Hadei di pagam Dak Nong saong Binh Thuan, tinh Lam Dong bahrau hu ngak jeng labik patagok pambuak bhum ceik glaong - bhum mateh glaong mbiah – bhum taneran tapen tasik, ngan haong taneh labaih 24.000 km², praong abih dalam negar. Dalam bruk patagok bahrau, Cao nguyen Di Linh khik labik pasak dalam jalan ngak, praong atah meng jalan mbuan ceik Bảo Lộc tal takai jalan mbuan ceik Prenn, pambuak dom bhum daong prein di tinh. Ong Bùi Hoàng Phương, Thứ trưởng Mentri Khoa hoc saong ngak kong, brei thau lac, jalan patagok bahrau hu caik brei Cao nguyen Di Linh jeng labik pasak ka bruk pambuak:

“Cao nguyen Di Linh daok di jalan pambuak Tay Nguyen saong bhum Tapen tasik nam Trung Bo kreh nagar atah ban raya Ho Chi Minh labaih 200km pambuak lagaih tapa jalan peih samar Dầu Giây – Liên Khương saong gam haong 2 mblang kapar ahaok, mblang kapal ahaok par Liên Khương saong harei hadei lac mblang kapal ahaok par Phan thiết daong ka Di Linh mbuan nao tal pasak kinh te praong dalam negar. Gam saong bruk pambuak dom tuk par meng Di Linh khol drei meda mbuan nao tal dom ban ine saong dom ban medin praong di Asia”.

Di tabung glaong labaih 1.000 met dut tui mbaok ia tasik, Cao nguyen Di Linh hu langik lagaih yaok thun saong la-an pandiak kuhria rah tapa 22,2 doC, hajan rilo, taneh bazan lagaih. Labik ini hu dom apuh bein pala rilo kophi, phun taiy, dau tam, phun mbang baoh… gam haong thaik thaot ceik kraong gheih ghang, Cao nguyen Di Linh meng dahlau lac pasak sajarah – karja dalam jalan ngak jeng tinh Dong Nai Thuong saong tinh Lam Dong. Ong Nguyễn Anh Dũng, Phaok akaok Vụ Pato Megru Dai hoc, Mentri Pato Megru ndom lac, labik ini meda jeng labik ngak iek dom bruk pato megru pagam haong salih bahrau hadah krah:

“Di Linh daok rilo taneh labaih piah patagok bo oh ka njauk ngak tui bruk klak, kayua yau nan ye nyu hu ralo lagaih siam piah patagok dalam tukvak mai meng anak tal. Gam haong pato megru jeng brei hu bruk pandar pataok samar, dalam nan Karja brei kein lagaih, daok gah ngak mbang pablei salih oh lac ngak bruk bhian di drei blaoh daok tapak rik daong ilamo saong salih bahrau hadah krah.”

Meng lagaih di langik ceik glai, ilamo praong dalam saong caong takre salih bahrau, Cao nguyen Di Linh daok hu tinh Lam Dong caik brei piah patagok di pakat glaong bahrau. Ong Hồ Văn Mười, Uy vien Trung uong Ndang, Akaok UB Bhap bini tinh Lam Dong ndom ka tanut srap gap daong di bhum palei piah padang Cao nguyen Di Linh jeng labik pataom gam haong nan dom yaom kaom ka gah ngak nong, sinh thai, nang luong saong khoa hoc kong nghe dalam cau truc patagok taong abih di tinh:

“Piah brei kein lagaih siam abih ka dom gah ngak mbang pablei salih mai tal Cao nguyen Di Linh brei ngak danak dak quy hoach taong abih tinh Lam Dong hu khoa hoc, tani tanat. Hu yau nan gah ngak mbang pablei salih bahrau mai. Urang pan akaok di tinh Lam Dong tuk halei jeng buh abih hatai saong brei mboh gah ngak mbang pablei salih lac sa dalam asal kadha piah patagok. Khol dahlak mek patagok piah tani tanat gam haong nan mek bruk tani tanat piah patagok”.

Dalam jalan patagok di tukvak bahrau, tinh Lam Dong ba tabiak jalan ngak padang Cao nguyen Di Linh jeng pasak roh duah, pandar saong pambak tabiak kong nghe dalam gah ngak nong ilamo kong nghe glaong, kong nghe sinh hoc, ngak dalam saong nang luong pasiam. Patagok kinh te nao gam haong bruk pacang khik alam langik tasik, khik kajap bruk daok dang mbang ngui saong bruk samu gauk dalam rahra. Meng lagaih di langik ceik glai saong ilamo siam gheih, bhum taneh Di Linh ini daok hu caong takre uak drei tagok, jeng sa pasak patagok saong lambaok ka bruk patagok pambak tame ilamo, salih bahrau hadah krah./.