Di dom bhum ngak padai daok di xa Khánh Bình, Trần Văn Thời (tinh Ca Mau). Dahlau diah, kayua oh ka thau ginup ka kein lagaih dalam bruk ngak mbang saong makna alam langik yau nan ye hadei di yuak padai. Dong Xuan blaoh, jaik abih di dom mblang hamu jeng cuh abih pong nerang piah lagaih brei ka bruk li-ua drak. Urak ini salih ka bruk ngak ka thak par glaong ngak nerak tachauk alam langik, rahra srap gap pataom dom pong nerang piah buh jien tame ngak veik. Ong Nguyễn Hoàng Hà, rahra pala 4ha padai di xa Trần Văn Thời, brei thau:

" Dahlak mboh paok pong nerang hu rilo lagaih dalam baoh sang. Tuk papaok blaoh drei caik suai dom harei drei brei pala bamao, patagok kinh te veik. Urang ngak nong lac drei brei patagok bruk duah jien ndo oh luai klak thaoh, blaoh cuh ye jeng palai kajua rilo. Tuk tagok mang maong jeng hu thau veik, pong nerang ini hadei ini lac khak huu co ka mbang pala padai patui veik".

Rilo rahra labik puk palei Bình Minh 2, xa Trần Văn Thời daok pah jamraik talauk pong nerang hu yaom meng 12.000 – 14.000 dong sa paok patui bruk atah di nyu. Dom baoh sang khik veik pa-auk ngak khak pala njam patam, rilo meng lac pala bamao. Dom baoh sang oh hu pandar ye meda pablei tapak ka po jamraik talauk pong nerang, hu yaom meng 20.000 dom sa kong. Jien mek tame meng kaya ini yaom lac oh praong min daong plaih caga bruk cuh pong nerang ngak lahik abih janih huu co, daok cuh biak rilo ye mbuan ngak njauk mek huu co di mbang pala hadei.

Ong Duy Ngọc Nguyễn, Akaok palei Bình Minh2 hu pah jamraik talauk papaok pong nerang brei ka 2ha taneh di baoh sang. Ong khik gilac taong pong nerang pataom hu piah patagok bruk ngak mbang. Ong thau lac, bruk cuh pong nerang daok ngak nerak tachauk alam langik, patagok bruk tathuak khi metan trak. Meng nan, ong paglaong bruk jak ba rahra pataom pong nerang, langiu makna alam langik blaoh daok njauk lagaih haong jalan patagok bruk pala padai huu co di bhum palei:

"Dahlak hulin jeng jak ba mikva pataom pong nerang, blaoh caik gilac ka dom baoh sang di bhum palei patagok bruk ngak mbang, dom urang nan pandar pong nerang ini piah pala njam patam atau pala bimao. Langiu pong nerang jeng meda parilo jien mek tame ka mikva drei, daong tame bruk pandar hareik harom meng bruk ngak mbang ka njauk. Tal ini, tui jalan pala padai asar siam, khol dahlak hulin brei ngak njauk jalan pala padai huu co, padai siam piah khik kajap prein yava ka mikva drei."

Bruk pataom pong nerang lac jalan nao lagaih, brei mboh ka ilamo di urang ngak nong dalam bruk ngak tui dom adat ka bruk pala hacih sa-at, pamaong tal bruk pala padai huu co siam glaong. Tinh Ca Mau ba tabiak jalan ngak tal thun 2030 brei patagok labaih 55.000ha padai tatik tathuak nerak, bruk ini jeng brei mboh ka hatai di urang ngak nong bhum palei, srap gap ngak tui saong daong patagok yaom kaom dom kaya nong./.