“Paok kadung jien brei payeng” di xa Vĩnh Thuận hu daok brei pambak parilo urang. Ralo baoh sang karei jeng tame bruk maraiy jien piah duah “jalan ngak mbang” hrei hrei. 

Sang ong Nguyễn Đồng Hương, sa urang dang Akaok Kapul Bol lin dalau daok di xa Vĩnh Thuận, huyen Vĩnh Hưng ba hatai mesraiy 18 trieu dong meng kadung jien ini saong mesraiy meng Gilang jien sarak ka anek kamei peih labik ngak tabiak pandap nda kaya ngak nong. Labik ini brei ba mai siam lagaih jeng ye daong brei tani tanat ka 4 urang dalam palei. Tui ong Nguyễn Đồng Hương, bilan 3/2019, mai meng bruk daong buh jien di 19 urang dalam kapul urang bon lin dalau, phun jien meng “Kadung phun jien brei payeng” hu labaih 109 trieu dong. Tal ini, meng jien brei mesraiy, jien dalam kadung hu tagok 125 trieu. Hu 14 mbang baoh sang kathaot mesraiy phun jien ini piah patruh kathaot. Meng jien raba daok takik, kapul piah sangka ka dom urang dalam kapul di dalam xa. Bruk ngak ini jeng pambak tal dom xa jaik taphia. Ong Nguyễn Đồng Hương brei thau:  

"Meng dalau kapul riwang urang bon lin pandik ruak hu mbiah 200 ribau, harei ini jien riwang gauk hu tagok 400 ribau. Jien nao ka urang matai lahik meng dalau 200 ribau, tal ini hu 500 ribau. Dalau diah tuk kapul oh ka hu jien kadung pataom, urang kapul hu angan padar mek angan hiện vật, urak ini kapul hội hadiah brei hu 400 ribau, piah ka adei saai urang dalam kapul mboh hatai ieik glang di urang ngak bruk di dalam kapul hội".  

Meng barau ba ngak dalau hiah, huyện Vĩnh Hưng, tỉnh Long An hu 477 baoh sang kathaot, labaih 900 baoh sang jaik kathaot. Asal kathaot di nyu kayua bon bhap oh taneh riya ngak mbang, oh hu bruk ngak, sang danaok ralo anek bik, ruak kik pandik harao dui suai atah,... Langiu jien di Danak dak nagar brei ka patruh eik karo, jien mai meng jak ba gauk, jak ba dom gah janih di bhum palei, dom janih dhua daong hu ralo kein lagaih brei ka dom baoh sang daok di tapen jalan nagar, patah klak hu dom baoh sang taik tahak; Kadung jien brei payeng; Paralo janih jalan ngak mbang; Salih phun pala anek raong; Vĩnh Hưng Hijau, hacih, saat gheih, karo sampura…

Dom janih kadha ngak tabiak hu brei pambak pasiam bruk padang ban birau ngak ka ban riya hoang palei ngak nong dak harei dak samu gauk.

Mbiah tal ini, dalam huyen daok 286 baoh sang kathaot haong 769 jaik taphia kathaot di nyu. Taong yaom mbiah tal abih thun, sag kathaot di dalam huyen daok 201 baoh sang mek hu 100% bruk ngak danak dak patrun kathaot. Ông Võ Hồng Lĩnh, Akaok Dân vận Huyện ủy Vĩnh Hưng, brei thau: Dalam bruk dakwah brei thau, pambak sarak karja caik hatai ngak dom janih ngak siam dalam bruk pamadeih akaok saneng, bruk ngak di politik dalam raidiuk bhapbini.

"Taong yaom brei ka raidiu mikwa rahra di huyện Vĩnh Hưng jeng daok ralo kan daman, min tapi jeng hu patagok siam jang dut tui meng dalau. Mboh di mata ieu lac hu karja palei ieik glang brei ka sang danaok daok, tanut diuk dalam rai diuk, janih kadha mbang ngui dalam rai diuk brei ka mik wa karo. Tui di nan ieu lac sa janih brei brei yawa bhum palei ngak siam jalan bruk ngak bre ka huyện palei ngak nong barau thun 2025".

Taong kuria yaom mbiah tal bilan 9/2024, di taong abih janih di dalam tinh Long An hu labaih 960 janih kadha bruk ngak “Dan van Jak ba gheih”. Dalam nan, brei  gah kinh te hu labaih 180 bruk ngak; ilamo - xa hoi labaih 560 bruk ngak; quoc phong - an ninh labaih 80 bruk ngak, daok veik lac gah padang he thong chinh tri jaik 140 bruk ngak.

Dom bruk ngak di Mat tran jeng ye dom kapul gah karja oh ieu lac sa janih daong ieik glang rami ramik tani tanat gheih siam dalam rai diuk blaoh nyu daok daong pachreih gheih jak ba mikwa bhap bini rahra padang padaok raidiuk ilamu siam mekre, khik ramik patagok ilamo bangsa, padang sang danaok gheih ghang, ilamu samu gauk, hadah krah sampura siam makrei salamat dalam raidiuk./.