Harei raya brei ka urang ngak kayua Pasak Jitvu brei bruk ngak Ban raya Ho Chi Minh peih ngak di 3 jabat di Ban raya Ho Chi Minh, Binh Duong saong Ba Ria Vung Tau (klak). Danak dak ini dui pachreih 154 Po urang gah ngak mbang pablei salih bad rei tame palih ruah haong taong abih jaik 20 ribau labik bruk ngak. Harei duah bruk ini hu jaik 3.100 urang ngak bruk hu mbaok min tok hu 203 urang javap sua tangi hu njauk caong khin palih ruah.

Kuhria yaok iek di Pasak Jitvu brei bruk ngak Ban raya Ho Chi Minh brei mboh, hu 978 mbang gah ngak mbang pablei salih tut angan palih ruah ngan haong labaih 36.807 labik bruk ngak, pataom tame rilo meng lac di dom bruk jhik pet, ndien – ndien tu, pablei ndap nda kaya kan, jitvu saong tadai kuan mbang huak – hotel.

Sa-ai kamei Ngô Khả Vân, Jabat manuac urang ngak di Kapul Newhope (Labik ngak kong Vĩnh Lộc, Ban raya Ho Chi Minh) brei thau gah ngak mbang daok palih ruah dom labik yau ye urang ngak gah cơ ndien – cơ khí, urang pablei salih daok di bilik saong urang pataom blei, duh ka jalan peih praong bruk ngak tabiak saong padang veik sang mac di Binh Phuoc klak:

“Mai tal kongti gah adei ngak ye hu mbang tui dom kein lagaih tui adat hukum, blei bao hiem xa hoi, bao hiem tai nan. Langiu di nan daok hu nao jirah rivang yaok thun, maong iek ilamo prein ngak piah patagok jien bilan. Daok tuk ngak tagok tukvak ye kongti daok hu daong jien mbang huak, jien ngak bruk.

Jeng dreih yau nan, Kapul Tap ndoan Đèo Cả thun kuhria palih ruah labaih 1.200 urang ngak, dalam nan hu dom labik bruk ngak pho thong di labik cong truong hu jien mek tame meda tagok tal labaih 40 trieu dong yaok bilan, oh ka ndom tal jien daong karei.

Dalam tuk rilo gah ngak mbang pablei salih jeng daok gaok kan kandah tuk duah bruk lagaih. Sa-ai Nguyễn Thế Giàu (40 thun), hu gah di gah ilamo ky thuat majam khan apui mbang, hadei labaih meteh thun padeih bruk, sa-ai jeng oh ka duah hu labik bruk ngak njauk tui ilamo:

"Urak ini adei jeng hu bruk yau adei daok ngak, pagap yau ye gah majam khan apui mbang. Min di ini oh hu bruk yau adei caong khin. Pagap yau  adei hu dom tuai damuai randap, dom urang nan hu hatai caong khin palih ruah ye meng hu, min urak ini dom urang nan oh palih labik ngak bruk di adei”.

Jeng dreih yau nan, sa-ai kamei Như Quỳnh (33 thun) daok duah labik bruk ngak ke toan haong jien mek tame labaih 8 -12 trieu dong/bilan, caik dahlau ka labik jaik labik di Phuong Xuân Hòa, Ban raya Ho Chi Minh. Yaom lac hu 8 thun ngak mek hu ilamo min tuk duah bruk jeng gaok kan kandah kayua h ka hu harak mbaoh tangin tamat dai hoc atau cao dang ka gah bruk ngak. Di mbang meyao meyit bruk ngak jaik ini, sa-ai kamei hu ndom meyai haong 4 – 5 gah pablei salihg min oh ka duah hu labik ngah bruk njauk lagaih.

Amuk Nguyễn Văn Hạnh Thục, Yam ndok Pasak Jitvu bruk ngak Ban raya Ho Chi Minh brei thau, bruk caong khin urang ngak bruk di gah ngak mbang pablei salih saong ilamo ngak bruk di urang ngak bruk oh lagaih haong gauk, lac bruk “kan kandah” di darak pasar. Dalam tuk salih lek taka so rah tabiak khang kajap, urang ngak bruk brei srap gap paglaong ilamo, abih di nyu nan lac ilamo ky nang lek taka so. Amuk Nguyễn Văn Hạnh Thục brei thau:

“Piah khik takai urang ngak bruk ye bruk ngak mbang pablei salih di Ban raya Ho Chi Minh mada hu ralo kan kandah jang kayua labik daok di Ban raya hu rilo bruk chiat jang dut haong dom tinh. Gah ngak mbang pablei salih brei hu dom sarak yau adat brei kein lagaih, jien bilan, daong sangka y te jeng yau bruk khik urang naih, piah urang ngak bruk sahnang hatai ngak bruk, buh abih prein yava”.

Piah dui pchreih urang ngak bruk, rilo urang gah ngak mbang pablei salih, sang mac hu peih praong dom kenh palih ruah, tagok jien mayaom thuong mekre, peih sarak thuong jien yaih khan dalam gah ngak mbang, gam haong nan parilo jien mek tame saong padang labik ngak bruk tani tanat. Langiu di nan, Pasak Jitvu bruk ngak Ban raya Ho Chi Minh jeng bhian peih dom harei duah bruk ngak tapak saong online piah pambuak gah ngak mbang pablei salih haong urang ngak bruk./.