Meng sa mblang taneh klaak balau, njaom lakhun, hadei di labaih 10 thun,  150ha taneh di sa-ai Nguyễn Văn Hiển, akaok Hội đồng quản trị Công ty Cổ phần Thương mại saong Đầu tư Kruac aik Việt hu pasiam veik jeng mblang taneh pala kruac aik oh hu asal prong abih di Việt Nam. Meng ini, hu ngak brei pambak prong bhum taneh nguyên liệu yaok ribau ha di huyện Bến Lức, ba phun kruac aik jeng sa dalam dom phun pala prong di tỉnh Long An. Yau nan min, angaok darak pasar oh hu mac moc ngak tabiak brei ta-eng ka baoh kruac aik. Mai meng nan, sa-ai Hiển njauk nao tabiak rilo taneh aia piah duah thau ka công nghệ jeng yau jalan ngak tabaik dom janih pandap meng baoh kruac aik. Urak ini, sa-ai hu roh duah dom jalan ngak, hadei di nan, ngak veik piah ka nyu laghaih haong bruk ngak tabiak. Sa-ai Hiển brei thau: “Khaol dahlak ngak tabiak dom janih pandap panda kaya nong saong patagok yaom di janih pandap nan saong jeng meda pambuak bruk haong dom viện, sang bac piah pataom tame roh duah ngak brei patagok yaom di baoh kruac aik jeng yau dom janih kaya nong laghaih haong bruk di nyu.”

Di bhum ĐBSCL tukvak tapa di rilo labik hu padang tabiak rilo jalan pambuak bruk pala drak, ngak tabiak, blei pandar pandap panda kaya nong. Yau nan min, bruk pambuak gauk nan kein laba oh ka hu yau hatai caong khin, oh hu khang kajap. Di rilo puk palei dalam bhum jeng daok hu bruk oh ngak tui harak pambuak bruk tuk yaom kaom darak pasar salih karei. Dom jalan pambuak bruk tok daok veik di vaktu ngak iek.  

Kadha njauk bui sambai nan lac bruk dang akaok di Cần Thơ di ĐBSCL hu dom pakat pal akaok Trung ương mong mboh hu, saong daok patabiak dom sarak, jalan ngak samar drah piah jhul tagok jalan pala drak, ngak tabiak, pablei pandap panda kaya nong ka bhum. Dalam nan, bruk padang Pasak pambuak bruk, pala drak, ngak tabiak saong pablei kaya nong di ban Cần Thơ hu mong yau pren khang piah jhul patagok bhum ĐBSCL.

Tui ong Nguyễn Tấn Nhơn, Phaok akaok Sở Ngak nong saong Patagok palei pala ban Cần Thơ, Pasak pambuak bruk hu brei thau lac meda hu jeng “Sa labik mai, rilo dịch vụ” rik daong tame bruk padang jalan pala drak pambuak bruk haong urang nong, urang ngak tabiak saong doanh nghiệp xuất nhập khẩu, pachreih padang talei pambuak bruk di labik pala nguyên liệu saong công nghiệp ngak tabiak pandap panda pabak ka darak pasar, patagok dom pandap panda saong yaom glaong di pandap panda. “Thau lac pasak lac labik pataom veik di Cần Thơ ngan haong  bruk prong lac pablei salih saong logicstis, roh duah cak rok patagok, pato pakai saong jao brei ilamu kong nghe piah patagok yaom glaong ka pandap panda kaya nong. Kadha ini jeng hu brei thau dalam Sarak di Thủ tướng dalam pasang iek quy hoạch di bhum ĐBSCL. Nan ye, meng labik ini,, khaol dahlak hu padang danak dak piah padang pasak.”

Yaom lac bhum ngak nong prong, min bruk ngak tabiak saong gia công pandap panda kaya nong di bhum ĐBSCL lac bruk yếu di abih. Dom sang mac ngak tabiak oh ka pabak hu dut haong sản lượng pala drak raong glang hu, nan ye ba tal palai pajoa, patrun yaom di pandap panda. Kayua yau nan ye, bruk padang tabiak saong cak rok patagok dom labik ngak tabiak kaya nong, pandap panda salamat; padang dom bruk pambuak gauk ngak tabiak pagam haong pablei pandap piah pambuak hu kein laba haong gauk, ba gauk cak rok patagok nan lac kadha daok ba tabiak ka ĐBSCL tuk ini./.