Mikva saong taong abih gauk daok pang dom sap yava chreih chrai pang biak sameng meng di dom tal bac magru ragam ragu bangsa Cam di palei Cawait, xa Liên Hương, tinh Lam Dong. Hadei sa bilan peih bruk pasram, dom urang bac megru meda hu me-in dom ragam ginang saong saranai. Sa-ai Hán Thanh Liêm – Urang megru taong Ginang brei thau:

"Dahlak tuk halei jeng caong khin daong khik ramik ilamo bangsa drei…"

Tal pato taong ginang hu peih di malam, dalam 25 malam bac megu, jaik yau malam halei urang Nghe nhan Bhap bini – Po Gru Thường Xuân Hữu – Akaok Kapul halau janeing Cam Ahier tinh Lam Dong jeng mai tal piah daong prein hatai ka dom urang bac megru. Ong chreih chrai di anak bruk sangka di Ndang, Karja dalam bruk pamedeih sap ginang. Po Gru Thường Xuân Hữu ndom mayai lac:

"Ndang, Karja tuk halei jeng sangka tal bruk khik ramik, patagok ilamo di bangsa Cam…"

Piah daong khik ramik patagok dom yaom kaom ilamo bangsa Cam, Muyim Gilang khik drap ar tinh hu pambuak haong karja palei peih labaih 10 tal pato ilamo oh mboh di meta ka dam dara. Dalam nan, jak jeng abih lac klau tal pato Ginang saong Saranai dui pachreih labaih 100 urang bac magru hu mbaok tame. Meng dom tal bac ini, hatai chreih takre gam saong ragam ragu bhap bini hu dak harei dak pambak tabiak dalam bhap bini. Urang nghe nhan naih gheih Lâm Tấn Bình – hu mbaok tame tal pato brei thau:

Urak ini, di rilo palei Cam…

Tui urang Cam, ragam ragu ieu lac panuac ndom sap puac biak praong glaong, nyu maong yau jalan pambuak di anek menuac saong yang mebang. Baraneng, Ginang, Saranai, rabap Kanyi, Caing… hu daong ngak jeng sa majam phling ragam bhap bini bangsa Cam biak chreih mekre hatai menuac urang. Urang bac megru angan Đặng Xuân Tình – urang daok di Palei Lâm Giang, xa Hàm Thuận Bắc brei thau lac:

“Dahlau diah, yaok tuk sap Ginang sameng tagok…”

Sap Giang harei ini kayua dom dam dara urang sit thun peih ngak hu truh tapa bruk di dalam palei Cam hu nao tal dom tinh jaik taphia, dom bangsa adei sa-ai dalam dom mbang pambuak me-in ilamo seni nghe thuat. Ong Đoàn Minh Duyên – Halau janeing Cam Ahier palei Paplom chreih sambai lac:

“Harei ini, mboh rilo dam dara dalam palei bac megru saong pasram taong ginang, dahlak biak drut druai…”

Di dom palei Cam harei ini, ragam Ginang daok hu pamedeih, hu pahadiuk khang kajap meng hatai anit ranam saong hatai thau ka bruk di drei di dom urang buh abih hatai tian. Nan oh lac sap yava di harei rija adat, blaoh daok lac panuac kakei kanal hadar tal gok agha, ka ilamo bhap bini di bangsa Cam./.