Labaih 70% baoh sang di labik ini hu ba drei tame pala, khik ramik saong pandar yaok rituh janih jru banrik. Dom kadha jru jeng hu cok meng tangin, pacuh apui, taong ruak siam meng dom ruak bhian tal dom ruak kan di taong padam. Ong Thành Thanh Tân, palei Pamblap Klak, xa Xuân Hải brei thau:

“Palei Pamblap Klak ye mikva diukrai meng bruk ngak nong saong ngak jru cavao.”

Bahrau ini, Sang bac Dai hoc Nguyễn Tất Thành Ban raya Ho Chi Minh hu peih hrei Nyaom biai ilamo haong angan kadha: “Hatai caong di gah ngak mbang pablei salih saong tuai damuai ka bruk patagok bruk jirah rivang bhap bini di palei Cam tinh Khanh Hoa”. Nyaom biai ndih dalam kadha ilamo pakat Negar kayua Kadung jien NAFOSTED daong brei, pataom dom urang ilamo roh duah, urang ilamo gah jirah rivang saong lambaok ka bhap bini Cam. Ong Trần Ngọc Triết, Akaok Gah Pato pakai, Dhan kapul parilo urang tacei ba jirah rivang Ban raya Ho Chi Minh brei thau:

“Viet Nam daok pamaong tal jalan jirah rivang bhap bini, lac tuai damuai oh tok lac pambak tame dom Tour blaoh daok hu ba drei tame bruk ngak. Tui kein lagaih nan, xa pambuak haong dom kongti jirah rivang di ban raya cih tabiak danak dak Tour, pambuak dom labik rivang me-in karei kayua vil taom dar Xuan Hai ini jeng hu rilo labik meda keing lagaih yau bimong, palei ngak bruk, blaoh tabiak tasik jeng jaik.”

Daok PGS.TS Quảng Đại Tuyên, gru pato di Khoa Jirah rivang – Sang bac Dai hoc Nguyễn Tất Thành Ban raya Ho Chi Minh ndom mayai lac, meyah bhum palei patagok hu jirah rivang ye bruk ngak jru cavao jeng biak hu patagok.

“Di palei Pamblap Klak saong Pamblap Biruw hu bruk ngak jru cavao min oh ka patagok jirah rivang.

Biak mboh di anak mata, palei ngak jru cavao hu ngak saong daok ba mai jien mek tame tani tanat ka rilo baoh sang urang bangsa Cam. Oh tok lac di urang roh duah, dom gah mbang mbang pablei salih jeng mboh kein lagaih cambaih laih meng bruk ini. Tui dom urang ilamo, jirah rivang urak ini oh daok lac dom tour iek saoh, blaoh lac khin ba drei tame daok saong bhap bini rahra bhum palei. Meng dom kadha jru bhap bini, dom bein phun jru hijao mat, sa bruk jirah rivang siam mekre ndung bak ilamo bangsa Cam daok rah rah ngak jeng. Nan oh sa janih lac asal kadha ngak jirah rivang, blaoh daok lac luac jalan khik ramik ilamo bhap bini bhum palei, jao bruk ka bhap bini saong pamaong tal patagok karo kajap. PGS.TS Thành Phần, Palei Pamblap Klak, xa Xuân Hải, tinh Khanh Hoa brei thau:

“Meng dahlau mai, palei Pamblap Klak saong Pamblap Biruw hu ngak jru cavao.”

Tuk drap ar ilamu hu pamedeih njauk jalan, ilamo siam gheih oh lac hu khik ramik blaoh daok hu pambak tabiak, ba mai bruk mbang ngui duah jien saong bruk hadah mbaok meta ka rahra. Jirah rivang siam mekre meng jru cavao urang bangsa Cam – sa jalan nao bahrau, siam mekre saong ndung bak kein lagaih ka urang Cam daok di tinh Khanh Hoa dalam harei hadei./.