Di Pasak duh ka bruk ngak karja di xa Long Phú, hatai ngak bruk biak chreih chrai. Yaom lac mikva mai biak rilo, min oh hu bruk katial jhal gauk. Urang mai hu urang jakar, urang ngak bruk abih hatai tian tacei ba, daong mikva mek lek taka tui dak danak, pabak dom khau tin, ngak salah blaoh bruk harak gar karja hu lagaih, mai sang hu njauk hatai saong chreih chrai. Abih di nyu nan lac, rilo rahra daok ngak dom harak gar karja online di sang. Sa-ai kamei Nguyễn Thị Huyền Trân, daok di xa Thới An Hội, ban raya Can Tho mai mek harak gar hu langyah blaoh di Pasak duh bruk harak gar karja xa Long Phú, brei thau: "Harei ini adei mai tal ini mek harak gar tut angan ka bruk pandar taneh riya hu salah blaoh. Dahlau diah tuk adei tut angan ka bruk pandar taneh riya karei ngak ka adei brei nao tal jabat, lahik ralo tukvak. Urak ini adei meda tut angan online, lac tuk adei hu mbaoh tangin ka harak gar blaoh ye adei meda scan blaoh ba tagok he thong, blaoh adei tok mai tal ini piah tok mek haral hu langyah blaoh min. Harei ini adei tok mek harak tut angan hu langyah blaoh, adei mboh jitvu di ini biak samar lagaih saong daong duh rahra".

Urak ini, biak rilo harak gar karja hu di angaok blah web ndien tu. Dom gah yau pabak harak khan menek, bayar jien bao hiem xa hoi, jien je, likau harak gar mbaoh tangin blei ngak mbang pablei salih… meda jeng hu ngak bruk tapa online.

Pasak duh bruk harak gar karja xa Long Phú hu srap gap ndap nda kaya biak ginup, khik kajap bruk duh siam ka rahra, yau ye: jalan pabak, padang bruk khan brei thau saong ngak tapak di jabat ngak harak gar karja piah rahra mai tal mbuan si duah saong harak gar karja njauk adat hukum. Pasak jeng patgaok bruk tacei ba rahra pandar he thong ndien tu tapa mang xa hoi piah meda langyah samar jang, njauk lagaih jang, daong patakik bruk ngak. Ong Hồ Quốc Hùng, Yam ndok Pasak duh bruk harak gar karja xa Long Phú brei thau: "Dom harak gar rahra oh ka pandar hu tapa mang xa hoi jeng yau lac oh ka thau tani tanat ye khol dahlak hulin jeng hu rabha bruk ka urang jakar, urang ngak bruk di pasak duh bruk harak gar karja piah gaok rahra piah duah thau rahra mai tal ini meyao meyit janih harak gar hagait piah hu tacei ba, buh abih hatai tian daong, abih di nyu nan ieu lac tacei ba mikva tut dom harak hu dahlau, ngak lek taka ka harak gar, pato tacei tut angan tame jitvu harak gar karja ngak habar khik kajap njauk tukvak, adat hukum di pakat karja angaok hu ba tabiak".

Urak ini, dom so dhan nganh, xa, phuong di ban raya Can Tho daok pataom tame padang jalan mbak, gom truac, sang bac saong balai hu samu gauk, chreih chrai tacei ba rahra thau tal saong pandar jitvu harak gar karja online, abih di ngu nan lac di dom bhum palei. Ong Trương Quốc Điền, Bi thu Ndang uy xa Thuận Hòa brei thau: "Anak tal brei pato tacei brei ka kapul dam dara, kapul ilamo ngak kong lek taka bol bhap rahra piah patui pathau khan, daong ka rahra thau ka dom harak gar, rilo meng lac jitvu harak gar karja online. Tui dahlak hulin ye mikva oh ka thau tani tanat ka bruk ngak harak gar karja online, rilo meng lac urang jakar drei daong, rahra ngak bruk pato tacei asal kadha ini ka rahra dalam bhum".

Salih lek taka so dalam gah harak gar karja ieu lac sa bruk njauk ngak saong lac sa bruk piah padang sa Rajaei lek taka so bahrau, duh ka rahra. Daok di ban raya Can Tho, bruk kham merat di dom pakat karja palei hu dak harei dak pambak praong lek taka harak gar, langyah harak gar karja di angaok mang xa hoi tal rahra./.