Kreih bhum taneh ia kraong meraong nagar jua karo, sap capi don ca tai tu pok tagok di angaok kraong Vàm Cỏ oh sa janih bau tal sa baoh bhum palei blaoh nyu daok pok glaong yaom kom ilamo jirah ka tinh Long An.

Bruk biak gheih ghang dalam pambuak seni ilamo meng kal adaoh take saong kraong ribaong ia njuh jeng janih bahrau, padang jeng ilamo karei brei ka patagok kinh te - ilamo – jirah di dalam tinh, dalam nan hu pachreih dui urang jirah meng gah Barak.

Ndom mayai tal bruk ma-in jirah ini, oh klak bau tal huyen Tân Trụ. Tui urang bhap bini di ini, ragu capi don ca tai tu oh lac sajanih ragam, blaoh nyu daok hatai uranam ilamo, ndam gam ralo darah saong raidiuk kraong ribaong ia njuh bhum palei. Bian halei hu ragam ragu nyu pok sap tagok di kreih kraong Vàm Cỏ, mada lac kreih malam atau gram guh subuh siang atau magrip, urang jirah thau paham dadrah bhum palei: meng danao raong hadang, danao ikan tal khan baba di halui binguk phun la-u ia.

Kayua yau nan ye, Tân Trụ pilih janih patagok ini, gam ngak jirah sinh thai, ilamo bhum palei, gam paglaong grap ar ilamo raidiuk bahrau. Ong Ngô Văn Quốc, Akaok Pasak Ilamo – Khao tin saong ba tin huyen Tân Trụ, Long An brei thau:

“Khol dahlak caik hatai tal kaya janih jirah ilamo di bhum palei balaoh labik karei oh ka ngak piah pachreih dui urang jirah mai saong Tân Trụ. Gam tui di nan daok chul brei pambuak bruk saong urang ngak mbang gah jirah patagok dom tour jirah di ini)

Meng bhum palei sa janih ngak nong daok ralo ka daman, Tân Trụ harei ini ngui cuk tagok rup pabhap khan ao bahrau. Raidiuk bhap bini mikva mboh tagok, jalan mbak nao mai jeng hu saron mbon, ralo baoh sang jeng mboh gheih ghang tamuh tagok. Urang ngak nong di ini, langiu ngak hamu ngak apuh, raong ikan daok tame ngak jirah. Brei ka atah dhua jang di huyen, ong Trịnh Quốc Trung, Akaok huyen Tân Trụ, tinh Long An daok brei thau:

“Thun 2025 tal thun 2030, Tân Trụ daok brei patagok ngak kong di jalan tui ar kraong Vàm Cỏ Đông. Langiu brei patagok labik daok sinh thai pagam saong patagok ndo thi di tapen kraong Vàm Cỏ Tây saong di tapen kraong Vàm Cỏ Đôngjeng tui jalan patagok daok tui sinh thai, daok tui tapen kraong. Daok brei patagok jirah ye bhum palei jeng ngak tui jarah di dua gah tapen kraong ini”.

Long An hu ralo janih ilamo, binguk siam di kraong ia yau ye daok tamo meng kal mai. Dui atah dua gah kraong Vàm Cỏ thaih thaok gheih ghang di raidiuk tapen kraong – labik pambuak saong ban Sài Gòn – Chợ Lớn meng kan dahlau saong ragam raidiuk palei biak karei di bhum Cần Đước, Cần Giuộc, Tân Trụ. 

Tui Ong Nguyễn Tấn Quốc, Phaok Akaok Sở Ilamu, Padhit saong Jirah tinh Long An, gah dua tapen kraong Vàm Cỏ Đông saong Vàm Cỏ Tây hu ralo drap ar ilamo, labik sejarah, ilamo. Ini lac sa labik piah pambuak labik mai tal jirah saong patagok jirah main dom tour jalan kraong ia. Ong Nguyễn Tấn Quốc jeng brei thau mboh ralo siam gheih brei ka bruk barau peih ngak janih pachreih jirah ka dam dara:

“Di dalam dom urang jirah mai iek main hu tal labaih 67.000 tuai damuai urang anek saih bac, dam dara palei mai di dom tukvak bac langiu sang bac. Mboh cambaic laic drei nao njauk jalan njauk manuac urang. Daong ka tuai damuai dam dara gam jirah ma-in gam hu hatai khik caga ialmo, inem krung. Paglaong aglao akaok damdar thau hatai tal ilamo bangsa gam tui bruk ma-in jirah.”

Sa labik gheih lagaih, jalan thuan pagam eng Ban raya HCM saong Long An hu taong yaom glaong lac sa jalan jirah biak chreih. Nyu jeng ieu lac sa jalan janih blaoh gah jirah Long An pataom prein ngak, pahadah nyu.

Gam tui yam nao njauk jalan jeng ye buh jien buh prein njauk janih njauk dih njauk krein, jirah jalan ia kraong gam saong ragam ragu daoh take jeng “kaya mbang” bingi yamen oh klak tapa hu brei ka urang mai jirah Long An, daa tuai damuai grauk palei dalam nagar, dalam nah hu da-a urang gah Barak, mai main gah Pai meraong nagar piah iek piah ma-in piah roh duah tahu./.