Tui bruk daok pamaong tal lac “Dui brei katut veik bruk daok atah di gauk ka raidiuk, jien mek tame di bhum bangsa tkik saong bhum ceik dut saong kuhria rah tapa di taneh ia; tal thun 2025 trun 50% dom xã, palei biak kan kandah; tal thun 2030 oh daok xã, palei biak kan kandah”, Quốc hội hu brei tapa abih tih phun jien labaih 137 ribau tỉ đồng piah padang ngak Danak dak bruk ngak negar cak rok patagok kinh tế - xã hội bhum bangsa takik saong bhum ceik tukvak 2021 – 2030.

Kadha bahrau dalam bruk padang ngak di Danak dak praong pataom tame roh duah saong pambak praong dom bruk cak rok patagok bruk ngak tui chuỗi giá trị, padang bhum nguyên liệu piah pandar dom kein lagaih tui jalan salih bahrau janih phun pala, athur raong hu siam lagaih, ba bruk ngak, paglaong jien mek tame ka baoh sang, patrun kan kathaot khang kajap. Gam haong nan, jhul patagok bruk padang mbang ngui dalam bhap bini bangsa takik iek tui prein khang saong kaya pandap hu di puk palei. Tui TS Hà Việt Quân, Kapul padang ngak danak dak taong abih gah saong danak dak bruk ngak negar ka cak rok patagok KTXH bhum bangsa takik saong bhum ceik tukvak 2021- 2030: “Meda lac, ini mbang camriep dalam sajarah di gah ngak bruk bangsa hu mboh Đảng saong Kanja khang hatai pataom prein buh tame ka bhum ini, piah ngak jeng bruk salih bahrau di taong abih gah. Yau nan bruk hagait hu makna praong abih dalam bruk pandar prein khang ini, nan lac mbang camriep khol drei maong bhum ini lac gah pambuak bruk piah hu sarak buh jien tame, oh daok sarau kadhau dalam sarak ndung bak bruk daong brei yau tukvak dahlau deih”.

Meng bruk daok pamaong tal lac paglaong chất lượng saong salih bruk ngak mbang, urang ngak, Danak dak jeng hu ba bruk patagok pato pakai bruk ngak saong ba bruk ngak ka urang ngak di bhum bangsa takik saong bhum ceik piah tani tanat saong cak rok patagok kinh tế oh lac ngak nong. Danak dak jeng hu padang ngak karei danak dak ngan haong bruk cak rok pato magru, cak rok ilamo saong patagok y tế cơ sở bhum bangsa takik saong bhum ceik. Ong Vũ Dương Châu, dahlau daih lac Akaok Mban bangsa, Uỷ ban Trung ương MT negar Việt Nam ndom lac: "Khol drei njauk pataom tame langyah dom kan kandah praong di bhap bini urak ini yau ye bruk njin jru phil, tok diuk tok pasang tuk ka oh tal umo thun, tok gauk dalam but pajaih, abih di nyu nan lac patrun dom baoh sang kan kathaot, padang ngak cơ sở hạ tầng, pasak cụm xã. Abih di nyu nan lac njauk quy hoạch labik bhap bini daok pataom gauk brei hu meng 40 baoh sang tagok, piah plaih bruk glut jaleih, ia sua. Buh jien tame daong dom bangsa takik patagok bruk ngak pandap piah pablei, ba bruk ngak langiu bruk ngak nong. Daok bruk pato magru ye patui veik paglaong ilamo, pato pakai ka manuac ngak, khik kajap chất lượng ka saman 4.0".

Tal tukvak ini, prein yava, jien padai di Danak dak hu parabha brei blaoh. Dom pakat, dom gah di dom tinh, ban njauk sa hatung hatai haong gauk, jhul samar bruk peih ngak dom asal kadha, dom bruk ngak di Danak dak piah paglaong raidiuk, paglaong jien mek tame ka bhap bini meng di thun camriep peih ngak Danak dak. Ong Trần Đức Anh, Bí thư Đảng ủy xã Hương Liên, Hương Khê, Hà Tĩnh khan lac: "Tukvak tapa, peih ngak danak dak khik ramik bangsa Chứt, raidiuk di mikva jeng hu rilo salih bahrau, min tukvak anak tal, Đảng ủy karja jeng biak caong khin tỉnh, TƯ samar hu harak jao taneh glai ka bhap bini bangsa piah ka mikva hu taneh piah ngak mbang, pala drak, raong glang".

Taphia di bruk pakhang hạ tầng pandar yaok harei ye bruk cak rok poatagok kinh tế xã hội di dom tinh, ban hu urang bangsa takik njauk caik hatai sangka jhul khang bruk ngak pandap panda tui chuỗi giá trị, sangka iek glang raidiuk, bruk mbang ngui di bhap bini nao gam haong bruk daong padang mbang ngui, ngak mbang, pablei salih piah ka bhap bini yam tagok ngak kaya mada. Lac thun camriep peih ngak Danak dak bruk ngak negar, danak dak pasiam, patagok kinh tế hadei di jit praong COVID-19… caong ini meda lac jalan ngak gam daong jhul patagok kinh tế, gam khik kajap an sinh xã hội./.