Thun 1975, hadei di gah Mraong peih paha taneh ia tame sa baoh nagar, sang ong Đặng Kháng jeng ye ralo mikva urang bangsa Cam daok di xa Bắc Bình sa janih ngak hamu ngak apuh, mbang ia hajan. Kayua yau nan, padai brah phun pala anek athur raong mek tame sang oh hu ralo, ngak mbang caong ganap mbang ndih oh saneng tal ngak jeng ndap nda pablei.

Ong Kháng pilih bruk bruk raong lamo pabe, gam song padang 1 ribau mbaik gang pala baoh gara patagok kinh te dalam sang. Tuk camreip sang oh hu phun jien ye blei dom drei pabe binai saong pabe tano mai ngak pajaih. Oh lavik di nan, mai meng kham marat iek glang, var ro lamo pabe di sang ong ralo meng dom drei jeng dom pluh drei, yaok thun sang ong Kháng duah hu jaik 100 trieu dong jien pablei pabe lamo.

Ong Đặng Kháng khan brei thau lac, raidiuk di baoh sang tapa dom thun bilan kan daman, urak ini oh daok tavak di nduac mbang hua yau ye meng dahlau.

“Hadei peih paha mai, dahlak hulin hu nao ngak bol lin 2 thun, tal thun 1976 dahlak mai sang…”

Ong Đặng Kháng ndom lac, ong jeng ye di dalam sang danaok yau ye harei ini mai meng hu kham marat ngak mbang, min jeng njauk brei bau tal sarak di Ndang song Karja caik hatai daong ba, pato jalan di kapul urang kapul Bol lin pakat angak.

Ong Nguyễn Bảo Quốc, Phaok Akaok UB Mat tran Nagar Viet Nam, Akaok Kapul Bol lin meng kal xa Bắc Bình, tinh Lam Dong brei thau, hadei di pagam tinh, Kapul urang da lau ngak bol lin da lau diah di xa Bắc Bình, tinh Lam Ndong ralo di nyu urang bangsa takik daok pablak gauk. Langiu di iek glang tui sarak Ndang, Karja, tapa bruk ngak mbang blei salih di bruk ngak di kapul urang dahlau ngak bol lin dahlau, dom urang dahlau ngak bol lin dahlau daok di xaa Bắc Bình marat uak drei piah ngak mbang patagok kinh têe baoh sang hu trei sil.

 “Ong Đặng Kháng sa urang meng baoh sang kan, hadei tame kapul urang dahlau ngak bol lin dahlau, ngak siam tui darah urang bol lin di Ong Ho Chi Minh, hu hatai iek glang di Ndang meng Gilang jien sarak xa hôoi song Gilang jien ngak Nong saong patagok palei pala, ta-eng rup drei pan jien nan blaoh ong Kháng patagok kinh te dalam sang, pala labaih 1.000 gang gara thanh long, raong lamo raong pabe tagok jeng kaya mada di palei.”

Oh sa janih ngak kaya ka drei, urang dahlau ngak bol lin dahlau angan Đặng Kháng daok kham marat dakvah patacei ba mikva khik taneh ngak mbang oh daok cang akaok daong di Karja. Kham marat ngak mbang di ong Đặng Kháng - urang dahlau ngak bol lin dahlau brei mboh di mata sa urang thau kham marat pajap hatai di urang bol lin Wa Ho./.