Balai Y tế xã Khánh Hưng đang daok brei mboh mada ralo kan daman brei ka bruk ngak di y tế pakat palei. Tui Bác sĩ ulamu pakat chuyên khoa I ong Lê Quốc Vững, Giám đốc Balai y tế xã Khánh Hưng, pakat hạ tầng di Balai yte hu ba tame pandar meng thun 2014 tal ini oh ka brei pasiam ngak siam. Bruk trun druh biak ralo, majam gom manyek khut trauk, mada mbuan si ghuah mbuan si patuh praong.

Oh kan kayua sang danaok ndap nda cơ sở vật chất, Balai Y tế xã Khánh Hưng jeng daok kurang ralo brei ka gah ilamu ngak bruk. Dom baoh jammariak mac mok gah y tế blei meng labaih 10 thun dalau tal ini jeng mada tal tuk khut, oh daok pandar hu. Dalm nan hu jamriak dut ieik darah jeng bhian khut truh ia siam, bác sĩ njauk buh jien blei ndap nda ieik ruak brei ka bhap bini. Urak ini dom y bác sĩ di Balai yte “khám chay – ieik ruak” meng raok pang meng tangi saong talei dut ieik darah huyết áp. Bác sĩ Lê Quốc Vững, brei thau: "Piah daong brei ka bruk ieik galang ruak, njauk hatai urang ruak, balai y tế njauk brei padang pabak dom jammariak mac mok jaik lâm sàng. Hasa di nyu njauk hu jamariak siêu âm, jamariak dut điện tim, jamariak ieik glang taong yaom karei yau ye: máy khí giun, máy njuk ia maban hút đàm,….. Di dalam salih lek taka, compute song majam internet khang, taong baih nyu pasak balai ini jeng daok kurang. Taong abih nyu ngak meng phần mềm gam sa masa ye nyu jeng tual abih".

Brei ka gah manuac urang ngak bruk jeng ieu lac sa kadha patih kan si kuhria di Balai Y tế xã Khánh Hưng. Ông Huỳnh Thanh Đến, Bí thư Đảng ủy xã Khánh Hưng, brei thau tui adat dak di Mintri Y tế, balai brei hu 35 urang jaka, urang ngak piah padang hu 5 khoa min tapi tal ini barau hu 26 urang. Gam di kurang sang danaok ndap nda ye jalan y tế xã daok cang saneng kuria lang yah kandah kan piah ngak siam hu tui Sarak 72 di Mintri Chính trị piah paglaong caga ruak ieik glang prei yawa manuac urang bhap bini:  “Caong khin di balai yte duah hu urang ngak barau, ngak yau habar duah hu manuac urang piah ieik glang prein yawa akaok prein brei ka bhap bini hu siam jang. Yang ka dua, brei ka cơ sở vật jeng ye sang danaok balai hu caik hatai ngak barau piah ka jaka ngak gah yte sanang hatai ngak bruk duh ka bhap bini rahra”.

Bruk oh yau hu hasa di xã Khánh Hưng dalam tỉnh Cà Mau. Hadei di padang karja palei dua pakat, majam jabat karja ngak bruk gah y tế xã siam tamnuol jang di ralo balai y tế tuk ralo janih nyu pataom mai jeng labik tapik jalan y tế jaik taphia bhap bini di abih.

Dalam harei ngak bruk saong kapul karja di Mintri Y tế meng barau blaoh, ong Nguyễn Minh Luân, Phó Chủ tịch UBND tỉnh brei thau, majam y tế cơ sở mada mboh mangaok ala samnuol gheih ghang jang min tapi bruk ngak ka oh mboh khang kadang jeng ye daok ralo kadha njauk brei langyah. Tui jalan brei dom baoh balai y tế jeng labik ieik glang y tế jaik taphia bhap bini di abih njauk caik hatai buh jien padai prein yawa ka biak ralo. Dalau abih di nyu njauk brei patao tacei tantu dom tanut di balai y tế barau jeng ye bruk ngak piah buh prein buh jien tame,caga truh di palai kajua jien padai hadei di nan. Ông Nguyễn Minh Luân ndom mayai lac: "Tỉnh hu 7 danak dan saong 1 dak danak bruk brei đầu tư cơ sở vật chất. Prei di tỉnh kurang, hatai caong khin pakat nagar jeng ye kapul hu mai ieik bru caik hatai. Dalam nan bruk paglaong pasiam balai y tế xã brei ka: X quang, xét nghiệm ieik glang, dut điện tim jeng ye pasang siêu âm dalam rup. Labik halei hu ye brei blaoh nao, labik halei oh ka ye njauk blai nyu. Mayah pakat nagar daong ye hu siam, daok oh hu ye brei ngak tui Sarak 72 di masa meng anak".

Tỉnh Cà Mau urak ini hu 64 xã, phường. Langiu dom jabat jaik pasak tỉnh Cà Mau dan song pasak tỉnh Bạc Liêu (cũ) daok hu ralo xã, dalam nan hu ralo labik bhuam daok atah bayah caong khin hu buh jien tame daong padang balai y tế piah daok ieik glang prein yawa ruak kik ka mikwa bhap bini rahra palei nagar jeng taduon mek ieik prei yawa ruak kik pakat ala pakurang ralo urang ruak tagok pakat angaok./.