Palei Caklaing, xa Ninh Phuoc, tinh Khanh Hoa urak ini hu sa kapul hop tac xa saong yaok pluh labik menyim jih dalah bhap bini. Piah pabak hatai caong khin di darak pasar dak harei dak glaong saong ngak tabiak dom ndap nda karei, kapul Hop tac xa jhik menyim jih dalah Cam palei Caklaing daok pambuak haong dom urang jhik menyim naih joi dalam palei piah pamedeih veik dom bingu hala meng kal piah ba tame bruk ngak, ngak tabiak dom ndap nda pagam haong ilamo, gam haong nan patagok gah jirah rivang. Amuk Phú Thị Phường, kapul Hop tac xa jhik menyim jih dalah Cam palei Caklaing, xa Ninh Phước, tinh Khanh Hoa ndom meyai lac: " Dahlak ngak hu lime thun ini. Jien gauh jih 350 ribau, ngak abih 3 harei pablei tok 200...."

Langiu bruk khik tani tanat saong patagok dom palei ngak bruk meng kal, urang Cam daok salih phun pala, pambuak pala dom janih phun ba mai yaom kaom kinh te glaong yau ye rabung tay hijao, danui nyo, baoh madan tui jalan ngak nong ilamo kong nghe glaong, pambuak haong raong glang athur. Hu mboh rilo abih lac bruk pala rabung tay hijao tui jalan pambuak gauk hu daong rilo baoh sang patruh kathaot, uak drei tagok ngak kaya meda. Amuk Châu Thị Chúc ndom meyai lac: " Meng harei baoh sang dahlak ngak rabung tay ini harei jeng hu jien tame..."

Tal ini hu 106 baoh sang urang Cam palei Katuh ba drei tame pala rabung tay hijao pandar ilamo ngak kong glaong saong taong abih jaik 40ha taneh. Ong Hùng Ky, Yam ndok HTX Dich vu Taong hop Palei Katuh brei thau: Tal ini jien mek tame di HTX Dich vu Tong hop palei Katuh tagok tal labaih 4 ty dong/thun. Meng bruk pambuak ngak saong pablei tabiak ndap nda di HTX saong dom gah ngak mbang pablei salih hu daong rahra parilo jien mek tame.

Tui ong Đàng Năng Tom, piah paglaong siam lagaih bruk ngak mbang, hop tac xa hu padang 15 jalan ngak hamu praong pambuak haong gah ngak mbang pablei salih pablei tabiak ndap nda.

Xa Ninh Phước patui veik ba tabiak jalan kuhria paglaong raidiuk rahra. Langiu di bruk jhul khang pambuak ngak bruk, xa daok sangka iek praong tal bruk buh jien tame dom gah ngak kong, meyao meyit, brei rilo bruk ngak. Tal ini, jien mek tame kuhria tui yaok urang hu labaih 80 trieu dong/urang/thun, baoh sang kathaot trun daok 0.71%./.