-Harei buh harak pilih ruah yau habar?

 Hukum brei ka buh harak pilih ruah urang wakil lambaok Quốc hội dan song urang wakil Kapul Hội đồng bhap bini dak brei Harei buh harak pilih ruah njauk tame harei Adit jeng brei thau 115 harei dalau di harei buh harak pilih ruah. Daok brei ka bruk dui atah atau brei awal jang Harei buh harak pilih ruah tui dak blaoh dalau ye Ủy ban buh harak pilih ruah pok khan brei thau Kapul Hội đồng buh harak pilih ruah pakat nagar ieik glang blaoh brei tabiak sarak. Tui njauk adat hukum yau bau di nan, Quốc hội nagar mbang XV brei adat sarak Harei buh harak pilih ruah urang wakil lambok Quốc hội nagar mbang ka XVI dan song urang wakil lambaok Hội đồng bhap bini dom pakat masa meng thun 2026 - 2031 tantu harei Adit, harei 15 bilan 3 thun 2026. 

 Dom urang halei ieu lac cử tri?

Cử tri ieu lac urang hu adat hukum brei buh harak pilih ruah urang lambaok wakil ka drei. Công dân bhap bini nagar Cộng hòa xã hội chủ nghĩa Việt Nam – hu harak nagar Việt Nam, kuhria tal Harei buh harak pilih ruah (harei 15 bilan 3 thun 2026), ganap 18 tuổi tagok dan song hu ganap taka tui sakak dak dalam hukum nagar brei ka bruk buh pilih tantu hu angan buh harak pilih ruah.

 Cara kadha kaot cih njauk lagaih tui hukum, njauk sarak adat?

 Mayah cử tri urang nao buh harak pilih ruah oh njauk hatai pilih angan urang dang tabiak (oh buh brei urang hu angan dalam harak pilih ruah) ye kraih kagan tapak gam họ gam angan urang dang ứng cử nan (caraih kagar kateik angak gam họ gam angan urang ứng cử); oh cih win; oh taong birih di hala harak pilih ruah; oh brei cih tame, oh wak cih angan urang karei tame harak angan urang dang ứng cử tame harak brei pilih ruah; oh draih urang dang ứng cử dalam harak pilih ruah; oh caik tamo harak pilih ruah (oh draih angan urang halei di dalam harak angan urang dang ứng cử dalam harak brei pilih ruah) brei ka harak pilih ruah labih urang dang ứng cử. 

Daok dalam harak pilih ruah bầu cử blaoh urang ứng cử gam hu angan khai sinh, gam hu angan bhian ieu atau angan ganuar chức vị, pháp danh, pháp hiệu tui ugama, maya cử tri urang buh harak pilih ruah draih barau tok draih taeng họ song angan khai sinh atau họ song angan bhian ieu (yau ye draih talei họ song angan khai sinh atau ganuar chức vị, pháp danh, pháp hiệu tui ugama) ye harak brei buh pilih ruah nan oh njauk brei kuria ka urang ứng cử nan. 

Mayah cử tri ieu lakau brei salih harak brei buh harak pilih ruah karei kayua nyu khut nyu taik tahak, Tổ bầu cử njauk mek harak chung nan meng bayar harak pilih ruah karei.

Mayah cử tri urang buh harak pilih ruah oh taeng drei thau cih ye lakau urang karei hu ha oh?

Cử tri oh cih oh draih tame harak buh pilih ruah ya brei urang karei daong, min tapi njauk rup urang buh harak pilih ruah. Urang cih kot njauk bac tantu họ song angan urang ứng cử di angaok hala harak brei pilih ruah piah ka cử tri pilih ruah taeng. Urang daong cih tame harak pilih ruah njauk urang tapak tape jeng ye thau khik kandauk dalam hatai dom baoh kadha urang khin caong daong dalam harak pilih ruah. Urang daong cih tame harak pilih ruah tuk blaoh njauk jao harak tapak urang cử tri piah gait buh harak pilih ruah tame garaong phieu. 

Urang jaoh jro, urang oh khang kadang jeng urang khan kandah karei kayua oh taeng drei buh harak pilih ruah hu ye lakau urang karei daong drei buh harak pilih ruah tame garaong harak pilih ruah./.