Dalam jaman mesuh metak, tukvak meng thun 1961-1962, labik mesuh metak khu D –Kuk pakat nagar di gah Meraong daok dalam glai Mã Đà (huyen Vĩnh Cửu dahlau diah, ini lac xa Trị An), tinh Dong Nai. Harei ini, labik ini jeng inem mek katmang, labik khik inem krung di Rayo Papar sap bangsa Peih paha dom harei akaok meti padang rayo.

Rah tapa rilo kan kandah, hu rilo bruk daong sraong, dom urang ngak gah jamraik ky thuat hu ta-eng roh duah pagam papar cong suat sit, daok jamraik mac patuh lac pandar sa akaok mac radaih tai. Bruk mek sap hu ngak meng mac jamraik mek sap vil saong di ala sang tuan tak gak di bhum taneh Mã Đà. Harei 1/2/1962, di Mã Đà, Rayo Papar sap Peih paha meng harei akaok meti, Rayo Papar sap bangsa Peih paha gaok rilo kan kandah kayua kol khamang taong ngak khut tayah. Urang tacei ba angan Nguyễn Thị Thủy khan brei thau lac: “Nyu pagap yau ye “kadung ndung mbom”, kayua Rayo ieu lac yau janih gah daong, ndom meyai tapak ka Trung uong Kuk gah Meraong negar dalam tukvak dang takai di labik Mã Đà ini. Tuk Rayo papar sap ba tagok sap ndom mayai pathau khan di drei, ini lac labik piah ka kol khamang thau hu labik akaok pasak di drei piah palaik mbom.”

Ndik tapa di abih dom kan kandah, rambah rambup, Rayo bangsa peih paha hu ba tagok khau tin akaok meti tui 5 sap Vietnam, sap Prang, sang Anh, sap Lo saong sap Khmer, gam tui panuac yaih khan khang kajap hatai: “Ini lac Rayo Papar sap bangsa Peih paha, sap ndom mayai khang hatai, sap ndom khang kajap, sap ndom di Mat tran Bangsa Negar bangsa peih paha gah Meraong Viet Nam.”

Sa-ai Thủy khan veik, luac jalan ngak bruk dalam tukvak katut panak tukvak di Dong Nai, dom urang jakar akaok meti di Rayo Papar sap bangsa Peih paha brei pasiam, gaok mai njauk kan kandah saong meda hu klak rup drei ka bangsa negar.

“Bruk ngak hu rilo kan kandah, kurang sap janih jeng ye daok khik kajap bruk kandauk. Bruk halan tian klak rup di dom anai, cei dalam bruk di Rayo Papar sap Peih paha hu bruk biak hu makna ngan haong mbang mesuh metak taong My di bil lin rahra drei.”

Min, daok di taneh Mã Đà oh hu suai lavik dom, taong abih labik ngak katmang di Trung uong Kuk gah Meraong brei gilac mai labik klak di akaok halau kraong Vàm Cỏ Đông daok di Tay Ninh. Rayo Papar sap bangsa Peih paha jeng panduan jabat dalam sa adit, yaok rituh tan ndap nda kaya samar drah truh tapa 200km tapa rilo labik kan kandah saong hu pagam tani tanat dalam labik dalam bhum Tay Ninh. Ong Phan Văn Thà (umo 72 thun), urang jakar klak di Mban Dân y Trung uong Kuk gah Meraong khan, Rayo Papar sap bangsa Peih paha hu pambak praong sap ndom, truac hadah hatai je ka rilo urang manuac gah Meraong negar dalam dom thun mesuh metak taong kol bol lin My.

 “Drut druai biak ralo … Min bruk drei mboh hadah mbaok abih lac drei hu tukvak daok di ini, labik ini, bhum taneh mesuh metak ini. Tuk nan, dahlak hulin daok dam, oh ka thau rilo ka katmang hagait. Min yaok harei hu pang Rayo Papar sap bangsa Peih paha haong dom khau tin brei ka jayah, dom kadha adaoh katmang… pachreih hatai dahlak hulin. Oh lac sa dahlak ta-eng, dam dara dahlak jeng mboh chreih takre tui katmang”

Ong Thà ndom meyai ndom lac, yaok khau tin, yaok kadha adaoh papar tabiak meng Rayo jeng yau pabak veik prein khang hatai sahaneng, daong ong haong yut cuai bol lin hu khang kajap hatai, paglaong hatai taong khamang ka bruk bebat tu do di taneh ia negar. Sap ndom di Rayo hu daong paglaong jalan sahaneng saong pachreih grauk urang salah blaoh bruk ngak di drei, yau sa urang bol lin tabiak mesuh metak.

Sap ndom Viet Nam yau ye gom truai apui oh padam, pahadar dar sa tukvak jaman rambah rambup min hu yaom glaong. Sap ndom mayai nan jeng prein khang di hatai je dalam mesuh metak saong urak ini patui veik pasang hadah dalam raidiuk sron mbon di taneh ia nagar drei./.