Sa-ai Trương Thị Huyền daok di xa Vinh Vien nan lac sa urang di dalam biak rilo urang ngak di TP Can Tho hu nao tabiak ngak bruk di negar langiu. Bahrau hadei di 3 thun ngak bruk di Japon, sa-ai Huyền tak pataom hu labaih sa tik jien ndong. Mai puk palei, gam saong phun jien tak pataom hu, sa-ai padang ngak hu sang danaok, blei hu taneh, cakrok patagok bruk raong glang saong pala drak.

Sa-ai Huyền ndom mayai lac, kayua mai meng bruk tacei pato, daong ba abih hatai di Pasak dich vu bruk ngak jeng yau karja puk palei yau nan ye sa-ai meng thau cambaih laih bruk ngak di langiu nagar, labik taduan mek urang ngak di langiu nagar jeng hu daong ba sa-ai biak rilo dalam tukvak masa ngak bruk, mai meng nan bo blaoh sa-ai mboh oh hu hagait kateik ghek brei ka bruk ngak.

 “Kuhria rah tapa bhian yaok bilan di nyu, meyah salih tapa jien Viet Nam ye drei duah hu jaik labaih kurang 40 trieu ndong, hu mbuan laghaih ye njauk nao. Abih thun ye jeng kuhria duah bruk hagait piah ngaak atau bac jang bruk hagait nan piah hadei ini raong rup drei”.

Dom hagait hu mboh di sa-ai Huyền nan jeng brei thau cambaih laih ka baoh jeng siam mekre di sarak daong ba urang nao ngak bruk di langiu nagar di dom puk palei daok di Can Tho dalam tukvak blaoh tapa.

Njauk ndom mayai lac yaom jien duah hu meng 20-40 trieu ndong yaok bilan tuk ngak bruk di langiu nagar ngan brei ka dom urang di puk palei oh lac tukik. Langiu di bruk gap takre sampurna daong ka urang ngak cai pandar dalam rai diuk yaok harei, ini jeng ieu lac yaom jien patak pataom biak prong piah payua mai ka urang dalam sang daong patagok bruk ngak mbang. Hu urang padang hu sang danaok siam mekre, hu urang daok blei hu taneh riya, hu baoh sang daok tak pataom hu jien padai piah raong anek abik mbang bac...

Oh lac mbuan piah patagok bruk ngak mbang, rilo urang ngak hadei di mai sang daong caong khin prong jang nan lac ba ilamu blaoh drei bac megru hu meng langiu nagar piah dak padang bhum palei. Nan lac yaom lingai biak dalam di sarak ba urang ngak nao ngak bruk di negar langiu tui jalan pambuak bruk. Oh lac sa janih tapa truh kathaot, salih bahrau rai diuk dalam sang, blaoh daok ba hatai caong khin, peih tabiak sa jalan patagok bahrau brei ka bol bhap rahra. Amuk Cao Thiên Hương daok di xa Tan Hoa, urang hu anek nao ngak bruk di langiu nagar khan brei thau lac: “Nyu ndom nyu nao ngak 2 thun piah bac megru ilamu saong bac megru bruk ngak di nyu daok ngak pak gah nan. Tuk halei nyu mai nyu peih sa baoh kajang sit di puk palei piah ba brei bruk ngak ka urang ngak dalam palei”.

Kuhria tal abih bilan 9/2025, Ban Can Tho hu ba brei bruk ngak ka jaik 90.700 urang, mek hu labaih 95% danak bruk ba tabiak dalam thun, dalam nan hu ba urang ngak nao ngak bruk di negar langiu tui jalan pambuak bruk nan lac 1.748/1.701 urang ngak, tapa jaik 3% danak bruk dalam thun.

Tui amuk Nguyễn Thị Ngọc Sáng, Phaok Akaok Pasak bruk ngak ban Can Tho, ndom mayai lac: tukvak blaoh tapa bruk peih ngak sarak ba urang ngak nao ngak bruk di negar langiu tui jalan pambuak bruk mek hu rilo baoh jeng siam mekre. Binah prong urang ngak hu mbaok nao ngak bruk di negar langiu, abih di nyu lac nao ngak bruk di Japon, hadei di 3 thun gilac veik mai sang ye tak pataom hu jaik 800 trieu tal labaih 1 ty ndong, dom baoh sang ini hu yam tagok tapa truh kathaot, grap tanat sampurna dalam rai diuk.    

 “Tukvak mai meng anak jaik tal Pasak dich vu bruk ngak meda patui pambuak bruk haong dom puk palei piah pathau khan peih ngak ba sarak daong ba di ban mai tal mikva urang nong atau urang ngak dalam ban piah thau, piah pal. Pasak dich vu bruk ngak mada pambuak bruk haong dom jabat peih ngak dom mbang duah thau bruk ngak, Harei pataom bruk ngak piah palih ruah urang ngak ba nao ngak bruk di negar langiu".

Tui di dom baoh kadha jak jeng siam mekre yau nan, hu ba urang ngak nao ngak bruk di langiu nagar daok brei mboh lac jalan nao njauk, khang kajap dalam jalan ngak atah dua ba brei bruk ngak, paglaong asal urang ngak saong dak padang ban Can Tho dak harei dak kaya meda, dah krah makre siam./.