Dom kongti bhian brei betong tamo di tinh Dong Thap ralo abih hu Kongti TNHH MTV Betong TICCO Tân Phước - Mỹ Tho dan saong Kongti TNHH Hữu Biên daok ralo duh hatai brei ka ribuk yaom kaom trun tagok. Urak ini, urang blei ndap nda mboh trun daok tukik, jien buh tame ngak tabiak ndap nda jeng ye jien je nyu tagok glaong ba ralo cuang kandah brei ka ngak mbang blei salih. Ong Đặng Hữu Biên, Yam ndok kongti TNHH Hữu Biên brei thau, mada brei padeih dom janih piah cang karo brei ka halau ndap nda tamo yau ye, xang menyek; patui di nan daok cang pambiah yaom kom betong that gap takre di nyu:

“Yom kaya, yaom xang manyek biak kan kandah. Urak ini daok ka oh thau yau habar. Bruk ngak halei oh capat ye brei nyu padeih, kayua brei ngak mada khut khat. Betong tamo jeng ngak khik takai kayua pablei tabiak mboh biak tukik, yaom kaom yau ini jeng hu tukik urang ngak, rahra jeng padeih”. 

Brei ka bruk pajeng ndap nda jeng ye pajeng manuac urang tuai damuai di tinh Dong Thap jeng “dang di mateh dhua”, jien bayar xang minyek tagok 30%; dalam nan oh ka thau yau habar piah patathau tagok karja brei adat yaom kom ka nyu lagaih. HTX Jalan mbak pajeng ndua Gò Công Tây, tinh Dong Thap urak ini hu labaih 400 chruh radaih pajeng tuai damuai, ndap nda kaya bhian di nyu, radaih buýt, radaih pajeng urang ngak nao mai dalam jeng ye langiu tinh. Dalam tuk “ribuk yaom kom” ini, HTX daok “grum rup”. Ong Trương Văn Vui, Yam ndok HTX Jalan mbak Pajeng ndua Gò Công Tây brei thau lac:

 “HTX drei daok grum rup pabhap, njauk patapap yaom kaom min radaih lamo oh brei tagok yaom hu, njauk kayua drei pathau tagok. Kayua drei iek darak pasar minek karak hu tagok trun ha oh. Bien halei yaom kom karo ye drei meng pok sap pathau lakau tagok yaom. Hu taeng radaih buýt daok kan kandah nan drei meng lakau brei tagok yaom brei ka radaih buyt”.

Brei ka gah kaya tamo, xang menyek daok kurang jeng ye daok tagok yaom langiu di hatai caong khin di manuac urang drei; min tapi dom ngak mbang blei salih di tinh Dong Thap jeng daok kham marat bih prein yava dalam nan hu bruk kuli kulih piah brei yam tapa kan kandah, tapik hatai kuli kulih dalam bruk blei dom janih ndap nda, caik hatai blei dom janih njauk blei, patagok prein yava brei ka bruk ngak, bruk pandar jamriak, lagaih tui njauk ngak njauk pandar.

Kongti Co phan Kong nghiep Kaya mbang Tien Giang daok di xa Bình Ninh, tinh Dong Thap - ngak mbang blei salih ngak tabiak dom janih kaya yau ye: baoh karaoh ia khan palan nyu, baoh kayau pathu nyu, ia, ia tasau li-u, asar li-u brei thu... pablei tabiak langiu nagar di dunya. Meng akaok thun mbiah tal ini, kayua karung karang di dunya, xang minyek tagok yaom ngak ka jien buh tabiak tagok glaong labaih 20%. Kayua yau nan ye, Kongti Co phan Kong nghiep Thuc pham Tien Giang njauk gam kham ngak paralo ndap nda, paglaong kaya ngui gam pakurang jien buh tabiak. Ong Đinh Thủy Diệu Bình, Yam ndok ngak mbang blei salih brei thau:

“Sang jamriak pandar ngak dom janih tui tanut yau ye di dunya. Urang pan akaok kong ty peih “bruk ngak” pakurang yaom kom, pachreih urang ngak kham patagok ndap nda daok ngak jeng ye pahadah akaok ngak siam ndap ndal bruk ngak siam hu brei mayom, abih drei caik hatai pakurang iar pandar, patukik gom điện, njauk peih ye brei peih, daok oh janjauk ye brei padam”.

Dom hatai kham marat brei ka bruk ngak mbang blei salih di bhap bini rah ra ngak mbang blei salih tinh Dong Thap dalam masa tukvak “ribuk yaom kom” urak ini biak hu angan makna praong di dalam patagok kinh te - xa hoi bhum palei, rik daong pacang caga susa kan daman di nagar di anak mata./.