Urak ini, CA Bình Dương khik iek harak gar di labaih 3.000 urang njuk aphian dalam bhap bini. Kayua daok taphia haong Ban raya HCM saong hu jalan nao mai mbuan lagaih, ralo urang njiel  aphian meng ralo labih duah mai Bình Dương piah pataom gauk njuk. Bruk njuk aphian tame dalam bhap bini ngak brei rahra biak duh hatai, kayua nyu mbuan tamuh srau dau haong prein yawa brei ka bhap bini. Ông Phùng Hữu Hiệp, urang di phường Lái Thiêu, TP.Thuận An, tỉnh Bình Dương caong lac: “Jabat jakar mada pasang ieik labik daok chung cư, sang daok pah, saong pathau khan, jak ba mikwa jaik taphia tuk mboh manuac urang yau njuk phian ye brei khan tal urang jakar piah tui takai, tui maong saong mayah mboh njauk ye brei pacang caga chip piah klah mbak praong dalam bhap bini. Kayua aphian mbuan mbak srau dau mbuan tamuh bla  chak kanjah karei karei nduac tui”.

Kayua hu laba, kon pablei salih  aphian nyu ngak tabiak ralo janih jeng ia baoh kayau, har keo jeng ye ngak jeng pakao njuk điện tử pablei ka manuac pandar. Dom janih aphian hu pablei anak mata ka dam dara, abih di nyu lac anek saih haong sinh vien.

Tui  dom urang ilamu, pakao điện tử hu labaih 20.000 ia jru ngak brei njiel  hu ia jru mek. Bala hadei di njuk pakao ndien tư hu ia aphian ndam jru mek khang jang ralo mbang. Nyu ngak brei njiel trak, ba tal "ngáo đá" haong dom bruk ngak biak jhak ka bhap bini rahra. Ong Đậu Đình Thắng, urang daok di Ban Thủ Dầu Một, tỉnh Bình Dương, duh hatai lac: "Drei mboh anek saih njuk pakao đt biak ralo, barat, urang ngak maik ame anek saih biak duh hatai. Kayua lac, glo akaok dom adei ka oh thau cambac lac nyu bala praong yau habar, mboh urang njuk bloh ngak tui. Kayua yau nan ye, Karja njauk hu jalan pacang caga catang bruk pablei pakao barat yau urak ini”.

Tui jalan "oh nao lakuk kon bleik", CA Bình Dương taong akaok dalau yah parah jalan talei blei salih aphian. Mek hu 2.241 kapul nyaom gam haong 4.552 urang njuk aphian, brei yak pathau 2.074 kapul nyaom haong 3.198 urang gam haong aphian, pataom mek hu labaih 183kg aphian ralo janih, 24 mbaik phao, 84 siu, 2 baoh pacah.

Gah CA vang khik kajap bhum bhaok, khik caga labik mbuan tamuh aphian, yah klak pasak mblang pataom gauk njuk aphian. Đại tá Trần Văn Chính, Phó Giám đốc CA tỉnh Bình Dương brei thau lac, piah jhul kadun likuk aphian, CA hu jak ba mikwa tame bruk duah, tacei tabiak kon main njuk aphian: “Kon hulin dalak padang Kapul eng drei ieik glang dom labik pah daok. Kapul ni hu pabak ilamu piah thau kol njuk klaukn main aphian. Meng nan,  bhap bini eng drei khik iek saong pathau khan  jaka piah pasang iek, langyah. CA jeng hu rilo jalan ngak  piah duah mboh kol njuk phiel saong daong taong ruak ka urang ruak meng phiel".

 Piah pacing cakak urang pandar aphian, bruk daong urang klaak hu aphian lac bruk hu makna biak praong. Min, bruk padam pamahu aphian di Bình Dương urak ini daok gaok kan kandah kayua kurang labik, kurang pandap saong kurang urang jakar ngak gah bruk ini.  Gah Y tế Bình Dương daok padang manuac urang, kuria mbiah tal puac thun ini hu ganap abih 9 huyện, ban sit ban praong hu labik ieik glang, maong ieik, daong veik, ieik ruak brei ka gah aphian. Brei pakhang dalam bruk bac magru, palaong ilamu bac magru ka dom urang y tế palei ngak bruk ieik glang, daong ba jeng ye thau urang njiel aphian piah ieik ruak taong padam njiel aphian siam di abih./.