Nan ieu lac thau mbiah hatai jie tame urang pan akaok di Ndang, hatai pataom tame sa baoh nagar bruk pasalih praong raya. Jeng ye ieu lac hatai pakajap karo bruk khik ilamo bangsa Khmer – sa baoh sa dhan bingu dalam phun bingu ralo sambo ban di 54 bangsa adei sa-ai dalam taneh ia nagar Viet Nam./.