Jak jeng saong pataok meng labaik 100 thun blaoh, Palei pak cieu Định Yên daok di huyen Lấp Vò brei jao meng rai dahlau tal rai hadei. Tal ini palei cieu hu labaih 800 baoh sang daok pak cieu, ralo abih dalam nan hu pandar jammariak piah pak ciu yau nan ye hu nang suat ngak nyu glaong. Yaok thun palei ngak cieu Định Yên ngak tabiak ralo janih cieu, pablei tabiak ralo tinh, ban di bhum taneran kraong Cuu Long, Ban raya HCM jeng ye pablei tabiak langiu nagar tal Campuchia. Palei ngak cieu Định Yên hu Mintri ilamo, Padhih saong Jirah brei angan Drap ar ilamu oh mboh di mata pakat nagar.

Muk Nguyễn Thị Kim Quí, xa Định Yên hu labaih 50 thun nyim pak cieu, manyim pak cieu ieu lac bruk di dalam baoh sang, mada umo hu praong thun min muk jeng daok takre ranam. Hu jamariak pak manyim yau nan ye oh bih ralo prein, cieu ngak tabiak hu ralo jang, blaoh bruk ngak pak cieu hu dui atah mbiah tal ini. Darak pasar urang blei pablei ralo praong yau nan ye oh duh hatai kuhria, min tapi jien buh tabiak piah ngak tagok, dalam nan hu jien bayar ka phun talaoh tagok yaom mada cuang ka bruk duah raba.

Di huyen Hồng Ngự di tapen nagar, palei manyim kama pambak kakuai (daok ieu lac manyim khăn rằn) di xã Long Khánh A jeng hu brei angan Ilamo drap ar pakat nagar. Urak ini, palei ngak hu 60 baoh sang daok manyim kama bingu ran masam kakuai, 150 kik manyim, daong bruk ngak brei ka labaih 300 urang ngak di palei. Yaok thun, palei ngak tabiak ndap nda brei pablei tabiak darak pasar di dalam nagar jeng ye nagiu nagar labaih 5 triệu blah khan choàng yaok janih.

Urak ini grauk dalam tinh hu 40 bruk ngak tui meng kal, palei ngak, palei ngak bruk yau meng kal. Dalam nan, Dong Thap hu 5 bruk ngak meng kan, palei ngak hu angan angan Ilamo drap ar pakat nagar. Min, bruk patagok di rahra saong ilamo xa hoi saong ilamo khoa hoc kong nghe jeng mada pambuak tal palei ngak bruk ngak ilamu.

Ong Huỳnh Minh Tuấn, Phaok Akaok UB Bhap bini tinh Dong Thap brei thau, bruk khik caga saong patagok bruk tui meng kan piah khik ramik pataom yaom saong pagalong ilamu bangsa brei thau, khik caga dan patagok bruk ngak, palei ngak piah khik caga jeng ye pok yaom janih ilamu bhum palei; pachreih bruk, daong dom po tabiak ndap nda di palei ngak chreih tame Danak dak OCOP, dak yam dak yam pachreih bruk patagok ngak tabiak ndap nda, paglaong pakhang dalam bruk mariak gauk, paralo yaom kaom ndap nda di palei ngak...

Rilo rahra saong labik ngak bruk di dom palei bruk ngak kal dahlau khang hatai pandar ilamo khoa hoc ky thuat, jamraik mac moc tame bruk ngak mbang, daong paglaong nang suat bruk ngak mbang. Dom urang oh padeih bruk salih bahrau, hadah krah, ngak tabiak dom pandap kaya njauk lagaih haong hatai caong di darak pasar. Yau ye, pandap panda di palei bruk menyim choàng xa Long Khánh A oh lac tok sambo bar juk, jal tariyueng bo daok jhik angaok nan dom thaik thaot gheih karei di tinh Dong Thap (bangu caraih, sếu akaok bhong…). Palei bruk ngak kal dahlau hu dom pandap meng pandap tamo tanjak choàng yau ye: ao sơ mi, ao dhai, kadung teik, talimo, caravat…

Baoh sang ong Nguyễn Văn Tốt daok di xa Long Hậu hu 4 rai ngak bruk ngak gilai, gaiy, oh meda dang maong palei ngak bruk dak harei dak langik urang ngak nan ong Tốt salih tapa ngak pandap ngak gheih lac dom janih gilai, gaiy bhap bini. Ong Bảy Tốt brei thau, tuai damuai di ong mai meng ilo tinh, ban dalam taneh ia saong langiu negar. Bruk ngak gilai, gaiy thaik thaot sit daong ba mai jien mek tame saong daong khik ramik palei ngak bruk meng kal.

Tui ub Bhap bini tinh Dong Thap, piah khik ramik saong patagok dom bruk ngak meng kal, palei ngak bruk, palei ngak bruk meng kal, tukvak anak tal tinh hu peih bruk pathau khan, bac megru paglaong ilamo ka bruk khik ramik saong patagok bruk ngak, palei bruk ngak, bruk ngak meng kal; pato pakai, patagok urang ngak bruk ka dom palei ngak bruk. Gam haong nan, tinh padang ngak, salih bahrau dom bruk ngak pandap kaya, paglaong prein maraik gauk di dom palei ngak bruk; daong jhul tagok bruk pablei salih; ba tabiak jalan padang bruk jirah rivang palei pala, jirah rivang palei ngak bruk hu kein lagaih…/.