Sóc Trăng daok lac tinh hu rilo janih pandap hu brei angan lac mek hu tanut chuan OCOP rilo abih dalam bhum ngan haong 174 janih pandap. Njauk ndom tal di abih lac brah ST24 mek hu tanut chuan OCOP 5 patuk saong daok hu pablei tapa rilo darak pasa di dunya. Langiu di nan, pak ini daok hu 29 pandap mek hu tanut OCOP 4 patuk, 144 pandap mek hu tanut chuan OCOP 3 patuk. Dalam nan, rilo pandap hu angan di mikva bangsa Khmer, Lo, yau ye masin arieng, masin hadang, masin sò huyết, lasun ngù Vĩnh Châu, ahar Pía, lạp xưởng; xá bấu matham yamen…

Meng pandap tamo piah ngak hu biak rilo di puk palei, rilo labik, doanh nghiệp hu ngak tabiak rilo janih pandap, rik daong cak rok patagok kinh tế puk palei, abih di nyu nan lac di bhum hu rilo mikva bangsa takik diukrai.

Saai Lý Thanh Bình – po labik ngak masin thu Thiên Hương (huyện Trần Đề) khan lac: “Dahlak ngak masin lac caong ba pandap palei hu amaik ngak brei mbang meng tuk daok sit tal yaok urang hu mbang. Kayua yau nan ye,, hadei di tuk ngak bahrau masin arieng tagok tui yaok mbang ngak, mek hu tanut chuan siam di abih piah pabak tal urang blei mbang, thun 2019 masin arieng mek hu tanut chuan 3 patuk OCOP.

Piah dak harei dak hu rilo pandap mek hu dom patuk OCOP pakat tỉnh, dom pakat dom gah dalam tỉnh kham marat pathau khan tal bhap bini di dom labik meng bruk caik dom Pano pathau khan Danak dak OCOP saong daong ka po ngak pandap OCOP ngak bahrau veik kadung papaok, angan di pandap panda, lang talaih dom kan kandah, duah jalan pablei tabiak tani tanat ka pandap panda OCOP, daong ka pandap OCOP paglaong yaom, prein maraik gauk…

Bahrau ini, dalam danak dak Harei pataom ilamo, Thể thao saong Du lịch bhap bini Khmer Nam Bộ mbang ka VIII saong Harei Oóc om bóc – pakacah ghe ngo Sóc Trăng, bhum Taneran kraong Cửu Long mbang ka V thun 2022, Sở Công thương tỉnh Sóc Trăng hu peih Nyaom Darak pasa pachreih bruk pablei salih pandap OCOP saong đặc sản bhum palei - Sóc Trăng thun 2022. Di labik pablei dom pandap OCOP di huyện Mỹ Xuyên tuai rilo mbang mai duah blei đặc sản yau ye brah ST24, ahar phồng tôm, masin tép, hẹ bingu, ahar vai vạc... Urak ini, di huyện Mỹ Xuyên hu 14 pandap OCOP saong 5 pandap hu jalan piah pok brei angan. Meng hatai caong hu veik rilo pandap OCOP jang, huyện daok kham merat daong dom po ngak dalam dom bruk piah samar drah mek hu tanut chuan, rik daong jhul samar bruk padang ngak huyện palei pala bahrau paglaong.

Gam haong nan, Sở Công thương brei tabiak mbaok sàn pablei salih điện tử. Ini lac jalan pablei pandap online ka pandap angan je di puk palei, jeng lac jalan piah ka dom pandap di bhap bini Khmer Nam Bộ hu nao tal jaik jang haong urang blei pandar.

Saai Phạm Thị Mới – po labik pablei salih Cô Mới ban Sóc Trăng brei thau, labik ini rilo meng pablei dom pandap di bhum mikva bangsa Khmer, Lo yau ye mứt lasun lo, sá bấu chua ngọt, ralaow kubau thu, hadang thu… dom pandap hu pablei tapak di cửa hàng saong pablei Online, ngak jeng sa labik pablei salih mbuan lagaih nan ye jien mek tame glaong jang dut saong bruk pablei salih pandap meng kan.

Dom bruk yaih khan pandap OCOP lac bruk kham marat di tỉnh dalam yaih khan, pambuak bruk pablei tabiak pandap panda hu angan, pandap hu ngak rilo di tỉnh Sóc Trăng saong dom tỉnh, ban. Oh lac ngak brei kein laba gah kinh tế, bo daok lac talei pambuak bruk piah ka dom puk palei, kapul nyaom, doanh nghiệp, bhum palei dalam taneh ia patagok dom jalan ngak pachreih bruk pablei salih, pambuak gauk, yaih khan saong duah jalan pablei pandap OCOP./.