Oh hu panuac ndom nao mai, kadha main Chum show – Baoh chum jeik nghe thuat, ba urang ieik tame dunya karei, sa labik hu binguk krein dalam rai diuk hu brei khan mai meng bahsa mblang daoh tamia jaman barau. Sap ragam yawa tagok, tuk glaong tuk biar, tuk sami samar tui manyek karak; dom urang nghệ sĩ dai boi tui talei, payeng rup tui ragam ragu; blaoh dom baoh chum, tuk blaoh dom ndap nda main seni jeng janih kadha. Tui ieik oh brei klak mata maong tagok san khau, ong Bachtijar, urang jirah mai meng urang Russia, tuk halei jeng pok mayaom: 

 “Kau khan meng dalam hatai, biak gheih sarak. Harei main biak bingi krih. Khol akau dom urang jirah mai meng nagar Russia, biak mboh ranam dom urang main dalam kadha”.

Dalam mblang dahdah supsup di angaok ghe papan sân khấu, dom mbang dai baoi meng talei, yau ye par tagok langik tabik payah dom baoh chum biak chreih mata. Meng uak rup meng mbeik drei, tui ragam ginang caing, jeng ye ngak po papar drei di mblang langik di urang maian, taong abih daong brei tame hatai chrei takre. Tui saai Nguyễn Minh Hậu, urang tamia khan lac: “Piah hu dom minit chreih makrei di angaok mblang daoh tamia ieu lac bih dom bruk ba drei pachram pahat...”

Oh sa janih brei chreih mata, Chum show daok brei ragam yawa biak chreih. Pak di nan, ragam ragu yau ye mblang ciu lang mala, blaoh nyu jeng panuac kadha. Tui hu dom urang main seni ilamu mai meng dom bangsa karei di gauk, dom yawa ragam mboh biak makre bhian di urang bangsa Ê Đê, Cam, Raglai datau bangsa Kinh, tuk nyu dang karei mboh tapak pape thu lagu, min tapi tuk nyu tame mblang san khau, nyu mboh jaik taphia, mboh biak barau. Dom janih ilamu oh neh hu di gauk, blaoh ndam gam saong ragam uak rup di urang nghệ sĩ, gam tui ragam di sân khấu. Saai Trương Thu Hương, urang pan ragam brei ka danak dak, khan brei thau lac: mai meng bruk pambuak ini ngak ka ilamu tame dalam brei ka kadha main.

“Biak ralo bangsa dalam ini jeng ye ilamu di nyu, nyu ba mai ini dom janih yau ye dom janih ndap nda phling ragam ragu ginang caing pambauk saong yang mabang ka oh hu ba tagok san khau. Khol dahlak duah mek taong abih dom janih ndap nda kaya kan nan gam saong hatai chreih di urang main piah brei panuac khan ka kadha ilamu.”

Tui muk Nguyễn Thị Thảo Nguyên, urang lambaok wakil sang adaoh Đó, phường Bắc Nha Trang, tỉnh Khánh Hòa, danak dak hu padang ngak tui hatai khin khik dom yaom kaom ilamu, tapi min tui bruk ngak bruk main barau.

 “Chum show nyu ieu lac sa janih ilamu pambuak pagam klau mbalng ilamu bangsa Cam, Tay Nguyen dan saong urang bangsa Kinh, dalam nan hu 6 bagian banah sit, dalam yaoak baha nan jeng hu janih kadha di nyu, brei thau lac bruk patagok rai diuk. Akaok mbram di show nao tal bruk khik ramik jeng ye patagok papraong paglaong ilamu bangsa bhum bhapk Viet Nam”.

Di mblang san khau jaman barau, dom yaom kaom ilamu bhap bini hu brei peih ka lagaih, oh brei pamadei tamo blaoh nyu daok brei ngak barau di jaman ini. Hu yau nan, bruk brei ngak jeng ye pambak seni ilamu nghe thuat ini brei ka bhap bini jeng ye ka urang tuai damuai jirah njauk pieh praong di ban raya Nha Trang./.