Tuk hu mbaok tame danak dak, ban Cần Thơ padang bhum ngak padai chất lượng glaong, tathuak nerak biar, gam haong cak rok patagok hijao bhum ĐBSCL di huyện Cờ Đỏ, Vĩnh Thạnh saong Thới Lai haong taneh praong abih tih 50.000 hecta. Ong Nguyễn Văn Sử, Akaok Sở Ngak nong saong patagok palei pala TP. Cần Thơ brei thau, bruk peih ngak danak dak 1 triệu hecta padai chất lượng glaong, tathuak nerak biar ba mai makna biak prong ngan haong Cần Thơ, daong salih meng pala drak tui jalan meng kan tapa ngak meng mac moc, takik pandar khak drak, jru khik caga phun pala saong paglaong jien mek tame ka urang pala padai “Danak dak 1 triệu hecta padai patrun tahuak nerak sang camin ye Thành ủy, UBND ban Can Tho jeng daok tacei pato gah ngak nong daong ka UBND ban Can Tho peih ngak dom danak dak dalam ban.. Ini lac bruk ngak biak hu makna ngan haong gah ngak nong.”

Piah peih ngak danak dak 1 triệu hecta padai, Cần Thơ brei mek kết quả di danak dak VNSAT piah ngak jalan nao tuk akaok mereip. Urak ini dom mblang taneh ngak padai bo Cần Thơ tut angan hu mbaok tame danak dak jeng pandar bruk pruh dauk thu pablak gauk mek hu jaik 75% mblang taneh. Langiu di nan, hu 34 kapul pambuak bruk di urang nong hu padang tagok, pambuak haong 8 doanh nghiệp piah ngak tabiak saong pablei hu jaik 26.000 hecta padai. Abih di nyu lac, Cần Thơ hu tal 30% mblang hamu hu pandar kapal haok oh hu menuac peih piah pruh jru, buh khak, tam, drak.

Ong Nguyễn Hữu Tín, akaok Kapul urang nong huyện Vĩnh Thạnh khan lac, danak dak hu bhap bani taong yaom glaong tuk trun hu yaom jien buh tame ngak, patagok jien mek tame ka urang ngak padai: “Kapul urang nong khaol dahlak biak sangka tal chất lượng saong sản lượng. Kayua yau nan ye, tuk urang nong hu harak pambuak bruk haong dom công ty tui caong khin di bruk ngak tabiak ye khaol dahlak patagok bruk pathau khan, jak ba ngak habar ka yaok hội viên tuk hu mboh tangin tame harak pambuak bruk blei veik abih pandap tui chuỗi giá trị di dua gah ye peih ngak njauk bruk ba tabiak, piah ngak habar khik kajap chất lượng di bruk ngak tabiak, jeng yau dalam bruk yuak kuak piah ka dua gah thei jeng hu kein laba.”

Ong Lê Thanh Tùng, Phaok akaok Cục pala drak, Mentri ngak nong saong patagok palei pala brei thau, danak dak 1 triệu hecta padai chất lượng glaong di bhum ĐBSCL meda peih ngak gilac gah pandap panda padai brah di bhum ĐBSCL ngan haong jalan ngak brei patrun yaom jien buh tame ngak, paglaong yaom di asar brah, patrun tathuak nerak saong cak rok patagok khang kajap di labik palei pala. Asal kadha di danak dak lac padang dom hợp tác xã, dom kapul urang nong pambuak bruk khang kajap haong doanh nghiệp piah pablei padai brah, paglaong jien mek tame ka urang nong saong ini jeng lac jalan ngak di danak dak pamaong tal, khin ka danak dak jak jeng ye brei hu bruk ba tangin tame di urang nong, doanh nghiệp, karja palei  piah peih ngak. “Dalam jalan ngak di danak dak 1 triệu hecta ini khaol drei hu rilo từ khóa njauk langyah. Sa lac chất lượng glaong, nan lac đồng bộ hóa taong abih dom công nghệ bo ngak yau habar ka phun jien buh tame ngak trun jang. Kadha ka dua, nan lac khaol drei ngak habar piah patrun tathuak nerak. Saong ka klau lac khaol drei njauk patagok hijao, khaol drei iew lac bruk ngak nong tuần hoàn, atau kinh tế tuần hoàn patrun taong abih dom kadha ngak pambak tal jalan ngak tabiak ini.”

Bhum ĐBSCL nan lac bhum taneh ngak tabiak padai brah prong abih di Việt Nam haong sản lượng padai tuk halei jeng tani tanat di tanut 24 - 25 triệu tấn/thun, meblah labaih 50% sản lượng padai saong 90% dom brah pablei tabiak negar langiu di negar. Bruk peih ngak danak dak 1 triệu hecta padai chất lượng glaong, tahuak nerak biar meda ba mai makna biak prong tuk padang dom labik nguyên liệu pataom sa labik praong, khik kajap chất lượng saong patrun njaom nerak alam langik tasik. Tui Mentri Ngak nong saong patagok palei pala, piah peih ngak danak dak sa triệu hecta padai di bhum ĐBSCL meng ini tal thun 2030, tui kuhria brei hu jaik 2,7 tỷ USD./.