Ban raya Ho Chi Minh – bhum taneh labik tasik, ceik saong glai pataom mai – meng kal lac pabah bambang jirah rivang dui pachreih abih gah Meraong negar. Riyak ia tanrak, glai – tasik jangaih saong lac labik ilamo halai haong gauk ngak jeng prein dui pachreih karei.

Min jang di bruk gheih po brei, bhum taneh ini daok kham merat patagok jirah rivang oh lac piah raok tuai damuai blaoh nyu daok piah khik ramik. Bruk ini hu makna praong dalam bruk di dunya saong langik salih karei dak harei dak srau kadau jang.

Meyah dahlau diah, tuai damuai saong jien mek tame lac bruk brei mboh ka jak jeng, ye urak ini, Ban raya Ho Chi Minh, mboh abih di nyu nan lac labik Pur Meraong, daok kham merat salih drei ngan haong jalan patagok jirah rivang bahrau: Jirah rivang oh lac padeih di bruk raok tuai bo daok brei pagam haong bruk khik ramik, halai di asal kadha kinh te, alam langik saong bhap bini rahra. Labik ini dak harei dak salih mbaok meta jirah rivang tapa dom bruk ngak hu asar siam glaong, gam haong nan brei bruk njauk caik ngak dahlau tame quy hoach saong pasang iek catang dom danak dak patagok piah khik kajap bruk karo kajap suai atah.

Di jalan ngak ka jirah rivang hacih hijao, Ban raya Ho Chi Minh daok kham merat pacang khik alam langik tasik saong taneh riya tapa dom danak dak patakik hareik dom janih ndap nda kaya ngak meng katak, ngak hacih sa-at tasik saong khik ramik dom athur phun kayau tasik. Oh lac bruk daong hijao – hacih ka labik, ini daok lac pagun sanya brei siam mekre ka jirah rivang, piah yaok tuai damuai tuk mai tal jeng mboh hu hacih sa-at di langik tasik saong raidiuk.

Gam gam di nan, bhum palei jeng kham merat pagam jirah rivang ngan haong bruk khik ramik drap ar mboh di meta, oh mboh di meta saong iek praong ilamo bhum palei. Bruk paglaong prein ngak di bhap bini tapa pato pakai saong brei bruk ngak karo kajap ka rahra dalam bhum hu mbaok tame majam yaom kaom jirah rivang jeng hu sangka iek praong, biak di nyu nan lac dom bruk jirah rivang bhap bini jeng brei thau ka bruk di drei ngan haong alam langik tasik.

Gam saong di nan, pandar ilamo ngak kong hu pachreih pandar piah pasang iek jirah rivang siam lagaih jang, pabak khau tin karo kajap, tantu cambaih laih tal grauk tuai damuai.

Di gah Pur Meraong, Ban raya Ho Chi Minh daong peih tantu dom bruk piah ngak lagaih jalan jirah rivang hacih hijao saong karo kajap. Naih gheih abih hu lac di Con Dao – labik bruk ngak Kinh te payeng daok hu pandar khang piah patagok kein lagaih di drap ar langik tasik hacih sa-at saong majam inem mek sajarah pakat negar karei.

Urak ini, Con Dao pataom tame pasang iek saong neh rabha janih hareik harom rilo abih lac dom kalaok meng katak pandar sambang, gam haong di nan paglaong ilamo pacang khik alam langik tasik dalam bhap bini rahra saong tuai damuai. Oh tok sa janih yau nan, bhum palei daok kham merat peih dom danak dak ba drei tame tapak bruk khik ramik he sinh thai tasik, athur dalam kaya ikan tasik.

Gam gam haong di Con Dao, dom bhum palei karei dalam labik jeng kham merat abih prein piah patagok jirah rivang tui jalan hijao saong karo siam lagaih. Meng ini, rilo bruk hu peih di dom labik jirah rivang, labik sinh thai, dalam nan hu padang kien truc halai saong thaik thaot, khik ramik glai dauk dalam ia mbak saong patagok jirah rivang bhap bini, khik tani tanat dom bruk ba drei tame ilamo. Meng nan, tuai damuai oh lac hu rivang me-in blaoh daok ba drei tame raidiuk ilamo, ngak mbang di rahra dalam bhum.

Yaok tuai damuai mai rivang me-in Ban raya Ho Chi Minh jeng hu pachreih hu mbaok tame dom danak dak pacang khik alam langik, meng bruk oh klak hareik tal bruk iek praong ilamo di bhum palei.

Meng dom kham merat oh padeih, Ban raya Ho Chi Minh daok brei mboh bruk ba drei ngak dahlau dalam luac jalan daong palagaih sa harei hadei hacih hijao ka jirah rivang Viet Nam. Patagok karo kajap di ini oh dang gilac di bruk pacang khik alam langik tasik atau khik ramik thaik thaot, bo daok lac bruk piah khik ramik ilamo karei di bhum palei, dui pachreih rabha banah ka tuai damuai hu ilamo, parilo jien mek tame gah jirah rivang.

Mai rivang jirah Ban raya Ho Chi Minh harei ini piah thau ka bruk siam gheih di langik tasik, ilamo atau menuac urang, saong lac bruk patagok karo kajap jeng jalan diuk rai di sa bhum taneh pok yam tal harei hadei siam makre.