Harei ini, sa-ai Trương Huỳnh Như daok di labik 3 jalan Huỳnh Thúc Kháng tal Pasak Karja pulao dac khu Con Dao ngak harak gar karja, photo sao y harak gar. Yaom lac daok mboh bahrau tuk Con Dao ngak karja 2 pakat, min meng hu urang jakar pasak tacei ba abih tung hatian daong ba bruk ngak harak gar hu brei ngak biak samar drah. Sa-ai Trương Huỳnh Như khan lac: “Adei mboh salih yau nan ye biak siam ka rahra, urang jakar tacei ba biak abih tung tian, ngak biak samar.”

Hadei jaik sa bilan ngak karja dua pakat, Pasak Karja dac khu pulao Con Dao taduan soang langyah labaih 300 harak gar meng mboh tra, koppi harak asal, ka tal tuk tut angan baoh sang…v.v. Ong Tống Thế Tuyên – urang jakar di Pasak Karja dac khu pulao Con Dao brei thau, gam hu hatai duh rahra rilo abih lac bruk njaukl ngak luac, meng di rilo bilan dahlau, bhum palei hu peih ngak iek dahlau he thong, pasang duah jalan ngak, rabha bruk cambaih laih piah tal harei 1/7 bahrau blaoh, Pasak taduan harak gar di urang saong peih bruk ngak blaoh oh meda rah tabiak klaih klaoh atau suai.

“Dalam bruk taduan saong langyah harak gar, gaok mai jalan pabak, ha tang ilamo jamraiak ngak kong gah khau tin oh ka tani tanat, min urang jakar jeng samu pambuak tal dom gah, pambuak bruk haong dom labik pakat angaok di Ban raya Ho Chi Minh. Tal tuk urak ini, dom harak gar jeng hu langyah njauk saong dahlau tukvak, rahra biak chreih chrai, taong yaom glaong bruk kham merat di labik.”

Dac khu Con Dao hu padang di bruk taneh riya daok tamo, rahra, kein lagaih kinh te – xa hoi di huyen pulao Con Dao (tinh Ba Ria – Vung Tau klak). Urak ini rahra di dac khu Con Dao lac labaih 15.000 urang, min dalam bhum oh ka hu jabat cong chung, nan hatai caong rahra ngak dom bruk sao y, chứng thực di jabat karja biak praong.

Tui kuhria di Pasak harak gar kraja dac khu pulao Con Dao, dalam rilo thun tapa, harak gar chứng thực tư pháp hu labaih 75% taong abih harak gar karja karrei di ini. Tui ong Bùi Hữu Thế - Phaok Yam ndok pasak duh bruk harak gar karja dac khu pulao Con Dao, yaom lac dom bruk harak gar karja daok hu langyah di labik lek taka so lac phan mem bahrau kayua Ban raya Ho Chi Minh peih ngak, min, ha tang co so saong ndap nda komputer rilo meng lac ngak meng majam sa bambang dahlau daih, rilo ndap nda klak paje, patakik hu siam lagaih, dung lượng saong tani tanat. Piah duh siam jang hatai caong di rahra saong gah ngak mbang pablei salih, pasak hu ba tagok panuac likau pakajap jalan internet, ramik veik dom ndap nda jamraik. 

Gam haong sa hatai caong pulao Con Dao njauk brei patui buh jien tame padang ngak ha tang, pambuak samu jang, abih di nyu nan lac hadei tuk dac khu Con Dao pagam tame Ban raya Ho Chi Minh saong ngak karja 2 pakat, Thuong toa Thích Trung Sơn – Phaok mbang Kinh te – Jien padai pakat nagar Agama Bhat Viet Nam, dang akaok sang baha Vân Sơn, (Ceik 1, dac khu Con Dao) ndom lac, ngan haong rahra Con Dao, bhum taneh ini oh lac bhum palei bo daok lac “labik paling di Negar”, labik khik inem krung bruk klak rup drei ka taneh ia di dom urang lin meng kal, dom urang ba mai bebat ka negar. Thuong toa Thích Trung Sơn ndom meyai lac: “Rahra di kaoh pulao jeng caong khin lac buh jien tame ye jeng brei pacang khik bruk duh paling, atau yava di taneh ia, di kaoh pulao.”

Dalam kein lagaih bhum pulao Con Dao karei, bruk peih ngak karja palei dua pakat saong padang sa karja duh bruk ka rahra, tantu cambaih laih saong bahrau lac bruk ngak oh njauk mbuan min jeng lac hatai kham merat chinh tri di taong abih kapul urang jakar, kong chuc saong rahra di dac khu Con Dao./.