Anak bruk caong khin rilo ka urang ngak bruk di dom gah tui glo akaok sahneng bahrau, hadah krah di manuac urang, rilo sang bac peih dom dhan gah bac magru piah pabak hatai caong khin di urang bac magru jaman bahrau urak ini.

Dalam nan hu Dai hoc Kinh te Ban raya Ho Chi Minh peih bahrau 8 gah bac saong danak dak pato pakai naih gheih ngan haong dom gah bac pambuak tal ban medin hadah krah, Ngak mbang pan bruk hadah krah, dui ba saong pajeng ba hadah krah. Langiu di nan daok hu dom gah ngak tui pakat dunya yau ye Hukum, Hukum Pablei salih, Kinh te chinh tri dunya, Kong nghe Logistics pataom harak brei adat pakat dunya FIATA, danak dak Cu nhan naih joi – Kong nghe.

Sang bac Dai hoc Kong nghiep Ban raya Ho Chi Minh hu pabak gah Ky thuat padang danak dak jalan mbak dalam nan hu 2 dhan gah bac magru Padang tatua jalan saong Ky thuat danak dak jalan pasei.

Di Sang bac Dai hoc Mo Ban raya Ho Chi Minh, peih dom gah bac magru pabak hatai caong lagaih brei ka urak ini yau ye Katih pandar, ilamo kong nghe pato megru. TS Lê Xuân Trường, Phaok Akaok sang bac Dai hoc Mo Ban raya Ho Chi Minh brei thau:

“Gah katih pandar hu hatai caong glaong brei ka urang ngak bruk daong dom gah kinh te dalam bruk tatih kuhria. Tui hatai caong ka urang ngak bruk urak ini di nagar Viet Nam saong dalam dunya, ini lac sa di dalam dom gah hu hatai caong ralo.”

 Tui danak dak bahrau, peih dom gah yau ye gah Marketing, Pablei salih pakat dunya, Quan tri eik glang urang ngak, Majam khau tin pasang iek. Gam haong nan, rilo gah bac magru bahrau di thun ini hu padang pambuak pagam rilo gah bac magru, pabak hatai caong salih lek taka so urak ini.

Dalam nan, Sang bac Dai hoc Kinh te – Hukum (ĐH Nagar Ban raya Ho Chi Minh) palih ruah 3 gah bac magru saong salih gah bac magru bahrau dalam nan hu Kinh te lek taka so, Ke toan saong langyah du lieu, Hukum saong Kong nghe. Bac brei ka gah Hukum saong ngak kong daok padang tui jalan pambuak gah, pagam ilamo hukum haong kong nghe jeng ye pasang iek piah pabak hatai caong dalam tuk salih lek angka taka so.

Sang bac Dai hoc Tai chinh – Marketing thun 2026 jeng peih 4 gah bac magru bahrau hu Kinh te chinh tri, iek glang kiem toan, pasang iek kinh te song tri tue nhan tao tui glo akaok manuac urang. Thac si Nguyễn Thị Kim Phụng, Phaok akaok jabat ngak bruk pathau khan saong pambuak gah ngak mbang blei salih, sang bac Dai hoc Tai chinh – Marketing brei thau:

“Tri tue nhan tao glo akaok dah krah di manuac urang ieu lac sa di dalam dom gah bac blaoh urak ini njauk hu rilo ka urang ngak bruk. Tuk roh duah ka hatai caong khin di dom gah ngak mbang pablei salih saong hatai caong di dom labik, kayua ini lac gah bac jeng ye sang bac peih dalam thun 2026”.

Sang bac ĐH Hukum Ban raya Ho Chi Minh thun ini peih 4 gah bac magru langiu gah pato pakai hukum dalam nan hu Kinh te lek taka so, Pablei salih ndien tu, Kong nghe jien padai, Sap Trung Quoc.

Sang bac Dai hoc Gilang pariak Ban raya Ho Chi Minh thun ini danak dak asal di nyu jeng peih bahrau 4 gah bac magru dalam nan hu: Kong nghe khau tin dalam nan sangka iek praong an ninh mang daong dalam bruk ngak mbang pablei salih, gah kong nghe bao hiem (tagok bruk ilamo kong nghe glaong dalam bao hiem), sap Cina sangka iek praong sap bahsa dalam bruk pablei salih saong pasang iek hotel.

Tui gah pasang iek hotel, amuk Ngô Thị Xuân, Phaok AKaok jabat palih ruah saong pathau khan di sang bac brei thau, ini lac sa dalam dom nganh bac bahrau, saong kuhria hu labik karei di Phuong Vung Tau, duh ka bruk ngak tapak bruk ini./.