Yau nan meng halei mai hu dom kadha bac megru siam gheih tuk camereip peih ngak saong jalan patui di nan hu peih ngak yau halei piah jhul pakhang bruk likei kumei samu gauk, langyah dom bruk xa hoi njauk samar chip, oh caik thei daok veik gah lakuh hadei?

Piah sahaneng mboh cambaic laic jang ka dom bruk praong nan, da-a mikva saong grauk ayut  pang kadha ndem meyai nao mai di Urang vak Hoàng Thái haong Nguyễn Thị Minh Hương, Pho Kapol Urang kumei Viet Nam.

 Tangi : “Salam muk, hadei 5 thun peih ngak Danak 8, Trung uong Kapol taong yaom halei lac dom kadha bac megru praong saong dom bruk halei njauk  ngak rik tame ngak hu siam rilo bruk njauk meyaom bo Danak ngak hu, njauk ndem tal bruk salih jalan sahaneng saong iek praong urang kumei, uranaih di bhum urang bangsa takik saong bhum ceik?

Calei: “ Bruk ngak hu siam di Danak dak 8 lac dalam 9 kadha ba tabiak ye hu 4 bruk ngak hu siam saong mbluak jang biak glong, hu bruk ngak siam rilo tal labaih 200%. Daok 5 kadha daok veik, khol dahlak kuhria peih ngak di puac thun 2025, lac abih vaktu ka 1. Hasa kadha lac kan ngak hu siam. Tapa nan brei mboh bruk jak jeng siam mekre di danak dak, ralo bruk ba tabiak ngak hu siam saong mbluak jang siam.  

Dom bruk ngak hu jak jeng ralo lac bhian pambuak haong bruk ngak di bhap  bini, yau ye bruk “ Labik njauk jia hatai” atau dom kapol  nyaom pathau khan dakwah dalam bhap bini. Bruk nan brei mboh bhap bini pachreih ngak tui, bruk nan rik tame dom bruk ngak di danak dak mek hu siam lagaih. Dahlak sahaneng lac, sa dalam dom bruk bac megru praong hu jak jeng siam tuk camereip peih ngak danak dak lac hu dom pakat karja saong njauk ndem tal lac bhap bini. Hu bhap bini tui ngak daong ka dom bruk di danak dak hu lagaih jang hatai caong takre di mikva urang, tapa nan daong ka khol dahlak ramik pasiam veik bruk ngak di danak dak hu siam jang.

Tangi: “Dalam vaktu 2026 -2030 di Danak dak pakat negar, Danak dak 8 meda hu rilo bruk brei ramik pasiam saong brei ngak dahlau yau halei piah hu pambak tal rilo urang, langyah hu dom bruk manuac sia drah samar tuk birau mblo tabiak  jeng yau dom bruk daok tavak tavaiy, likau muk brei thau?”

Calei: Urak ini, padang ngak Danak dak pakat negar jeng brei salih karei. Yau nan min, yaom lac yau halei nan, Kapol urang Kumei Viet Nam jeng thau lac bruk pablak tame kadha likei kumei lac bruk njauk ngak oh padeih dalam taong abih dom bruk ngak di Danak dak pakat negar ka bruk patagok kinh te xa hoi di bhum urang bangsa takik saong bhum ceik. Makna di nyu lac, Danak 8  hu atau oh hu Danak dak 8, dom bruk ngak njauk brei pablak tame kadha likei kumei samu gauk.

Pagap yau ye, dom bruk ngak brei patagok kinh te xa hoi, njauk brei hu rilo bruk daong ka urang kumei, yau dom HTX atau doanh nghiep kayua urang kumei ngak po. Atau dom bruk pambuak tal iek glang prein yawa, brei hu asar kadha karei di nyu lagaih daong ka urang kumei ka prein yawa ndih tapui anek, raong ba urang ndih tapui saong uranaih. Yaom lac, khol dahlak brei pablak tame bruk likei kumei dalam taong abih bruk di danak dak saong paglong prein ngak bruk ka urang kumei jeng yau dom urang jakar di bhum palei.

Po, biak thau dhar phol amuk!