Meng rilo bilan ini, sa-ai K’Sáu, akaok palei K’Rèn, xa Hiep Thanh, tinh Lam Dong daok samar peih ngak dom bruk kuhria caga ka harei palih ruah urang lambaok Nagar mbang XVI saong urang lambaok HĐ Bhap bini dom pakat tukvak 2026–2031. Tapa dom mbang nyaom biai di palei, kapul nyaom, sa-ai jhul khang bruk pathau khan Hukum Palih duah hu pasiam salih bahrau, pabak thun 2025, ndom khang ka jalan hukum bhian ngak, thei jeng dreih guak, tapak saong buh harak kanduak; gâm haong nan khan brei thau ka bruk tabiak ung cu, bruk hiep thuong, dak padang talei angan urang nao palih ruah. Tui sa-ai K’Sáu, bruk peih ngak njauk adat hukum meda rik daong ngak brei grap tanat ka mbang palih ruah hu peih ngak dalam harei 15/3 anak tal rah tabiak dan chu, njauk adat hukum, siam mekre saong urang palih ruah di puk palei palih ruah njauk urang lambaok ka nyu gheih:

“Dalam bruk ngak di drei ye dahlak khan brei ka mikva thau ka bruk palih ruah, kadha gah manuac urang. Mboh mikva thei jeng bui sambai tuk pang pathau khan. Bahrau blaoh hiep thuong dalam palei hu 2 ayut sa urang lakei saong sa urang kamei piah palih ruah urang lambaok HĐ Bhap bini xa anak tal. Mikva thei jeng njauk hatai”.

Piah ka urang palih ruah pal hu khao tin ka bruk palih ruah, Mat tran negar, dom kapul nyaom chinh tri – rah ra pambuak bruk haong dom jabat di karja pataom tame pathau khan dom tanut kadha bahrau di Hukum pasiam veik, pabak dom paka di Hukum Palih ruah urang lambaok Quoc hoi saong urang lambaok HĐ Bhap bini; dom harak gar, tacei pato di dom jabat karja, di Kapul nyaom palih ruah Negar… Ong Mai Linh Sơn, akaok Uy mban MT Negar Viet Nam xa D’ran brei thau: 

“Mat tran pambuak bruk saong Uy mban, Jabat Duk ilamo Khau tin peih ngak bruk pathau khan tapa Zalo saong pathauu khan tapa dom mbang nyaom biai mek panuac rik daong di urang palih ruah di labik daok piah ka urang palih ruah peih ngak siam quyen saong nghia vu tui njauk adat di Hukum Palih ruah. Ngak yau habar piah ka bhap bani thau abih dom kadha pambuak pagam tal bruk ngak di bhap bani hu mbaok tame peih ngak siam bruk dak padang karja puk palei.”

Gam haong bruk pathau khan tapak tal urang palih ruah saong bhap bani, 124 xa, phuong, ndak khu di tinh daok mek pagam labaih 2.600 pa no khan brei thau ka bruk palih ruah; tul labaih 3.000 hala dok khan bai, hala dok bhong; bruk pathau khan brei thau tapa loa papar sap di puk palei khan brei thau tui tukvak dom asal kadha ka Hukum palih ruah, quyen saong rup bruk di urang palih ruah.

Amuk Phạm Thị Phúc, Phaok Bi thu Tinh uy, Akaok Uy mban MT Negar Viet Nam tinh Lam Dong, brei thau, di dom xa bhum atah bayah, bhum palei hu rilo bhap bani tui agama saong bhap bani urang bangsa takik, piah ka bruk khan brei thau bruk palih ruah mek hu rilo baoh jeng siam mekre, gah Mat tran hu patagok bruk ngak di jaik 900 urang hu angan je, dom halau janeng, urang ngak bruk agama dalam bruk nao gam haong karja puk palei:

“Mat tran pambuak haong dom gah, dom jabat di karja peih bruk jak ba, pato pathram pabak brei khao tin dahlau ka urang hu angan je, dom halau janeng, urang ngak bruk agama dalam bhum palei mikva tui agama, bangsa takik piah pambuak bruk pathau khan jak ba. Bhian ginum biai nao mai jeng yau ye pato pathram piah ngak siam. Ngan haong dom halau janeng, urang ngak gah agama tuk halei jeng khik hu talei pambuak bruk nao mai siam gheih, gul pataom saong hu bruk pambuak gauk biak catang nao gam haong puk palei dalam bruk pathau khan jak ba grap tanat hu dom bruk caong khin”.          

Ngan haong bruk peih ngak samu gauk, kati katang di taong abih majam politik he thong chinh tri; bruk samar drah, hadah krah dalam bruk pathau khan; gam haong bruk abih hatung hatai, njauk hatai glaong di urang jakar, urang ndang saong taong abih bhap bani, tinh Lam Dong daok cang raok harei roya di taong abih bhap bani 15/3. Meng bhum palei atah bayah tal ban pasak, ar thak pamong tal harei palih ruah urang lambaok Nagar mbang XVI saong urang lambaok HĐ Bhap bini dom pakat tukvak 2026–2031 di tinh Lam Dong daok pambak prong./.