Hadei di dom harei padeih raya Tet nethak Asaihh waw, Khoa taong ruak gah Vat ly pasiam rup bhap, Sang iek ruak Gla di tinh Ndak Lak gilac tame ngak bruk yau bhian harei. Di duk iek ruak ka 02, Gru jru Võ Hồng Khắc daok ieik ruak, pathau khan saong brei jru ka urang ruak. Gru jru Khắc brei thau, taong mek ruak ka urang ruak Gla oh lac pambak tame jalan iek ruak hu ba tabiak blaoh blaoh daok pambak tame ilamu saong vaktu pasang ieik suai lavik, yau nan ye dom kanjah jhak mbuan si taom gaok:  

 “Tukvak iek ruak caong khin khaol dahlak njauk mong tui ieik urang ruak, nao tame yaok baoh meneng piah ieik ruak, pasang iek. 8 tuk yaok harei, khaol dahlak njauk nao tal yaok baoh meneng sua tangi urang ruak mbang panal, menyum jru paje, daok glo akaok saneng tal halei paje. Dalam tukvak ieik ruak, rilo urang ruak oh thau ka rup bhap nan ye gaok tuk mai taong poh gam gru jru.”

 Labaih dua thun taong mek ruak di Khoa Vat ly tri lieu Pasiam rup bhap, Sang ieik ruak Gla tinh Ndak Lak, sa-ai Nguyễn Văn Tôn (xa Đray Bhăng, tinh Dak Lak) hu gru jru Khắc saong ong Tài dom iek glang urang ruak ba abih hatai ieik glang, mong ieik yaok harei. Sa-ai njauk ruak mebuk alak, glo akaok oh daok kanal hadar, gaok tuk mai oh thau ka rup bhap saong drei ngak bruk hagait. Sa-ai oh kanar hadom mbang dom gru jru, urang mong ieik njauk “paboh rup” piah khik hu siam mekre. Sa-ai Tôn ndom lac, meyah oh hu bruk anit manuac saong hatai ranam bruk iek ruak di gru jru, meda ndom lac tuk ini sa-ai oh thau drei yau habar. Dalam kadha bui sambai kayua ruak kik hu patrun, si kuhria nao sang, sa-ai Tôn drut druai brei thau:

“Dahlak mboh dom gru jru, dom urang ngak di sang ieik ruak ini thei jeng ba abih hatung hatai; dalam nan hu gru jru Khắc saong urang mong ieik urang ruak angan Tài tuk halei jeng ngak siam bruk ngak di drei saong pachreih dahlak. Dahlak caong mong drei klak hu alak, pasiam veik glo akaok saneng piah samar gilac veik haong baoh sang di drei.”

Sang iek riak Gila di tinh Ndak Lak dak padang di thun 2008, ngan haong labaih 100 baoh meneng, ieik ruak di labik daok ka 100 urang ruak. Thun 2025, langiu labaih 20.000 mbang urang hu pasang ieik ruak, sang ieik ruak daok khik ieik, glang ba 17.000 urang njauk dom janih ruak gila akaok, tui danak dak jalan ngak pakat negar ka gah y te. Rilo urang ruak hu abih ruak, gilac mai sang di drei meng bruk kham merat di kapul nyaom gru jru saong urang ngak di sang ieik ruak. Yau nan min, kayua bruk ngak biak karei, sang ieik ruak jeng daok gaok rilo kan kandah brei ka urang ngak, sarak pachreih urang ngak saong meta mong di rah ra. Gru jru Nguyễn Thị Luyến, Phaok akaok sang ieik ruak pathau tagok dom jalan ngak piah paglaong baoh jeng siam mekre dalam bruk pasang ieik ruak dalam tukvak meng anak daok mai tal.

“Urak ini, UBND tinh Ndak Lak hu sarak pachreih urang ngak brei pandar brei ka gru jru (bác sĩ), ngan haong tanut daong labaih 5% jien bilan; dalam tuk nan dom urang karei yau urang mong ieik, urang ngak gah ilamu gilac oh hu taduan hagait. Dalam sang ieik ruak glo akaok, tui dahlak, yaok bruk ngak hu kan kandah, glaih glar karei di gauk, kayua yau nan ye sang ieik ruak caong khin UBND tinh ramik veik sarak daong brei ka urang mong iek, urang ngak gah ilamu saong urang ngak gah karei thei jeng taduan mek hu abih. Tapa nan, pachreih dom urang ngak pambuak pagam haong bruk ngak di drei, haong sang iek ruak, patui bruk mong ieik saong taong mek ruak ka urang ruak.”  

Yaok harei nao tapa, kapul nyaom gru jru saong urang ngak dalam Sang ieik ruak Gila di tinh Ndak Lak jeng halar hatian yam tapa dom ka mong ieik biak glaih glar, mbuan taom gaok dom dom bruk oh siam mai meng dom urang ruak oh thau ka rup drei taong poh. Yaom lac mada yau nan, ngan haong hatung hatai di sa urang gru jru, dom urang ini jeng daok ndam gam haong bruk ngak di drei, abih hatung hatai mong ieik, taong mek ruak piah ka rilo urang ruak dak harei dak grap tanat, pasiam veik jalan saneng saong samar drah gilac haong baoh sang, bhap bani./.