Dahlau diah, dom baoh sang mikva urang bangsa Chơ Ro di palei Lồ Ồ, xa Đá Bạc (huyen Châu Đức, tinh Ba Ria – Vung Tau klak), urak ini lac xa Nghĩa Thành, Ban raya Ho Chi Minh, daok biak kan kandah: Oh hu gom ndien, oh hu jalan mbak nao mai, oh hu ia hacih sa-at. Meng dom Danak dak 134, 135 gam saong bruk sangka tani tanat di karja, majam hatang di xa hu buh jien tame ngak dreih yau gauk.

Oh lac sa jainh brei ka co so hatang hu buh jien tame, kein lagaih ngak bruk di rahra jeng salih meng dom danak dak brei mesraiy jien, daong ilamo ky thuat pala drak, raong glang di karja. Rilo baoh sang hu khang hatai buh jien tame ngak bruk, patagok kinh te baoh sang.

Amuk Đào Thị Dương, daok di palei Lồ Ồ, xa Nghĩa Thành brei thau, urak ini sang halei jeng hu ndien, ia hacih mai tal yaok sáng, palei hu jalan praong tuh menyek praong laneing lanoi.

"Dahlau diah kan kandah lo, meng bruk jak ba di karja mikva di ini halan tian ngak jalan. Dak harei dah pataom hu phun jien, phun pajaih, anek athur raong buh jien tame ngak mbang, ngak sang ka mikva. Urak ini raidiuk di mikva salih rilo lo, mikva oh daok cang maong tame karja veik o, ta-eng ngak mbang, mbaok meta di Lồ Ồ salih biak rilo lo".

Ngak Danak dak jalan ngak pakat Negar patagok kinh te, xa hoi bhum mikva urang bangsa takik saong bhum veik, tinh Ba Ria – Vung Tau dahlau diah hu buh tabiak labaih 7,3 ty dong daong mikva patagok bruk ngak mbang; brei ka anek bik nao ngak; khik tani tanat dom raya adat ilamo bhap bini, daok dang me-in dalam bol bhap rahra piah khik ramik saong patagok dom ilamo siam gheih di dom bangsa.

Akaok UB Bhap bini xa Châu Đức, Ban raya Ho Chi Minh brei thau, harei ini Mikva kham merat ngak mbang, thau patak pataom piah ngak mbang patagok raidiuk, sahnang ba hatai pandar dom bruk ngak kinh te baoh sang. Langiu di nan, tuk jalan padang palei pala bahrau peih ngak tal bhum mikva urang bangsa ye mikva chreih chrai ngak tui, halan tian kaoh taneh ngak jalan, peih tabiak dom kein lagaih bahrau dalam bruk ngak mbang patagok kinh te:

Ong Lê Thanh Liêm, Akaok UB Bhap bini xa Châu Đức, Ban raya Ho Chi Minh brei thau, harei ini Mikva kham merat ngak mbang, thau patak pataom piah ngak mbang, sahnang hatai pandar dom bruk ngak ngak mbang patagok kinh te baoh sang. Langiu di nan, tuk jalan padang palei pala bahrau peih ngak tal bhum mikva urang bangsa ye mikva chreih chrai ngak tui, halan tian kaoh taneh ngak jalan, peih tabiak dom kein lagaih bahrau dalam bruk ngak mbang patagok kinh te:

"Langiu bruk rahra hu mbaok tame patagok bruk ngak mbang, paglaong jien mek tame ye ilamo di mikva daong biak praong yau prein ngak, halan tian kaoh alin taneh peih jalan mbak… meng nan pambuak samu majam hatang jalan mbak, bruk nao mai hu siam jang, mbaok meta palei pala praong laneing lanoi jang".

Tui ong Đỗ Chí Khởi, Akaok UB Bhap bini xa Kim Long, Ban raya Ho Chi Minh, harei ini anek kamuan bhum mikva bangsa hu bac tal labik tal dhua. Rilo adei hadei tamat bac Dai hoc gilac mai bhum palei ba drei tame majam karja, patui bruk ngak padang saong khik ramik ilamo di bangsa. Oh brei sa janih yau nan, hu dom po ngak mbang pablei salih lac mikva bangsa takik khang hatai buh jien tame ka bhum palei, brei bruk ngak ka yaok ribau urang ngak bruk di bhum palei:

"Gam haong bruk padang karja, mikva bangsa takik jeng hu mbaok tame pasang iek, ngak bruk. Abih di nyu nan ieu lac di dom sang bac hu urang pan akaok sang bac lac mikva urang bangsa Chơ Ro, dom bruk ilamo ye mikva jeng hu mbaok tame dom Pasak ilamo. Urang jakar karja palei jeng hu urang bangsa takik, tuk peih ngak dom jalan ngak praong di karja ye hu thau saong peih ngak tal rahra biak siam".

Dom drei pabe, lamo pajaih hu alin jao brei, dom jalan hu peih praong, rilo sang bahrau praong laneing lanoi salih ka baoh sang taik tahak… brei mboh ka bruk sangka, daong ba di Ndang saong Karja brei ka mikva urang bangsa takik.

Tukvak mai meng anak tal, dom pakat karja brei pataom tame khik kajap dom sarak karei ka mikva urang bangsa hu ngak taong abih saong siam lagaih. Jalan ngak puac abih lac paglaong raidiuk di mikva, daong ngak jak jeng dom Sarak di Ndang ka bruk paglaong raidiuk saong haniem phol di rahra./.