Hu mbaok di “baoh sang ahar palei” di urang nghe nhan Phan Kim Ngân – bhian hu ieu haong angan jaik taphia lac Bảy Muôn, lac sa dalam dom baoh sang rahra di Cồn Sơn (phuong Bình Thủy – Ban raya Can Tho) hu mbaok tame ngak jirah tui bruk pambuak, patagok ilamo meng lavik mai di rahra gah Pei negar – pak di ini tuk halei jeng ndung bak sap ndom klao di tuai damuai hu mbaok tame ngak ahar bhap bini meng kal klak. Oh nduac tui darak pasar hu rilo janih ahar ngak karei, urang nghe nhan Bảy Muôn tok ngak saong ngak ka tuai damuai mbang dom janih ahar palei di bhap bini hu angan di gah Pei negar.

Oh lac urang ta-eng Bảy Muôn, dom baoh sang rahra di angaok Cồn Sơn jeng pandar kein lagaih di gah ngak nong, bein njam danao ia hu dahlau di bhum palei blaoh brei tabiak rilo ndap nda jirah yulit ndung bak
“ilamo palei pala” jeng lac ye sa di dalam dom bruk Hop tac xa Yulit Cồn Sơn khik ramik, ba ilamo hu angan di bhum palei mai jaik jang tal tuai damuai dalam saong langiu negar. Urang nghe nhan Bảy Muôn saong urang nghe nhan Bé Bảy, Hop tac xa Jirah Cồn Sơn ndom meyai lac: “Gruk hit di Cồn Sơn ngak hu lac khol dahlak hulin khik ramik hu sap ndom bhap bini di rahra gah Pei negar yau ye “chèn ơi, mèn ơi, bruk siam mekre, bruk anit ranam, gheih ghang di urang gah Pei negar. Tuk bo tuai damuai mai tal Cồn Sơn brei pang hu sap ndom saong tok hu bruk ndom meyai meng bruk anit ranam di urang gah Pei negar.”

Bruk tapak hatai, gheih siam hahuan saong ndung bak ilamo gah Pei negar blaoh rahra urang Cồn Sơn ndom, urak ini oh tok hu di bhum Can Tho klak, ngan haong labik karja hadei tuk pagam, Can Tho bahrau daok hu labik khik ramik glai klo alam langik tasik gah jirah yulit gah ngak nong, yulit bhap bini, yulit ilamo, sajarah, labik ilamo Khmer pagam haong dom labik inem mek, kalan sang baha.

Urak ini Kapul Yulit Ban raya Can Tho hu taong abih 183 urang dalam kapul lac dom labik jirah rivang padeih padei, labik rivang mein. Dom urang dalam kapul hu dom bruk ndom meyai saong gauk ka ndap nda yulit bahrau, abih di nyu nan lac sangka iek praong pandar jalan yulit jalan kraong. Amuk Võ Xuân Thư – Yam ndok Hotel Victoria Can Tho brei thau:  "Labik bhum taneh khol drei urak ini daok peih praong tabiak saong kein lagaih jeng yau dom drap ar jirah yulit biak peih praong, ye khol dahlak hulin kuhria peih ngak veik dom tuor jalan. Khol dahlak hulin hu ngak iek dahlau meng jalan Can Tho tal Cù Lao Dung, Can Tho nao tal Trần Đề piah tuai damuai meda hu padeih padei di Trần Đề saong patui veik nao Côn Đảo, khol dahlak hulin ndom lac ini lac bruk ngak biak lagaih".

Urak ini Ban raya Can Tho, hu 869 labik padeih padei, 86 labik ngak mbang pablei salih gah yulit jirah rivang. Langiu bruk ngak randap haong labik bahrau, Ban raya Can Tho jeng biak sangka tal bruk yaih khan jhul tagok dalam saong langiu negar, mbuan mboh rilo abih lac jaik di ini abih lac jhul tagok gah yulit Hue saong dom tinh gah Kreh negar di tukvak caga ka bruk ramik pagam jabat karja pakat tinh. Gam haong di nan brei jak ba abih gah ka bruk buh jien tame patagok gah yulit, dalam nan hu sangka iek praong padang, pasiam ket cau jalan mbak pambuak bhum. Ngan haong jalan ngak quy hoach patagok kein lagaih, pataom tame janih yulit ilamo hu angan di bhum meng Ban raya Can Tho bahrau, ong Hà Văn Siêu - Phaok akaok Kuk jirah Yulit Negar Viet Nam ndom lac: "Dom ilamo siam gheih hu angan hu iek praong, hu pok meyaom saong hu pacang khik ye nyu meng hu tanrak hadah saong jeng sa bruk jirah rivang me-in dui pachreih tuai damuai. Tuk klau bhum palei pagam tame ye dom kein lagaih hu peih tabiak, jak ba prein ngak brei pataom jang, jeng yau lac labik peih pambuak pabak ka gauk ka kein lagaih piah ngak jeng prein khang taong abih".

Ban raya Can Tho hadei di pagam hu labik peih praong haong kein lagaih, dom janih gah kaya ngui jalan mbak nao ma-in bang huak ma-in ma-iec brei ka bruk patagok yulit haong labik dang bahrau. Kayua yau nan ye nan, ban raya daok pataom tame padang co so ha tang, abih di nan lac jalan mbak piah patagok rilo abih kein lagaih ini. Kein lagaih bahrau pagam tui kan kandah brei truh tapa, caong takre yulit bhum palei brei salih drei, uak drei tagok khang kajap jang./.