Meng harei 31/7, dom kapul nyaom ngak bruk di puk palei (yaok kapul nyaom 5 urang) daok dalam pasak duh bruk ngak harak gar Ban raya Ho Chi Minh hu mbaok di 38 xa, phuong piah taduan mek, langyah harak gar tui jalan ngak “oh tui palei”.

Jalan ngak ini brei ka bhap bani, urang ngak mbang pablei salih mai ngak harak gar di labik halei jeng mbuan sanhang, oh pambak tame tui palei tui labik yau dahlau. Phuong Vũng Tàu nan lac sa di dalam 38 labik ngak iek, labik dom urrang jakar, urang ngak meng dom so, nganh hu trun daong, tacei pato saong taduan mek harak gar.

Sa-ai Nguyễn Đức Thành, daok di phuong Vung Tau, hu taneh di phuong Rach Dua. Dahlau di tuk nao tame labik ngak harak gar, sa-ai sa-neng lac njauk nao mai rilo labik meng ngak salah blaoh. Sa-ai Thành ndom lac:

“Harei ini dahlak nao tal phuong Vung Tau piah peih ngak harak gar gah taneh riya mbang camereip. Urang ngak di labik ini tacei pato ka drei ngak tapak, hadei di nan buh harak tapak danaok caik sagait. Dom harak ba-ar jeng oh hu hagait kan, urang ngak abih hatai tacei pato ka bhap bani, mbuan si thau, mbuan si ngak. Urak ini harak ba-ar taneh riya di dahlak hu ngak salah blaoh."

Jeng dreh yau nan, sa-ai Lê Văn Lâm, daok di phuong Ba Ria, brei thau bruk taduan mek harak gar saong langyah “oh tavak tavaiy di hagait” nyu hu samar drah, mbuan laghaih biak rilo kuhria meng di tuk kapul nyaom urang ngak hu trun mai daong ka puk palei. Tui sa-ai Lâm, dahlau diah dom harak ba-ar taneh riya mbang akaok mereip njauk nao tapa 3 pakat karja, biak suhsah saong lahik rilo tukvak.

“Dahlak mboh meng di tuk padang ngak karja 2 pakat ye mboh grap tanat jang, daong ka bruk ngak harak ba-ar di bhap bani mbuan laghaih jang dahlau. Dahlau diah dahlak jeng hu nao ngak harak ba-ar brei ka gah  taneh riya, min njauk nao tapa rilo pakat meng huyen tal xa, gaok tuk mai harak gak gar ye njauk nao tagok truh pakat tinh. Mbang ini tok hu 2 pakat, ngak bruk biak siam gheih, bui sambai ralo.”

Dahlau di tuk ba brei trun ngak bruk di puk palei, dom kapul nyaom urang ngak bruk hu mbaok tame tal pato pathram pandar komputer kayua Pasak Panduan salih jamraik lek taka so Ban raya Ho Chi Minh peih. Tui di nan, meda hu 155 harak ba-ar hu pandar tui jalan ngak “oh hu jalan vang pacang”, dalam nan hu gah ngak nong saong langik tasik taneh riya meblah labaih meteh.

Ong Bùi Văn Luận, urang ngak di Duk Bilik ngak harak ba-ar, So Ngak nong saong langik tasik taneh riyaban raya Ho Chi Minh, bahrau brei ba trun ngak di phuong Ba Ria, khan brei thau yaom lac bruk nao mai jaik 100km dut haong labik ngak bruk dahlau diah min ong oh huac kanda. Tui ong Luận, urang jakar njauk nao atah piah ka bhap bani oh njauk lahik rilo tukvak nao mai rilo mbang:

"Taduan mek harak ba-ar “oh hu jalan vang pacang” meda hu rilo siam laghaih ka bhap bani: oh njauk lahik rilo tukvak, jien padai nao mai, meda taom gaok hu langyah, peih ngak tuk halei labik halei jeng hu tapa phon tangin. Bruk ini jeng patrun tukvak taom gaok di urang jakar saong bhap bani, caik rilo tukvak piah ngak harak ba-ar saong javap jaleiy samar drah jeng yau pasang iek hu bruk ngak harak ba-ar brei ka bhap bani.")

Ong Vũ Quang Vinh, Phaok akaok Pasak ngak harak ba-ar phuong Vũng Tàu, brei thau phuong hu caik  5 kadai taduan mek harak ba-ar "oh hu đia gioi" tui tacei pato di Jabat UB Bhap bini ban raya. Jalan ngak di "oh hu jalan vang pacang" nan lac sa palaghaih di taong abih brei ka bhap bani:

"Meyah lac dahlau diah bhap bani njauk nao tagok tal pakat tinh piah ngak harak gar, ye urak ini dom janih harak ba-ar mai ngak di phuong. Bruk ini biak mbuan laghaih saong palaghaih ka bhap bani biak rilo, patak pataom tukvak saong jien padai nao mai."

Bahrau ini, di harei ngak bruk saong 168 xa, phuong ka karja puk palei dua pakat, Akaok UB Bhap bini Ban raya Ho Chi Minh Nguyễn Văn Được pandar Pasak panduan salih lek taka so, So Ilamu saong kong nghe ban raya patui veik bruk buh jien tame ngak ha tang, jalan nduac internet piah yam tal bruk langyah 100% harak ba-ar “oh hu jalan vang pacang”.

Ong Nguyễn Văn Được hu panuac lac, piah panduan salih bruk ngak harak gar karja tapa bruk ngak jabat karja duh ka bhap bani, taong abih urang jakar meng angaok ban raya tal xa, phuong njauk ta-eng pathram glo akaok ilamu piah duh ka bhap bani, mong iek bhap bani saong urang pablei salih nan lac asal pasak piah duh./.